Elunduluko lovakalelipo voshilongo olo la ningwa kuMbumba otali limbilike

Onghatu yapelesidente Nangolo Mbumba yokwiifanununa nokupingena po ovakalelipo vaNamibia okudja koBrazil, Senegal, Botswana, koAfrican Union (AU) noEthiopia otai nyikwaanyikwa ngaa kovanhu vamwe.

Omukalelipo waNamibia mukulu Pius Dunaiski okwa yandja oushima konghatu ei, ta ti Mbumba ne likaleke kokule nokuninga omatokolo akula pefimbo apa opo a kwashilipaleke elunduluko lepangelo li li nawa. “Pelesidente wopakafimbo, okwa etela ongudu yaye omalimbililo.

“Oilonga yaye oya pumbwa okukala kokule nomatokolo akula e li ngaha opo a kwashilipaleke elunduluko lepangelo tali ende nawa. “Okuulika ovakalelipo voshilongo itashi monika nawa papolitika,” Osho a ti ngaho. Etivali, Mbumba okwa li a ifanununa, meendelelo, omukalelipo vaNamibia Asser Kapere okudja koBotswana, Elvis Shiweda okudja koSenegal naEmilia Mkusa okudja koAU nokoEthiopia.

Ovapingenwa po kuSelma Nghinamundova, oo a tumwa koBrazil, Elizabeth Kakukuru oo a tumwa koBotswana naRichard Tsandib oo a ya koSenegal. Omukalelipo Mbapeua Muvangua okwa twalwa koAU nokoEthiopia okudja koBrazil. Dunaiski okwa ti pelesidente ta di koshipundi ta hoolola ovakalelipo voshilongo kashi shi oshinima shipe.

“Kashi shi oshinima shipe ngee elelo tali di mo mombelwa tali ningi omalunduluko a tya ngaho opo li kwalipaleke nokukwatela po oilonga yookaume kavo ile yovanhu ovo ve li popepi novanapolitika ngee kave shi kutya elelo eli tali shikula ko otali ka ninga shike.

“Oopelesidente vahapu ohave shi ningi molwomatomeno a yooloka, unene opaumwene,” Osho a ti ngaho.

Dunaiski, nande ongaho, ina teelela okulundulula ovakalelipo voshilongo kulundulule omakwatafano opaiwana ngaashi Mbumba a udaneka a mane ashike oilonga yanakufya pelesidente Hage Geingob.

“Okuninga omalunduluko eli ngaho pefimbo apa kaku na ashike omaupyakadi opapolitika, ashike naao opaveta. Oshinima eshi otashi eta ashike omakulukuto mongudu tai pangele,” Osho a ti ngaho.

Okwa ti onghatu ei otai dulu okutalika ko kutya okukufa omutwe woshilongo eenghono oo tau shikula ko ngee ongudu yomilameno ya findana.

Natango, omundjadjukununi womilandu dokondje yoshilongo Marius Kudumo, okwa ti peenghono odo da pewa Mbumba ongomutwe woshilongo, omauliko oo kakwa li e na oshilonga shasha. Kudumo okwa ti etokolo laa po Namibia ta tumu ovakalelipo vaye inali kala nokutalika nawa ngaashi sha pumbwa okukala. “Oshinima osha pumbwa okutala ngee opo omunhu ta tumwa oku na ngaa owino nounongo wa po opo a dule okuyambula po omikalo di na sha nouwa waNamibia moshilongo omo eli, nosho yo koilongo yokoumbuwanhu waAfrica. ,” Osho a ti ngaho. Okwa ti owino waKakururu wokoSADC owe mu pa owino wakola wopolitika, nosho yo oinima ya pamba onghalafano nomaxupilo moBotswana nokeepolohalama doSADC, nonghee nee ota dulu okutambula ko diva oshinakuwanifa shipe.

“Kandi wete euliko eli ongelunduluko lodiva, ashike oilonga ashike ye ya po,” Osho a ti ngaho.