…nakuninga oshihakanwa okwa ti ombili inai wana
Oshiningwanima osho vati sha kwatela mo oshilyo shoSwapo sha shinga otuwa sha yuka mengungo lovayambididi, vongudu yoIndependent Patriots for change (IPC) kOutapi, sha monifa omunhu umwe oshiponga, osha kala nokukelelwa.
Eengudu adishe oIPC noSwapo oda ti itadi popile oshinima eshi.
Kavila Kautwima (73) okwa li a mangwa po Oshoondaxa konima eshi a monifa Risto Shekudja (47) oshiponga Olomakaya.
Shekudja okwa mona oshiponga mongolo nongolo yaye okwa li ya dja ponhele.
Kautwima okwa li a holoka komhangu yamagestrata kOutapi Omaandaxa nokwa li a pewa e lifutile mo noshimaliwa shi fike poN$3 000 koshibofa shonghendabala yedipao. Oshibofa shaye okwa li sha undulilwa komafiku 17 Auguste.
Shekudja Etivali okwa li a hokololela oThe Namibian oshiningwanima eshi.
Okwa ti okwa li ashike ta ende pamwe noilyo imwe yongudu eshi kwa li a boshwa kohauto.
“Onde limona ashike eshi ndi li pedu ndi udite otuwa. Okwa li i li pwaame eshi kwa li nda nangala opo. Kakwa li handi dulu okufikama,” Osho a ti ngaho.
Shekudja okwa ti omushingi woshihauto okwa ti oshilyo shoSwapo, oo kwa li a lombwelwa kutya ponduda yaye yomalandifilo opu na ongudu yoilyo yoIPC. “Katwa li ponduda yaye. Katwa li nopopepi nayo,”Shekudja osho a ti ngaho.
Shekudja okwa li a twalwa koshipangelo shaUtapi.Okwa li a lopota kutya ota ehama onhulo, ashike Etivali okwa ti oku li po xwepo. “Ombili itai dulu okukala yoshili, shaashi onda itavela kutya okwa li sha ningilwa owina. Onda uda kutya okwa li a pewa e lifutile mo noshimaliwa shi fike poN$3 000 Omaandaxa noshibofa shaye osha undulilwa komafiku 17 Auguste,” Osho a ti ngaho.
Omupedu hamushangandjai woSwapo Uahekua Herunga Etivali okwa ti ongudu oya fikama ponghatu yokuhapopila oimbuluma nande oyoludi nee lilipi.
“Oshiningwanima onde shi uda okupitila komalungula . . . Kandi na vali ouyelele wa wedwa po, onghee nee omapopyo naa kale ashike ngaho fiyo a kolekwa,” Osho a ti ngaho.
Herunga okwa ti ovaleli aveshe voSwapo noilyo aishe oi shi shi kutya oikonga noinima aishe yopolitika nai kale yombili. Hamushangandjai wopashiwana wongudu yoIndipendent Patriots for Change (IPC) Christine Aochamus Etivali okwa ti elelo longudu ola hala okukapopya noSwapo opo li ka kundafane omakulunguto oo taa ningwa nokukapula okufimanekafana pefimbo loikumungu yopolitika.
Okwa ti okomisi yomahoololo yaNamibia nai kwashilipaleke kutya eengudu adishe otadi liufa komilandu.
“Itatu dulu okweefa oinima ya tya ngaha opo eemwenyo tadi kanifwa omanga ovanhu tava wanifa po oufemba wavo wopaudemokoli,” Osho a ti ngaho.
“Ohatu pula okomisi yomahoololo opo i kwashilipaleke kutya omilandu domaliumba oda wanifwa po nopolifi opo i nghonopaleke oshinima eshi. Okatendo komahoololo oka kelela okukelela oyoongalele yopambili,” Osho a ti ngaho.
Omupopiliko wokomisi yomahoololo Mulauli siluka kakwa li nande a nyamukula omapulo oo kwa li a tuminwa Etivali.
Hamushangandjai wevava lovanyasha loSwapo Ephraim Nekongo Omaandaxa okwa ti ongudu itai popile nande oimbuluma. “Ashishe osho handi dulu okuninga ongomuleli okupula ashike ovakwashiwana, kutya nee ovongudu ilipipo yopolitika, opo va ngungumane nokufimaneka vakwao.
“Ngee u na oyoongalele yoye yopolitika, hamunhu a i ndee ta ka piyaaneka vakwao,” Osho a ti ngaho.
Nekongo okwa ti oimbuluma nai kelelwe momukalo wakola.
Okwa ti omunganeki woSwapo koshitopolwa oko ota ongele ouyelele kombinga yoshiningwanima eshi.
Omuunganeki woSwapo koshitopolwahoololo shaMusati Sacky Kayone oshivike eshi okwa ti ongudu ihai popile nande omalushindo noimbuluma pefimbo loikonga yopolitika.
Okwa ti ita konakona ngee Kautwima oshilyo shoSwapo shaashi oshibofa oshi li komhangu paife.
Omupopiliko wongudu yoIPC Imms Nashinge Oshoondaxa okwa ti ongudu otai feekele kutya Kautwima oshilyo shoSwapo.
Oshiningwanima shoshOondaxa kashi shi shotete oshilyo shoSwapo tashi lundililwa okuponokela oilyo yeengudu domilameno kOutapi. Momudo 2008, oilyo i fike lwopo12 yongudu yoRally for Democracy and Progress (RDP) okwa li ya monifwa oshiponga eshi ongudu yovayambididi voSwapo kwa li ya kalela ongudu yavo iha ningile oshoongalele modoolopa. Ovanhu okwa li va lemana eshi vati oilyo yoSwapo kwa li tai kupula omamanya keetuwa nokwa li va pandeka nokuxwika po omapandela oRDP.
Momudo 2009, ovayambididi ve li lwopo200 voSwapo kOutapi okwa li va kelela oilyo yoRDP opo iha ye mo modoolopa. Opolifi okwa li ya longifa ohaasa yomahodi opo i dule okuungaunga nengungo olo.
Konima yoshoongalele shoRDP, oita okwa li ya holoka eshi omatuwa oRDP kwa li elilongekida okufiya po odoolopa.
Oilyo yoSwapo okwa li i li omakungha keembinga adishe dopate, tai umbu omamanya keetuwa eshi tadi piti po.
Omunashipundi mukulu weumbo etiva lopashiwana noshilyo shoRDP Kandy Nehova okwa lundila ovayambididi voSwapo vokOutapi kutya ove na eudeko la nghundipala loudemokoli.
“Namibia natango oshilongo shi na eengudu da yooloka. Keshe umwe okwa pumbwa okushifimaneka,” Osho a ti ngaho. Nehova okwa ti hamunhu a imbi vakwao va ninge oikonga yavo okupitila moimbuluma.
Okwa dimbulukwa nghee oilyo yongudu yaye kwa li ya ponokelwa kovayambididi voSwapo momudo 2008 no2009. “Momudo 2009, oko nda li oko amemwene. Onda mona nghee oilyo yetu kwa li ya dengwa, ashike lao linene opolifi oye ya okutupopila,” Osho a ti ngaho.
Ondjokonona kutya Swapo ihai longo neengudu domilameno, osho a ti ngaho.
“Keshe umwe na efiwe a shiivife omadilaadilo aye ndee ovo va mono omawi mahapu tava lele oshilongo,” Nehova osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
