Omakonakono ku talike osho sha eta oshiponga shodila mOvenduka

Ovakonakoni otava ka tala kutya oshike sha eta odila yedina Cessna 406 i we mo mombanda, oyo kwa li ya wa mombanda noya twaalela eemwenyo dovanhu mOvenduka Etitano la dja ko, otaku tiwa odila ei okwa li tai ningilwa omalolelo lwopo17h00.

Oshiponga shodila ei yehangano ledina Westair Aviation, osha twaalela omwenyo womushingi Rozanne De Beer-Olivier (33) naRuan van Schalkwyk (24), naindjinia wodila Adre-Armand Lubbe (25).

Oupambu vashona vodila ei, ovo ve li va nyanyauka po eepelesenda 90 paife, okwa li va ongelwa nokwa li va twalwa konhele yopaumwene opo va ka ningilwe omakonakono.

Omukulunhuwiliki wehangano li na sha noiponga nomakonakono oiponga yeedila moministili yoilonga noyeendifo, Oshoondaxa okwa lombwela oThe Namibian kutya omakonakono kombinga yoshiponga otaa tameke Omaandaxa.

Omakonakono otaa i fiyo opo kutala omikanda dokushinga dovashingi vodila nokutala oindjina yodila opo ku monike kutya oshike sha eta oshiponga, osho kwa li sha holoka konima ashike yefimbo lixupi eshi kwa li odila ya fiya po okapale keedila kaEros.

Ohangano madina The Namibian Civil Aviation Authority (NCAA) and Westair Aviation nao otaa ka ningilwa omakonakono.

Abraham okwa ti otaku ka ningilwa omakonakono osystema aishe ndee kaishi ashike kombinga yaashi sha eta oindjina opo i kale itai longo nawa.

“Ohatu ka tala ngee ehangano loWestair okwa li ngaa la tala nawa netomeno lokuninga omalolelo mEtitano potundi 17h00, oilonga yodila oya shike kwa li, oshike kwa li sha ningwa po nomilandu odo kwa li da longifwa,” Osho a ti ngaho.

“Otwa itavela kutya oshiponga kakwa li ashike sha etwa koupyakadi umwe auke. Sho osho nee tu na okutala koinima ya yooloka, hatu tale omadeulo avo, osho va ninga po naasho inava ninga pefimbo opo va dja mokapale.”

Odila, ei yehangano ledina Westair Aviation, okwa li ya ndulukwa koFrance omanga eeindjina dayo kwa li da longwa koCanada kehangano ledina Pratt & Whitney.

“Okwa li twa ninga oshoongalele nehangano lodila ei ponhele opo pwa ningilwa oshiponga nokwa li twa kufa ko omikanda adishe dovanhu ovo va kwatelwa moshiponga eshi nomikanda dodila. MOlomakaya ngaashi omalandulafano e na okukala, okwa li twa shiivifila ehangano eli la longa odila ei ngaashi omilandu tadi ti naku tumwe etumwalaka moule weevili 48. Ove shi tambula ko,” Abraham osho a ti ngaho.

“Ehangano eli la longa odila ei ola pumbwa okukufa ombinga momakonakono, shaashi otushi shi nale kutya opu na oshinima kwa li itashi longo nawa nopwa li pu na oupyakadi neeindjina.

“Otwa tumina ouyelele koCanada nova nyamukula kutya ove na okuvatela puhe na nande ofuto yasha nove na okuuya koNamibia. Otwa udafana kutya otave ya oshivike eshi,” Osho a ti ngaho.

Odila kakwa li i na nande okakefa oko haka didilike nokukwata keshe osho tashi ningwa modila.

Abraham okwa ti ewilikongudu otali ka tala nokoufano ovo ve li mokapale keedila naavo ve li mepandaanda omo odila ya wila.

“Odila oya hanauka po eepeleseda 90 shaashi okwa li tai longifa omahooli oo haa kwata omundilo neenghono. Ohatu ti ashike oya hanauka po filufilu.

“Eshi twa dja nasho ponhele opo pwa ningilwa oshiponga oinyanyu ashike yodila oyo ya pya po, ashike ihapu yomuyo oitenda, oyo inai pyapo filufilu,” Osho a ti ngaho.

Omupopiliko wongudu yomahangano oWestair Elzanne McCulloch mexuliloshivike okwa ti oshinima eshi shinyanyalifa osha kuma ehangano nai.

“Ehangano loWestair Aviation otali koleke nenyeme kutya ola kanifa odila yalo imwe yedina Cessna 406, yonomolo V45-ASB. Ohatu shi koleke nenyeme kutya, ovanhu vatatu aveshe ava va li modila omu ovo ve li ovanailonga vehangano letu inava xupa nande moshiponga eshi.”

Omukulunhuwiliki woNCAAC, Toska Sem, Etitano okwa ti ehangano ole litula mo mokulongela kumwe nongudUwiliki nehangano olo hali ungaunga nomakonakono oiponga yeedila.

“Ohatu va pe omayambidido aeshe a pumbiwa opo va ninga omakonakono opaumwene kombinga yaasho sha eta oshiponga.

Ouyelele umwe wa wedwa po okudja kopolifi otau holola kutya omaumbo avali okwa lii a teyaalwa po moPionierspark.