MALAMBO – Omupresidende gwa Equatorial Guinea, Teodoro Obiang Nguema, mOsoondaha okwa gandja elombwelo kutya aahingindhila yAaArmenia yahamano – mboka ya li ya tulwa mondholongo ya lopotelwa ekuthombinga monkamabadhala yokuumba ko Epangelo lye – naya mangululwe.
Aalumentu mbaka, mboka ya li ya popi kutya kaye na ondjo, oya li ye edhililwa mondholongo yopokati mu Malambo. Palombwelotseyitho ndika, aalumentu mbaka oye na okumangululwa nokushunithwa koshilongo shawo.Oya li mongundu yaahingindhila yamwe, nayo ya li wo ya kwatwa po nokutulwa mondholongo mu Novemba 2004.Okwa li taku fekelwa kutya oye li aalandwakwiita ya li ya hala okuumba ko Epangelo lyoshilongo shika noye na ekwatathano naalumentu yalwe ya li wo ya kwatwa po mu Zimbabwe – nayo taku fekelwa kutya oya li yu uka ku Equatorial Guinea ya ka umbe ko Epangelo lya Nguema.Mark Thatcher, omonamati gwaangoka a li nale Omuprimaminista gwa Britain Margaret Thatcher, okwa li a fekelwa kutya oye a li a gandja oshimaliwa shimwe shoka sha li tashi ka futwa aalumentu mbaka, ngele yu umbu ko Nguema koshipundi.Thatcher okwa li a lombwele Ompangu mu South Afrika kutya oku na ondjo molwashoka okwa taagulula oveta tayi kelele iilonga yuulandwakwiita ya South Afrika na okwa li a mangululwa sho a futu Oondola dha South Afrika oomiliyuna ndatu (R 3 million) mu Januali nuumvo.-Nampa-AFPPalombwelotseyitho ndika, aalumentu mbaka oye na okumangululwa nokushunithwa koshilongo shawo.Oya li mongundu yaahingindhila yamwe, nayo ya li wo ya kwatwa po nokutulwa mondholongo mu Novemba 2004.Okwa li taku fekelwa kutya oye li aalandwakwiita ya li ya hala okuumba ko Epangelo lyoshilongo shika noye na ekwatathano naalumentu yalwe ya li wo ya kwatwa po mu Zimbabwe – nayo taku fekelwa kutya oya li yu uka ku Equatorial Guinea ya ka umbe ko Epangelo lya Nguema.Mark Thatcher, omonamati gwaangoka a li nale Omuprimaminista gwa Britain Margaret Thatcher, okwa li a fekelwa kutya oye a li a gandja oshimaliwa shimwe shoka sha li tashi ka futwa aalumentu mbaka, ngele yu umbu ko Nguema koshipundi.Thatcher okwa li a lombwele Ompangu mu South Afrika kutya oku na ondjo molwashoka okwa taagulula oveta tayi kelele iilonga yuulandwakwiita ya South Afrika na okwa li a mangululwa sho a futu Oondola dha South Afrika oomiliyuna ndatu (R 3 million) mu Januali nuumvo.-Nampa-AFP
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
