Aalongi yaali yopOseko ya Ngha ya kwatwa meso lyomunasikola

A ALONGISIKOLA yopOseko yOpombanda yaNgha ye li yaali oya kwatwa po kOpolisi ya Hangwena shi na sha neso lyomunasikola mOseko yOpombanda yaNgha, ngoka taku tiwa kutya eso lye olya etwa aniwa kedhengo lye kAalongi mboka.

Kepulo, Opolisi mOshitopolwa sha Hangwena oya koleka kutya oya kwata po aalongisikola yopOseko yOpombanda ya Ngha yaali shi na sha neso lyomunasikola Festus Ndevelo gwoomvula 17 a li mOndondo ontihetatu (Grade 8), ngoka a mana oondjenda dhe mEtitano lya zi ko (08/07/2005) mOshipangelo shEpangelo sha Shakati moka a kala ta pangwa konima aniwa sho a dhengwa nayi kaalongisikola meti 23 Juni 2005. Aalongisikola mboka oyo nee Walberech Iipinge gwoomvula 30 na Abraham Ndjiku, naye gwoomvula 30.Ayehe yaali oya kwatelwe po mEti 8 Juli 2005 noya holoka mOmpangu ya Mengestrata ohela pOhangwena noshipotha shedhipago.Oshipotha shawo oshuundulilwa komeho omolu omakonakono.Kepulo, Komanda gwOpolisi mOshitopolwa sha Hangwena, Komufala gwOpolisi gwOpevi Armas Shivute, okwa ti kutya oshiningwanima shika kuyo osha lopotwa ko meti 8 Juli 2005, esiku okamatyona haka ka sa.Sha lopotwa kaakuluntu yokamatyona.”Omukuluntusikola gwOseko yaNgha ina lopota oshinima shika kOpolisi, Ewilokosikola lyOseko nalyo wo inali lopota sha kOpolisi shi na sha noshiningwanima shika.Omutalelisikola gwOshikandjosikola sha Hangwena naye ina lopota sha kOpolisi shi na sha noshiningwanima shika, nokOmbelewa yOmuwiliki gwElongo mOshitopolwa sha Hangwena nako inaku za wo olopota yasha moshinima shika.”Komanda yopolisi moshitopolwa sha Hangwena Armas Shivute ta popi.Ta gwedha po ta ti kutya oshinima shoka keshi uvitile ombili.Kepulo, Omuwiliki gwElongo mOshitopolwa sha Hangwena, Josia Udjombala, okwa ti Omutalelisikola mOshikandjosikola sha Hangwena, Thomas Johannes, oshiningwanima shoka okwe shi mu lopotela meti 8 Jukli 2005.E shi ningi ashike kokana.Udjombala ta ti kutya, sigo opo mpaka, Ombelewa ye inayi mona natango olopota pamushangwa moshinima shika.Ta gwedha po kutya Ombelewa ye otayi shi konakona.”Nena ndjika otandi yi kOngha ndi ka pulakene shoka sha ningwa ko,” Udjombala ta lombwele ngaaka Oshifo shika ongula yohela.Omutalelishikandjosikola sha Hangwena, tate Thomas Johannes, kepulo okwa ti kutya yo oya kala ngaa ye uvite ashike omapopyo taga popiwa kaavali mboka kutya oye na okanona kawo ka dhengwa kaalongisikola pOngha, nometi 7 Juli 2005, okwa mona nee Olopota ya za kOmukuluntusikola gwa Ngha moshinima shika.Johannes kali ta vulu we okugwedha ko.Ta ti uuyelele wiihwapo ote ke wu gandja komeho.Omulukuntusikola pOngha, Simeon Mutumbo, okwa koleke kutya aalongisikola ye yaali, oya kwatwa po kOpolisi shi na sha aniwa neso lyomunasikola gwawo Festus Ndevelo gwoomvula 17.Tate Mutumbo ta ti Festus, okuza meti 24 sigo eti 25 Juni 2005, inake ya ko kOsikola.Meti 28 Juni 2005, aavali yako oye ya aniwa kosikola, ya ka mone aalongisikola mboka yaali, okamatyona taka ti kutya oyo ye ka dhenga.Mutumbo ta ti kutya aavali oya mono ashike gumwe gwomaalongisikola mboka taya popiwa kokanona, inaye ya aniwa oku mu mona ye mwene ongOmukuluntusikola.Mutumbo ta tsikile kutya meti 6 Juli 2005, aavali yokamatyona haka oye ya nee ye mu mone mwene noku mu lombwela kutya okanona kawo oka li ka mono eputudho kaalongi, ashike eputudho olya etelele nee uuwehame uuene.Komufala gwOpevi Shivute ta ti ye pamwe nOpolisi ayihe mOshitopolwa sha Hangwena oya kondema nayi oshiningwanima shika nokwa gandja uusama uunene kOmukuluntusikola gwOseko yOpombanda yaNgha nokewiliko alihe lyOseko sho inaye shi lopota kOpolisi.Omakonakono gOpolisi moshinima shika otaga tsikile.Oyendji yomaakwashigwana mboka ya uva oshiningwanima shika otaya ti kutya oya kankwa kusho noya hala shi konaakonwe nawa naamboka ye shi ninga, ngele oya monika ondjo moshinima shika, ya mone egeelo lye ya gwana.Omumwayina gwa nakusa Festus, ano Daniel Ndeevelo ngoka ta ti kutya oyomomukunda Oshali sha Kapitiya opu na omaumbangi giihwapo kutya okamwayina oka dhengelwe nokuthangwa esiku ndyoka.Daniel ta ti Festus okwa li wo a teka nokuli okwaako kokolulyo sho a li moshipangelo.Oshali oshi li popepi nOhalushu mUukwanyama.Aalongisikola mboka oyo nee Walberech Iipinge gwoomvula 30 na Abraham Ndjiku, naye gwoomvula 30.Ayehe yaali oya kwatelwe po mEti 8 Juli 2005 noya holoka mOmpangu ya Mengestrata ohela pOhangwena noshipotha shedhipago.Oshipotha shawo oshuundulilwa komeho omolu omakonakono.Kepulo, Komanda gwOpolisi mOshitopolwa sha Hangwena, Komufala gwOpolisi gwOpevi Armas Shivute, okwa ti kutya oshiningwanima shika kuyo osha lopotwa ko meti 8 Juli 2005, esiku okamatyona haka ka sa.Sha lopotwa kaakuluntu yokamatyona.”Omukuluntusikola gwOseko yaNgha ina lopota oshinima shika kOpolisi, Ewilokosikola lyOseko nalyo wo inali lopota sha kOpolisi shi na sha noshiningwanima shika.Omutalelisikola gwOshikandjosikola sha Hangwena naye ina lopota sha kOpolisi shi na sha noshiningwanima shika, nokOmbelewa yOmuwiliki gwElongo mOshitopolwa sha Hangwena nako inaku za wo olopota yasha moshinima shika.”Komanda yopolisi moshitopolwa sha Hangwena Armas Shivute ta popi.Ta gwedha po ta ti kutya oshinima shoka keshi uvitile ombili. Kepulo, Omuwiliki gwElongo mOshitopolwa sha Hangwena, Josia Udjombala, okwa ti Omutalelisikola mOshikandjosikola sha Hangwena, Thomas Johannes, oshiningwanima shoka okwe shi mu lopotela meti 8 Jukli 2005.E shi ningi ashike kokana.Udjombala ta ti kutya, sigo opo mpaka, Ombelewa ye inayi mona natango olopota pamushangwa moshinima shika.Ta gwedha po kutya Ombelewa ye otayi shi konakona.”Nena ndjika otandi yi kOngha ndi ka pulakene shoka sha ningwa ko,” Udjombala ta lombwele ngaaka Oshifo shika ongula yohela.Omutalelishikandjosikola sha Hangwena, tate Thomas Johannes, kepulo okwa ti kutya yo oya kala ngaa ye uvite ashike omapopyo taga popiwa kaavali mboka kutya oye na okanona kawo ka dhengwa kaalongisikola pOngha, nometi 7 Juli 2005, okwa mona nee Olopota ya za kOmukuluntusikola gwa Ngha moshinima shika.Johannes kali ta vulu we okugwedha ko.Ta ti uuyelele wiihwapo ote ke wu gandja komeho.Omulukuntusikola pOngha, Simeon Mutumbo, okwa koleke kutya aalongisikola ye yaali, oya kwatwa po kOpolisi shi na sha aniwa neso lyomunasikola gwawo Festus Ndevelo gwoomvula 17.Tate Mutumbo ta ti Festus, okuza meti 24 sigo eti 25 Juni 2005, inake ya ko kOsikola.Meti 28 Juni 2005, aavali yako oye ya aniwa kosikola, ya ka mone aalongisikola mboka yaali, okamatyona taka ti kutya oyo ye ka dhenga.Mutumbo ta ti kutya aavali oya mono ashike gumwe gwomaalongisikola mboka taya popiwa kokanona, inaye ya aniwa oku mu mona ye mwene ongOmukuluntusikola.Mutumbo ta tsikile kutya meti 6 Juli 2005, aavali yokamatyona haka oye ya nee ye mu mone mwene noku mu lombwela kutya okanona kawo oka li ka mono eputudho kaalongi, ashike eputudho olya etelele nee uuwehame uuene.Komufala gwOpevi Shivute ta ti ye pamwe nOpolisi ayihe mOshitopolwa sha Hangwena oya kondema nayi oshiningwanima shika nokwa gandja uusama uunene kOmukuluntusikola gwOseko yOpombanda yaNgha nokewiliko alihe lyOseko sho inaye shi lopota kOpolisi.Omakonakono gOpolisi moshinima shika otaga tsikile.Oyendji yomaakwashigwana mboka ya uva oshiningwanima shika otaya ti kutya oya kankwa kusho noya hala shi konaakonwe nawa naamboka ye shi ninga, ngele oya monika ondjo moshinima shika, ya mone egeelo lye ya gwana.Omumwayina gwa nakusa Festus, ano Daniel Ndeevelo ngoka ta ti kutya oyomomukunda Oshali sha Kapitiya opu na omaumbangi giihwapo kutya okamwayina oka dhengelwe nokuthangwa esiku ndyoka.Daniel ta ti Festus okwa li wo a teka nokuli okwaako kokolulyo sho a li moshipangelo.Oshali oshi li popepi nOhalushu mUukwanyama.