Gumwe ota futithwa ongombe sho a kwatitha po mwene gwomukunda

LAMECK Shipa, Omunafaalama mOshamakaka mOndonga mOshitopolwa sha Shikoto, okwa monika ondjo kOmpangu yElelo lyoshilongo shOndonga sho a lopota mwene gwomukunda gwa Shamakaka David Shikonda kOpolisi.

Otaku tiwa kutya omusamane Shipa okwa lundile Shikonda kutya okwa tinda Omukwankala gwomomukunda gwe meme Priskila Venelao Kafita, ngoka a manene oondjenda dhe meti 2 Aguste 2004, a fumvikwe momawendo moka hamu fumvikwa Aawambo momukunda gwe moka. Ta ti wo aniwa kutya omusamane Shikonda okwa fikitha po ondunda yomegumbo lye (Shipa) mesiku tuu ndjoka.mOndunda moka omo mwa kala hamu lala nakusa Priskila na mwene gwe tate Longinus Jafet nuunona wawo utatu Erastus Nghilifa Jafet (12), Longinus Nghilifa Jafet (10) noshowo Kapaiwa (omvula yimwe).Priskila omo wo a hulithila mondunda/mondjugo.Mokumonika ondjo momalundilo ngaka aniwa, Shipa okwa pewa egeelo a fute ongombe yimwe nenge OoN$600.00.Shipa ota pataneke etokolo lyOmpangu yElelo lya Ndonga ndika nokwa indila a pewe Ombapila a ka tsikilithe oshipotha she shika kOmpangu ya Mangestrata.Mokweeta ehokololo ndika ko The Namibian, omasiku ngaka, omusamane Shipa okwa ti kutya okwa kala a tula omusamane Longinus nomukulukadhi gwe meme Priskila nomumwayina gwa Priskila Linea Haufiku kegumbo lyokOfaalama ye kOshamakaka.Priskila na Longinus oya mono omagano guunona utatu, na ayehe oko ya kala kegumbo lye hoka.Pokati mpoka Priskila okwa kwatwa komukithi gwoOkaankela ngoka gwe mu faalele meti 2 Aguste omvula ya zi ko.A sile megumbo lyawo moka, moka a kala ta ehamene, e li mondjugo yawo moka.Esiku ndjoka a si, tate Shipa ina adhika ko kOhambo ye hoka, nomusamane gwa Prisikila, tate Longinus okwa tokola e mu fumvike esiku tuu ndjoka molwashoka okofuka na kakuna ookila dhomidhimba niiketha.Okwa yi aniwa ku mwene gwomukunda gwawo tatekulu David Shikonda a ka indila e mu fumvike momawendo gaayehe momukunda.Shikonda, patate Shipa, aniwa okwa tindi noku mu lombwela e ke mu fumvike mokuti kokule nomawendo gaakwashigwana.Longinus aniwa na suuwala ye Linea oya hondjele omudhimba gwa Priskila mekumbatha, taya tungu oshileyi, taya pewa oondongi ku meme Hendrina Kandjengo, taya kokulolele omudhimba gwe mokuti moka noku ke mu fumvika.Sho ya galuka aniwa oya adha aantu yamwe ya tumwa kumwene gwomukunda yee ya fike po ondjugo moka mwa kala hamu lala nakusa Priskila, moka wo a sila.Mboka aniwa oya thiminike Longinus a fike po ondjugo yawo ndjoka.Longinus okwa tindi noya thiminike okanona kawo Longinus ke shi ninge.Konima sho ondunda ya pipo, aantu mboka oya shuna ku mwene gwomukunda aniwa noku mu lombwela kutya ye shi mana.Shipa sho e ya ko komukunda hoka nokuuuva nokutala shoka sha ningwa po, okwa uvu nayi nokwa yi a ka mone mwene gwomukunda tate Shikonda.Shikonda aniwa okwe mu tidha ko.Shipa okwa yi kOpolisi ndjoka ye ya okukwata ko Shikonda nongundu ye noku ke ya pulaapula.Shikonda oshinima shoka okwe shi geele noonkondo nokwa tokola aniwa kutya aagandja Shipa na Shipa ye mwene inaya enda po we puundingosho, inaya teka we omeya kuuthima na inaya pewa we oshikukuta.Yo yomomukunda inaya enda ko we kegumbo lya Shipa nenge ya longithe ohauto ye.Mwene gwomukunda ta ti kutya omahokololo agehe ngoka ga falwa ku Shipa kOpolisi ogiifundja iitokele.Shikonda okwa fala wo ehokololo ndika kElelo lyOndonga okupitila mElenga enene lyOshikandjo shawo.mEti 28 Septemba nuumvo, Shipa na Shikonda oya ithanwa kElelo lyOndonga nokukapwaakenwa.Shipa okwa monika ondjo kutya ota fundju nashi a kwatitha mwene gwomukunda gwawo miinima yiifundja.Ta pewa egeelo a fute ongombe nenge N$600.00.Shipa etokolo ndjoka ke li uvitile ombili.Ta ti kutya Shikonda oye e na ondjo moshinima shika, oshoka okwa fikitha po ondunda ye, ye ishewe ina hala Aakwankala yomomukunda gwe ya fumvikwe momawendo moka hamu fumikwa Aawambo.Ta ti kutya oye na ontiko.Shipa ota ti kutya ota tsikile noshipotha shoka nokwa indila nale ombapila kuyo a ye kOmbangu ya Mangestrata.The Namibian, pamwe nOmusamane Shipa, oya yile kOshamakaka Omaandaha goshiwike shika nokumonathana na mwene gwomukunda omusamane Shikonda noshigwana she shaahoka.Shikonda noshigwana she oya geela noonkondo omusamane Shipa.Taya ti kutya omuniifundja omunene nokwa hala aniwa okuteya po ombili nekwatathano ewanawa lyomomukunda gwawo moka.Shikonda ota lombwele The Namibian kutya shoka sha popiwa ku Shipa kutya okwa tinda Omukwankala a fumvikwe momawendo moka hamu fumvikwa Aawambo, iifundja iitokele tootoo.Ta ti momukunda gwe kamu na Omawendo gAawambo nAakwankala.kmau na wo omawendo moka mwa fumvikwa aantu oyendji.Omuna ehala limwe ndjoka ya li ya hala li ninge lyomawendo, mwa fumvikwa omuntu gumwe.Ta ti ehala ndjoka oli li poppi nosikola nokwa tokolwa kutya itali vulu okukala omawendo.Okuza mpoka opwa si nee meme Prisikila (Omukwankala) nokwa gandja ezimino a ka fumvikwe pehala limwe mpoka opo ya tala nee tapu ka kala omawendo gomomukunda.”Nangaye ngele onda si opo tandi ka fumvikwa mpoka.Naakwashigwana ayehe yomomukunda gwandje mboka taya ka hulita omo taya ka fumvikwa momawendo omape moka, ngoka ga totwa po nee ku meme Priskila,” tate Shikonda ta ti ngawo.Ta ti wo kutya oshinima shokutya okwe ya tindile yaaende puundingosho, noshowo okuya tindila yaateke omeya muuthima waampoka nokuya sitopa yaamone oshikukuta, ayihe mbyoka iifundja iitokele tayi popiwa ku Shipa “Ngame kandi na okatongotongo noshigwana shandje.Ayehe oyandje, kutya Omuwambo nenge omukwankala.Shipa ompote nokwa hala okuteya ombili nekwatathano ewanawa ndyoka li li mokati koshigwana shandje noshowo pokati koshigwana shandje nangaye mwene,” tate Shikonda ta ti ngawo.Yamwe yomaakwashigwana oya pe wo tate Shipa uusama kutya okwa kala a ethela aanegumbo lye hoka ye li muuwike na ke ya kwathela sha, noya kala taya kwathelwa kaakwashigwana yaahoka, ngashi unene ku meme Hambeleleni Haihambo.Taya ti wo kutya ngashi nakusa Priskila okwa kala ashike mondjugo ye moka, ya li mepya nokuli, e li muuwike sigo ta tukwa komazinyo e na omwenyo nokusa.Tashi vulika osho nokuli sha eta epyepo lyondjugo ndjoka, molwashoka kamwa li tamu vulu okutalika nokwiidhimikilwa, naanegumbo lye oya li taya vulu okukwatwa komukithi wo nokuli.”Tse otu li kumwe momukunda gwetu muka, kutya nee Omuwambo nenge Omukwankala.Shipa oye ashike te tu etele uupote, ” gumwe gwomaanamukunda ta ti ngawo.Amushanga gwElelo lyOndonga tate Oskar Mbeeli, okwa koleka koThe Namibian kutya Shipa okwa monika ondjo shili kElelo lyoshilongo mokukwatithapo mwene gwomukunda gwa Shamakaka tate David Shikonda naantu ye miinima yiifundja nosho wo mokweetha aanegumbo lye taya mono iihuna, nokwa pewa nee egeelo, a fute ongombe nenge N$600.00.Ta ti wo aniwa kutya omusamane Shikonda okwa fikitha po ondunda yomegumbo lye (Shipa) mesiku tuu ndjoka.mOndunda moka omo mwa kala hamu lala nakusa Priskila na mwene gwe tate Longinus Jafet nuunona wawo utatu Erastus Nghilifa Jafet (12), Longinus Nghilifa Jafet (10) noshowo Kapaiwa (omvula yimwe).Priskila omo wo a hulithila mondunda/mondjugo.Mokumonika ondjo momalundilo ngaka aniwa, Shipa okwa pewa egeelo a fute ongombe yimwe nenge OoN$600.00.Shipa ota pataneke etokolo lyOmpangu yElelo lya Ndonga ndika nokwa indila a pewe Ombapila a ka tsikilithe oshipotha she shika kOmpangu ya Mangestrata. Mokweeta ehokololo ndika ko The Namibian, omasiku ngaka, omusamane Shipa okwa ti kutya okwa kala a tula omusamane Longinus nomukulukadhi gwe meme Priskila nomumwayina gwa Priskila Linea Haufiku kegumbo lyokOfaalama ye kOshamakaka.Priskila na Longinus oya mono omagano guunona utatu, na ayehe oko ya kala kegumbo lye hoka.Pokati mpoka Priskila okwa kwatwa komukithi gwoOkaankela ngoka gwe mu faalele meti 2 Aguste omvula ya zi ko.A sile megumbo lyawo moka, moka a kala ta ehamene, e li mondjugo yawo moka.Esiku ndjoka a si, tate Shipa ina adhika ko kOhambo ye hoka, nomusamane gwa Prisikila, tate Longinus okwa tokola e mu fumvike esiku tuu ndjoka molwashoka okofuka na kakuna ookila dhomidhimba niiketha.Okwa yi aniwa ku mwene gwomukunda gwawo tatekulu David Shikonda a ka indila e mu fumvike momawendo gaayehe momukunda.Shikonda, patate Shipa, aniwa okwa tindi noku mu lombwela e ke mu fumvike mokuti kokule nomawendo gaakwashigwana.Longinus aniwa na suuwala
ye Linea oya hondjele omudhimba gwa Priskila mekumbatha, taya tungu oshileyi, taya pewa oondongi ku meme Hendrina Kandjengo, taya kokulolele omudhimba gwe mokuti moka noku ke mu fumvika.Sho ya galuka aniwa oya adha aantu yamwe ya tumwa kumwene gwomukunda yee ya fike po ondjugo moka mwa kala hamu lala nakusa Priskila, moka wo a sila.Mboka aniwa oya thiminike Longinus a fike po ondjugo yawo ndjoka.Longinus okwa tindi noya thiminike okanona kawo Longinus ke shi ninge.Konima sho ondunda ya pipo, aantu mboka oya shuna ku mwene gwomukunda aniwa noku mu lombwela kutya ye shi mana.Shipa sho e ya ko komukunda hoka nokuuuva nokutala shoka sha ningwa po, okwa uvu nayi nokwa yi a ka mone mwene gwomukunda tate Shikonda.Shikonda aniwa okwe mu tidha ko.Shipa okwa yi kOpolisi ndjoka ye ya okukwata ko Shikonda nongundu ye noku ke ya pulaapula.Shikonda oshinima shoka okwe shi geele noonkondo nokwa tokola aniwa kutya aagandja Shipa na Shipa ye mwene inaya enda po we puundingosho, inaya teka we omeya kuuthima na inaya pewa we oshikukuta.Yo yomomukunda inaya enda ko we kegumbo lya Shipa nenge ya longithe ohauto ye.Mwene gwomukunda ta ti kutya omahokololo agehe ngoka ga falwa ku Shipa kOpolisi ogiifundja iitokele.Shikonda okwa fala wo ehokololo ndika kElelo lyOndonga okupitila mElenga enene lyOshikandjo shawo.mEti 28 Septemba nuumvo, Shipa na Shikonda oya ithanwa kElelo lyOndonga nokukapwaakenwa.Shipa okwa monika ondjo kutya ota fundju nashi a kwatitha mwene gwomukunda gwawo miinima yiifundja.Ta pewa egeelo a fute ongombe nenge N$600.00.Shipa etokolo ndjoka ke li uvitile ombili.Ta ti kutya Shikonda oye e na ondjo moshinima shika, oshoka okwa fikitha po ondunda ye, ye ishewe ina hala Aakwankala yomomukunda gwe ya fumvikwe momawendo moka hamu fumikwa Aawambo.Ta ti kutya oye na ontiko.Shipa ota ti kutya ota tsikile noshipotha shoka nokwa indila nale ombapila kuyo a ye kOmbangu ya Mangestrata.The Namibian, pamwe nOmusamane Shipa, oya yile kOshamakaka Omaandaha goshiwike shika nokumonathana na mwene gwomukunda omusamane Shikonda noshigwana she shaahoka.Shikonda noshigwana she oya geela noonkondo omusamane Shipa.Taya ti kutya omuniifundja omunene nokwa hala aniwa okuteya po ombili nekwatathano ewanawa lyomomukunda gwawo moka.Shikonda ota lombwele The Namibian kutya shoka sha popiwa ku Shipa kutya okwa tinda Omukwankala a fumvikwe momawendo moka hamu fumvikwa Aawambo, iifundja iitokele tootoo.Ta ti momukunda gwe kamu na Omawendo gAawambo nAakwankala.kmau na wo omawendo moka mwa fumvikwa aantu oyendji.Omuna ehala limwe ndjoka ya li ya hala li ninge lyomawendo, mwa fumvikwa omuntu gumwe.Ta ti ehala ndjoka oli li poppi nosikola nokwa tokolwa kutya itali vulu okukala omawendo.Okuza mpoka opwa si nee meme Prisikila (Omukwankala) nokwa gandja ezimino a ka fumvikwe pehala limwe mpoka opo ya tala nee tapu ka kala omawendo gomomukunda.”Nangaye ngele onda si opo tandi ka fumvikwa mpoka.Naakwashigwana ayehe yomomukunda gwandje mboka taya ka hulita omo taya ka fumvikwa momawendo omape moka, ngoka ga totwa po nee ku meme Priskila,” tate Shikonda ta ti ngawo.Ta ti wo kutya oshinima shokutya okwe ya tindile yaaende puundingosho, noshowo okuya tindila yaateke omeya muuthima waampoka nokuya sitopa yaamone oshikukuta, ayihe mbyoka iifundja iitokele tayi popiwa ku Shipa “Ngame kandi na okatongotongo noshigwana shandje.Ayehe oyandje, kutya Omuwambo nenge omukwankala.Shipa ompote nokwa hala okuteya ombili nekwatathano ewanawa ndyoka li li mokati koshigwana shandje noshowo pokati koshigwana shandje nangaye mwene,” tate Shikonda ta ti ngawo. Yamwe yomaakwashigwana oya pe wo tate Shipa uusama kutya okwa kala a ethela aanegumbo lye hoka ye li muuwike na ke ya kwathela sha, noya kala taya kwathelwa kaakwashigwana yaahoka, ngashi unene ku meme Hambeleleni Haihambo.Taya ti wo kutya ngashi nakusa Priskila okwa kala ashike mondjugo ye moka, ya li mepya nokuli, e li muuwike sigo ta tukwa komazinyo e na omwenyo nokusa.Tashi vulika osho nokuli sha eta epyepo lyondjugo ndjoka, molwashoka kamwa li tamu vulu okutalika nokwiidhimikilwa, naanegumbo lye oya li taya vulu okukwatwa komukithi wo nokuli.”Tse otu li kumwe momukunda gwetu muka, kutya nee Omuwambo nenge Omukwankala.Shipa oye ashike te tu etele uupote, ” gumwe gwomaanamukunda ta ti ngawo.Amushanga gwElelo lyOndonga tate Oskar Mbeeli, okwa koleka koThe Namibian kutya Shipa okwa monika ondjo shili kElelo lyoshilongo mokukwatithapo mwene gwomukunda gwa Shamakaka tate David Shikonda naantu ye miinima yiifundja nosho wo mokweetha aanegumbo lye taya mono iihuna, nokwa pewa nee egeelo, a fute ongombe nenge N$600.00.