Kapia a tinda etokolo lyoPolitburo

A MUSHANGA gwEwawa lyAagundjuka moSwapo, Paulus Kapia, ngoka a kuthwa miilonga pakathimbo, okwa tindi okulandula elombwelo lyokangundu okaningimatokolo moSwapo.

Okangundu okaningimatokolo mo Swapo nenge tutye Politburo oya li ya ningi etokolo kutya Kapia na kale iikutha miilonga nenge tutye a thiga po oshipundi she mOmutumba gwOpashigwana. Amushanga-Ndjayi gwoSwapo, Ngarikutuke Tjiriange okwa koleke mEtitatu lyoshiwike shika kutya okwa shangela shili Kapia ombapila moka e mu pula opo a kale a thiga po oshipundi she mOmutumba gwOpashigwana.Inashi yela nee kutya omolwashike omukwatelikomeho gwoPolitburo a ningila etokolo ndyoka kutya Kapia na thige po oshipundi she e te kemu pa ishewe omayele kutya na tinde oshinima shoka.Tjiriange okwa popi mEtitatu kutya keshi naanaa kutya omolwashike Kapia ini ikutha natango miilonga, ihe okwa koleke kutya Kapia oku li ompinge netokolo lyoPolitburo.Kapia okwa li a kuthwa iinakugwanithwa ayihe yi na sha nOpaati yoSwapo omanga taku ningwa omakonakono kombinga yekutho mbinga lye moshinima shekano lyoshimaliwa shoomiliyuna omilongo ndatu (N$30 million) ndhoka dha kanene mu Avid Investments okuza ku Social Security Commission (SSC).Ongundu ndjika yoPolitburo oya thimaka mOmupresidende gwongundu, omupevipresidende gwongundu, Amushanga-Ndjayi nomupeha gwe nosho wo iilyo yilwe yi li 17.Ongundu ndjika oyi na oonkondo okutidha omuntu kehe moSwapo kakele kOmupresidende, Omupevipresidende, Amushanga-Ndjayi nomupeha gwe.Tjiriange okwa hokolola ngeyi kutya okwa shangela Kapia palombwelo lyongundu ndjika yoSwapo nokwa tegelela wo okupewa elombwelo ekwawo nenge tutye onkatu ndjoka e na okukatuka.”Etokolo kali li miikaha yandje.Opaati otayi wilikwa kaaleli yayo, na oyo nee ye na okugandja elombwelo kutya oshike shi na okuningwa po komeho.Itandi vulu okugandja ethaneko lya sha mu shika molwashoka itashi ti sha okuninga ngaaka,” Tjiriange ta popi.Ekotampango lyoSwapo otali popi ngeyi kutya Opolitburo oyi na okutsakanena lumwe momwedhi, ashike Tjiriange okwa popi kutya otayi vulu okutsakanena olwindji tashi vulika nokuli shi ningwe lutatu moshiwike.”Otandi vulu okuhiya oshigongi ngele onda lombwelwa ndi shi ninge.Elombwelo ndika otali vulu okuza kOmupresidende gwOpaati nenge koshilyo kehe shoPolitburo,” ta popi ishewe.Kapia ngoka i ikutha miilonga ongOminista yIilonga, Iiyenditho nOmakwatathano sha etwa komapulapulo mOmpangu yOpombanda mekano lyoshimaliwa sha SSC, oha yi owala kiilonga mOmutumba gwOpashigwana ngaashi shito.Ngashiingeyi Kapia oku li owala oshilyo shOmutumba gwOpashigwana.Ngele nani Kapia iti ikutha mOmutumba gwOpashigwana, ompito ndjoka Swapo e na oku mu tidha mo owala mongundu.Kuyele Kapia okwa li a popi kutya oku uviteko nokwa zimina etokolo lyoSwapo oku mu kutha iinakugwanithwa moSwapo.Amushanga-Ndjayi gwoSwapo, Ngarikutuke Tjiriange okwa koleke mEtitatu lyoshiwike shika kutya okwa shangela shili Kapia ombapila moka e mu pula opo a kale a thiga po oshipundi she mOmutumba gwOpashigwana.Inashi yela nee kutya omolwashike omukwatelikomeho gwoPolitburo a ningila etokolo ndyoka kutya Kapia na thige po oshipundi she e te kemu pa ishewe omayele kutya na tinde oshinima shoka.Tjiriange okwa popi mEtitatu kutya keshi naanaa kutya omolwashike Kapia ini ikutha natango miilonga, ihe okwa koleke kutya Kapia oku li ompinge netokolo lyoPolitburo.Kapia okwa li a kuthwa iinakugwanithwa ayihe yi na sha nOpaati yoSwapo omanga taku ningwa omakonakono kombinga yekutho mbinga lye moshinima shekano lyoshimaliwa shoomiliyuna omilongo ndatu (N$30 million) ndhoka dha kanene mu Avid Investments okuza ku Social Security Commission (SSC).Ongundu ndjika yoPolitburo oya thimaka mOmupresidende gwongundu, omupevipresidende gwongundu, Amushanga-Ndjayi nomupeha gwe nosho wo iilyo yilwe yi li 17.Ongundu ndjika oyi na oonkondo okutidha omuntu kehe moSwapo kakele kOmupresidende, Omupevipresidende, Amushanga-Ndjayi nomupeha gwe.Tjiriange okwa hokolola ngeyi kutya okwa shangela Kapia palombwelo lyongundu ndjika yoSwapo nokwa tegelela wo okupewa elombwelo ekwawo nenge tutye onkatu ndjoka e na okukatuka.”Etokolo kali li miikaha yandje.Opaati otayi wilikwa kaaleli yayo, na oyo nee ye na okugandja elombwelo kutya oshike shi na okuningwa po komeho.Itandi vulu okugandja ethaneko lya sha mu shika molwashoka itashi ti sha okuninga ngaaka,” Tjiriange ta popi.Ekotampango lyoSwapo otali popi ngeyi kutya Opolitburo oyi na okutsakanena lumwe momwedhi, ashike Tjiriange okwa popi kutya otayi vulu okutsakanena olwindji tashi vulika nokuli shi ningwe lutatu moshiwike.”Otandi vulu okuhiya oshigongi ngele onda lombwelwa ndi shi ninge.Elombwelo ndika otali vulu okuza kOmupresidende gwOpaati nenge koshilyo kehe shoPolitburo,” ta popi ishewe.Kapia ngoka i ikutha miilonga ongOminista yIilonga, Iiyenditho nOmakwatathano sha etwa komapulapulo mOmpangu yOpombanda mekano lyoshimaliwa sha SSC, oha yi owala kiilonga mOmutumba gwOpashigwana ngaashi shito.Ngashiingeyi Kapia oku li owala oshilyo shOmutumba gwOpashigwana.Ngele nani Kapia iti ikutha mOmutumba gwOpashigwana, ompito ndjoka Swapo e na oku mu tidha mo owala mongundu.Kuyele Kapia okwa li a popi kutya oku uviteko nokwa zimina etokolo lyoSwapo oku mu kutha iinakugwanithwa moSwapo.