Aanahambo mOkavango ya mona elombwelo lyOpaveta ya ze mo meni lyomasiku gaheyali

A ANAHAMBO konyala ayehe mboka ye na Oohambo muuninginino wOkavango, ano mUkwangali, oya mona elombwelo lyOpaveta kutya ya kale ya za mo mOkavango moka omanga omasiku gaheyali inaga pita po, okuza mesiku ndjoka omunahambo a mona ombapila yelombwelo ndjoka.

Aapolisi mboka ya pewa Oombapila ndhoka, ye dhi topolele ooyene yadho, oya tamekele niilonga yetopolo lyoombapila ndhika mOlyomakaya ga zi ko pethimbo lyOshigongi shAanafaalama ya Mangetti shoka sha li mEtala lyElelo lyoshilongo shOndonga pOluno mpoka. Inspecta gwOpolisi John Nyanya, ta lombwele oshigongi kutya yo oya tumwa kUuminiteli wOmavi nOmatulululo opo ya fale oombapila ndhoka kaanafaalama yomadhina ga shangwa koompunda dhOombapila dhawo ndhoka.”Tse katu shi shoka shi li mo, inatu shi lombwelwa, otwe dhi pewa ashike tu ke dhi gandje kooyene, ngashi nee twe ya ngeyi sho twa kundana kutya nena pOluno opu na oshigongi shAanafaalama, opo tu gandje oombapila ndhika kooyene,” Inspecta Nyanya ta yelithila Aanashigongi shika ngawo nokwa pewa nee ompito a ithane omadhina gaanafaalama mboka noku ya pa oombapila dhawo.Omupya omunene, oyendji yomaanafaalama mboka ya li ye na okupewa oombapila ndhoka, kaya li ya thika koshigongi shika, na yamwe oombapila dhawo odha shainwa ko nokukuthwa ko kaashiwikile yawo.Omunashipundu gwEhangano lyaanafaalama Ismael Shailemo oye a ithinwa tangotango nokupewa ombapila ye ndjoka tayi mu lombwele naanafaalama yakwawo yalwe kutya naya kale ya za mo mOkavango omanga omasiku 7 inaga pita po okuza mOlyomakaya ngoka ga zi ko.Tashi ti omasiku gaheyali, otaga yalulwa okuza esiku ndjoka wa mona ombapila yoye nowe yi shaina ko pambelewa.Aanafaalama ayehe mboka ya ithanenwe pOluno mpoka mOlyomakaya ya pewe oombapila dhawo ndhoka oye li pomilongo ne (40).Otaku tiwa kutya hayo ashike mboka, aanafalama mboka taya tidhwa mOkavango oyendji, oye vulithe pomuyalu ngoka gwomilongone.Pa Inspekta Nyanya, Opolisi oya andjaganekwa nOshitopolwa ashihe , tayi kongo aanafaalama mboka ya gumwa koshinima shika noku ya pa oombapila dhawo.Ashike Inspecta Nyanya ina vula okuya puuyelele nomwaalu kutya oye li ya ngapi.Shoka sha shiwika po osho ashike shoka kutya mOkavango omu na oongombe dhi thike poomayovi omilongohamano (60,000) lwaampoka.Ombapila ndjoka tayi lombwele Aanafaalama mbaka Paveta kutya naya ze mo mOkavango oya shainwa kOmunashipundi gwOngunduwiliki ndjoka tayi ungaunga nEvi lyAayehe lyaKavango.Tayi ti; “Kala wa tseyithilwa mpaka kutya owa taaguluka Okatendo 43 kOveta yi na sha Neningululo lyEvi lyAayehe, yonomola 5 yomomumvo 2002, sho wa yi mOshitopolwa shUukwangali waa na eziminino.Ano kala wu shi shi kutya, pehala mpoka wu li, ano wa tula po Ohambo yoye, ou li po ku na ezimino lyopamushangwa ya za kOmukwaniilwa mwene gwoshitopolwa shoka shUukwangali Sitentu Mpasi, oshinima shoka tashi kutitha kutya pehala mpoka owii pa po ngoye mwene nowa taaguluka nee Okatendo 29 (4) kOveta ya tumbulwa metetekelo.Oto lombwelwa nee neukililo mpaka kutya okukala pehala mpoka epogolo, nange owa monika ondjo oto pewa egeelo inali pitilila poN$4000 nenge ethimbo modholongo li li meni lyomvula yimwe.Onkee oto lombwelwa mpaka kutya wu kale wa thiga po ehala ndjoka omanga omasiku gaheyali (7) inaga pita.kEyamukulo lyElombwelo ndika, Oshigongi shAanafaalama mOlyomakaya moka osha hogolola aanafaalama ye li yaheyali (7), mboka ye na okuya kOvenduka okukamona Epangelo meendelelo ngashi tashi vulika.Otaku tiwa oya thikile nale ohela mOvenduka.”Oshinima shika oshinene notu na okuya meendelelo tu ka mone Oministeli Onkuluntu nenge ngaa nokuli Omupresidende mwenemwene opo tu kundathane nayo oshinima shika, molwashoka otu wete kutya omasiku ga heyali ngoka ga gandjwa tu kale twa za mo mOkavango omashona unene.Oshoka otwa pumbwa okwiilongekidha nawa opo tu ze mo, ” Omunashipundi gwEhangano lyAanafaalama ya Mangetti tate Shailemo ta ti ngawo.Meti 22 Oktoba 2005, Oministeli yi na sha nEgameno lyOshilongo, omusamane Peter Tshirumbu Tsheehama, pamwe nOmukwaniilwa Mpasi, oya lombwelele Aanahambo mbaka yAawambo ye li mOkavango kutya naya ze mo meendelelo.Yamwe oya zile mo ngaa ashike oya ka shuna mo ishewe molwashoka kombinga yOwambo kaku na ehala lya gwana lyokulitha iimuna yawo.Aanahambo yAawambo mboka ye li mOkavango otaya ti kutya yo oye na eziminino lyokukala noohambo mOkavango moka.Ya pewa omaziminino komalenga, kooyene yomikunda noshowo kOhamba Mpasi ye mwene.Oonzo otadhi lombwele Oshifo shika kutya sigo oompaka Omukwaniilwa Mpasi ke uvitile nande oshinima shika shAanahambo yAawambo inaya hala okuza mo mOkavango, ombili, nota thiminike mpoka kutya naya ze mo moompadhi oontalala, opo ngoka a hala okugalukila mo, a ningulule eindilo lye li li mondjila nopalandulathano.Inspecta gwOpolisi John Nyanya, ta lombwele oshigongi kutya yo oya tumwa kUuminiteli wOmavi nOmatulululo opo ya fale oombapila ndhoka kaanafaalama yomadhina ga shangwa koompunda dhOombapila dhawo ndhoka.”Tse katu shi shoka shi li mo, inatu shi lombwelwa, otwe dhi pewa ashike tu ke dhi gandje kooyene, ngashi nee twe ya ngeyi sho twa kundana kutya nena pOluno opu na oshigongi shAanafaalama, opo tu gandje oombapila ndhika kooyene,” Inspecta Nyanya ta yelithila Aanashigongi shika ngawo nokwa pewa nee ompito a ithane omadhina gaanafaalama mboka noku ya pa oombapila dhawo.Omupya omunene, oyendji yomaanafaalama mboka ya li ye na okupewa oombapila ndhoka, kaya li ya thika koshigongi shika, na yamwe oombapila dhawo odha shainwa ko nokukuthwa ko kaashiwikile yawo.Omunashipundu gwEhangano lyaanafaalama Ismael Shailemo oye a ithinwa tangotango nokupewa ombapila ye ndjoka tayi mu lombwele naanafaalama yakwawo yalwe kutya naya kale ya za mo mOkavango omanga omasiku 7 inaga pita po okuza mOlyomakaya ngoka ga zi ko.Tashi ti omasiku gaheyali, otaga yalulwa okuza esiku ndjoka wa mona ombapila yoye nowe yi shaina ko pambelewa.Aanafaalama ayehe mboka ya ithanenwe pOluno mpoka mOlyomakaya ya pewe oombapila dhawo ndhoka oye li pomilongo ne (40).Otaku tiwa kutya hayo ashike mboka, aanafalama mboka taya tidhwa mOkavango oyendji, oye vulithe pomuyalu ngoka gwomilongone.Pa Inspekta Nyanya, Opolisi oya andjaganekwa nOshitopolwa ashihe , tayi kongo aanafaalama mboka ya gumwa koshinima shika noku ya pa oombapila dhawo.Ashike Inspecta Nyanya ina vula okuya puuyelele nomwaalu kutya oye li ya ngapi.Shoka sha shiwika po osho ashike shoka kutya mOkavango omu na oongombe dhi thike poomayovi omilongohamano (60,000) lwaampoka.Ombapila ndjoka tayi lombwele Aanafaalama mbaka Paveta kutya naya ze mo mOkavango oya shainwa kOmunashipundi gwOngunduwiliki ndjoka tayi ungaunga nEvi lyAayehe lyaKavango.Tayi ti; “Kala wa tseyithilwa mpaka kutya owa taaguluka Okatendo 43 kOveta yi na sha Neningululo lyEvi lyAayehe, yonomola 5 yomomumvo 2002, sho wa yi mOshitopolwa shUukwangali waa na eziminino.Ano kala wu shi shi kutya, pehala mpoka wu li, ano wa tula po Ohambo yoye, ou li po ku na ezimino lyopamushangwa ya za kOmukwaniilwa mwene gwoshitopolwa shoka shUukwangali Sitentu Mpasi, oshinima shoka tashi kutitha kutya pehala mpoka owii pa po ngoye mwene nowa taaguluka nee Okatendo 29 (4) kOveta ya tumbulwa metetekelo.Oto lombwelwa nee neukililo mpaka kutya okukala pehala mpoka epogolo, nange owa monika ondjo oto pewa egeelo inali pitilila poN$4000 nenge ethimbo modholongo li li meni lyomvula yimwe.Onkee oto lombwelwa mpaka kutya wu kale wa thiga po ehala ndjoka omanga omasiku gaheyali (7) inaga pita.kEyamukulo lyElombwelo ndika, Oshigongi shAanafaalama mOlyomakaya moka osha hogolola aanafaalama ye li yaheyali (7), mboka ye na okuya kOvenduka okukamona Epangelo meendelelo ngashi tashi vulika.Otaku tiwa oya thikile nale ohela mOvenduka.”Oshinima shika oshinene notu na okuya meendelelo tu ka mone Oministeli Onkuluntu nenge ngaa nokuli Omupresidende mwenemwene opo tu kundathane nayo oshinima shika, molwashoka otu wete kutya omasiku ga heyali ngoka ga gandjwa tu kale twa za mo mOkavango omashona unene.Oshoka otwa pumbwa okwiilongekidha nawa opo tu ze mo, ” Omunashipundi gwEhangano lyAanafaalama ya Mangetti tate Shailemo ta ti ngawo.Meti 22 Oktoba 2005, Oministeli yi na sha nEgameno lyOshilongo, omusamane Peter Tshirumbu Tsheehama, pamwe nOmukwaniilwa Mpas
i, oya lombwelele Aanahambo mbaka yAawambo ye li mOkavango kutya naya ze mo meendelelo.Yamwe oya zile mo ngaa ashike oya ka shuna mo ishewe molwashoka kombinga yOwambo kaku na ehala lya gwana lyokulitha iimuna yawo.Aanahambo yAawambo mboka ye li mOkavango otaya ti kutya yo oye na eziminino lyokukala noohambo mOkavango moka.Ya pewa omaziminino komalenga, kooyene yomikunda noshowo kOhamba Mpasi ye mwene.Oonzo otadhi lombwele Oshifo shika kutya sigo oompaka Omukwaniilwa Mpasi ke uvitile nande oshinima shika shAanahambo yAawambo inaya hala okuza mo mOkavango, ombili, nota thiminike mpoka kutya naya ze mo moompadhi oontalala, opo ngoka a hala okugalukila mo, a ningulule eindilo lye li li mondjila nopalandulathano.