Okunwa, kwaalandula oveta kwa futitha oyendji

O KUNWINA pohala inaga pitikwa nosho wo okuhinga nuuhasha okwa futitha Aavenduka oshimaliwa shi thike lwopomiliyuna pethimbo lyefudho lyOkrismes nOmumvo Omupe.

Opolisi ya Namibia pamwe nOpolisi ya Muni gwaVenduka oya tseyitha oshiwike sha zi ko kutya oya gandja oombuta tadhi ihilile poondola/N$840 150 muule woomwedhi mbali adhike. Oshimaliwa oshinene shomoshimalikwa shika oshokunwina pomahala inaga pitikwa nosho wo okuyonagula omilandu dhomoondjila, taya popi ngaaka.Omumvo kehe Opolisi ohayi kala nokuninga omainda mpaka naampeyaka pethimbo lyefudho lyOkili nOmumvo Omupe tashi ningwa mOotema dha yooloka omumvo kehe.Okuza pEhulilo lya Novemba omumvo gwa zi ko sigo omomasiku 13 ga Januali nuumvo, Opolisi ya Namibia pamwe naandjoka opo ya totwa po moshilandopangelo oya li ya taalela otema yegameno lyomoondjila nosho wo omapogolo ge na sha niikolitha.Pethimbo ndyoka, omageelo ge li poondola/N$818 150 oga pewa aantu mOvenduka amuke.Okunwina pomahala inaga pitikwa okwa geelitha aantu ye li 110 mboka ya zi oshimaliwa kumwe shi li poondola/N$22 000, Komanda gwOpevi gwOpolisi mOshitopolwa sha Khomas, Andries Van der Byl, ta popi ngaaka mEtitatu lyoshiwike sha zi ko.Otema yomumvo gwa zile ko, oya li tayi lalakanene okukutha ko nokukwata ko iilwitho yaa na oombapila, so, iikonga mbyoka iyali mbyoka ta popi kutya oya endele nawa itayi vulu okuyelekanithwa molwashoka ootema kadha li dha faathana, Inspekta Derek Brune ta popi ngaaka.Pethimbo lyotema ndjika ya hugunina inakukwatwa nando ondjembo yaa na ombapila.Oombootolo dhi li 40 lwaampoka odha pewa omahiyo koveta molwashoka odha taaguluka oveta sho dha adhika dha patuluka konima yoowili dha uthwa.Aazaizai ye li 26 yaa na oombapila dhokukala moshilongo oya dhitikwa, omanga aantu ye li 34 ya dhitikwa wo sho ya adhika taya hingi ya kolwa.Aantu yalwe ye li omugoyi oya mangwa nokudhitikwa shi na sha nomapogolo ga etwa kiingangamithi.Opolisi oya dhitike aantu yaheyali mboka ya adhika taya teya omagumbo, omanga omuntu gumwe a dhitikwa nokuningilwa oshipotha shonkambadhala yokukwata onkonga.Kombinga yiihauto, iihauto yi li 58 oya adhika yaa na omapulakata goonomola, oohauto dhi li 28 odha adhika dhi na oombiliki itadhi longo nawa omanga oohauto dhi li 180 dha adhika inadhi shangithwa shi li mondjila.Aahingi ye li 41 oya adhika taya hingi omanga taya popi mooselula dhawo, omanga ye li 594 ya adhika taya hingi yaa na oombapila dhawo dhokuhinga.Iikonga mbyoka hayi ningwa pethimbo lyOkrismes nOmumvo Omupe oyowina noositatistika ndhika inadhi kwatelamo nokuli iilonga yOpolisi yesiku kehe.Oshimaliwa oshinene shomoshimalikwa shika oshokunwina pomahala inaga pitikwa nosho wo okuyonagula omilandu dhomoondjila, taya popi ngaaka.Omumvo kehe Opolisi ohayi kala nokuninga omainda mpaka naampeyaka pethimbo lyefudho lyOkili nOmumvo Omupe tashi ningwa mOotema dha yooloka omumvo kehe.Okuza pEhulilo lya Novemba omumvo gwa zi ko sigo omomasiku 13 ga Januali nuumvo, Opolisi ya Namibia pamwe naandjoka opo ya totwa po moshilandopangelo oya li ya taalela otema yegameno lyomoondjila nosho wo omapogolo ge na sha niikolitha.Pethimbo ndyoka, omageelo ge li poondola/N$818 150 oga pewa aantu mOvenduka amuke.Okunwina pomahala inaga pitikwa okwa geelitha aantu ye li 110 mboka ya zi oshimaliwa kumwe shi li poondola/N$22 000, Komanda gwOpevi gwOpolisi mOshitopolwa sha Khomas, Andries Van der Byl, ta popi ngaaka mEtitatu lyoshiwike sha zi ko.Otema yomumvo gwa zile ko, oya li tayi lalakanene okukutha ko nokukwata ko iilwitho yaa na oombapila, so, iikonga mbyoka iyali mbyoka ta popi kutya oya endele nawa itayi vulu okuyelekanithwa molwashoka ootema kadha li dha faathana, Inspekta Derek Brune ta popi ngaaka.Pethimbo lyotema ndjika ya hugunina inakukwatwa nando ondjembo yaa na ombapila.Oombootolo dhi li 40 lwaampoka odha pewa omahiyo koveta molwashoka odha taaguluka oveta sho dha adhika dha patuluka konima yoowili dha uthwa.Aazaizai ye li 26 yaa na oombapila dhokukala moshilongo oya dhitikwa, omanga aantu ye li 34 ya dhitikwa wo sho ya adhika taya hingi ya kolwa.Aantu yalwe ye li omugoyi oya mangwa nokudhitikwa shi na sha nomapogolo ga etwa kiingangamithi.Opolisi oya dhitike aantu yaheyali mboka ya adhika taya teya omagumbo, omanga omuntu gumwe a dhitikwa nokuningilwa oshipotha shonkambadhala yokukwata onkonga.Kombinga yiihauto, iihauto yi li 58 oya adhika yaa na omapulakata goonomola, oohauto dhi li 28 odha adhika dhi na oombiliki itadhi longo nawa omanga oohauto dhi li 180 dha adhika inadhi shangithwa shi li mondjila.Aahingi ye li 41 oya adhika taya hingi omanga taya popi mooselula dhawo, omanga ye li 594 ya adhika taya hingi yaa na oombapila dhawo dhokuhinga.Iikonga mbyoka hayi ningwa pethimbo lyOkrismes nOmumvo Omupe oyowina noositatistika ndhika inadhi kwatelamo nokuli iilonga yOpolisi yesiku kehe.