Omupangi Justina Shihepo a fumvikwa poAkweenyanga

O MUKULUKADHI gwOministeli yOpevi yEgameno lyOnkalonawa yoshilongo, Gabes Shihepo, ano Omupangi Justina Shihepo ngoka a manene oondjenda dhe mOshipangelo shEpangelo sha Venduka konima yuuwehame, okwa fumvikwa kengathithi enene poAkweenyanga popepi nOngwediva.

Meme Shihepo okwa hulitha mepipi lyomimvo omilongo hamano (60). Mokati kaalilasa omwa li Ooministeli dhEpangelo naandhoka dhOpevi tadhi kwatelwa komeho kOministeli onkuluntu Nahas Angula nokOministeli yEgameno lyOnkalonawa yoshilongo Peter Tshirumbu Tsheehama.Yalwe ongaashi iilyo yOparlemende yOongundu dhi ili nodhi ili, Aanambelewa Aakuluntu, Oongoloneya, Oomayola yOondoolopa, Ookansola dhIitopolwa nOmalelo gOondoolopa, Aanangeshefa, Aanafaalama, Aapangi.Aawiliki yOongeleka taya kwatelwa komeho kOmumbiishofi Omukulu gwa Elcin Omundohotola Kleopas Dumeni nokOmumbiishofi gwa Elcin gwOshitayingeleki shUuninginino Omundohotola Thomas Shivute.Aawiliki yOpamithigululwakalo oya li taya kwatelwa komeho kOmukwaniilwa gwUukwaluudhi tatekulu Josia Shikongo Taapopi, omanga Omukwaniilwa gwOndonga tatekulu Immanuel Kauluma Elifas a li a kalelwa po kOmunyekadhi gwOndonga kuku Cecilia Elifas.Ayehe mboka ya li po oya li ya kuminwa unene kengathithi enenenene lyaalilasa li thike mpoka, lya li lya tondokele, tate Gabes Shihepo noluvalo lwe, ano lye ya okulila meme Justina Shihepo.Aapangi ye li momizalo dhawo oontokele, oyo ya li aahumbati yoshiketha.Ayehe mboka ya popi mOshituthidhimbulutho she, oya tanga meme Justina kutya okwa li omuntu gwaantu, omunandjungu miilonga, omugandjimayele, omuholimbili, Omukondjelimanguluko nomukwatheli apehe.Uuministeli wUuhaku, mboka wa popilwa ko kOmupangi omukuluntu meme Lelie Nunes, nawo owa tanga nakusa Justina kutya okwa li Omupangi omunandjungu nokwa longo nuudhiginini noneitulomo miilonga ye sigo okehulilo.Minista Peter Tshirumbu Tsheehama, ngoka a popi pehala lyuuministeli wawo nEpangelo, okwa ti Uuministeli nEpangelo otau tanga nokupandula nakusa meme Justina sho a kala a dhiginina nawa omusamane gwe, aanona nOfamili yawo ayihe.Ta ti okuza po kwe ekanitho nenene noyi inekela kutya tate Shihepo, otaka tsikila neputudho lyaanona naatekulu.Mokupopitha wo naye Aalilasa, tate Gabes Shihepo, ngoka a li ta monika e li kohi yeidhidhimiko enene nomukumo, okwa pandula Kalunga sho a li e mu pa Omuholike gwe omwaanawa.Tate Shihepo ta ti omukulukadhi gwe okwa kondja ekondjo ewanawa nokwaadha wo nawa ethikilo lye.Onkee ehalo lya Kalunga nali gwanithwe.Meme Foibe Kalipi oye a lesha ondjokonona ya nakusa.Yamwe mboka ya popi poosa ongaashi, Elenga enene lyoshikandjo sha Eudaneko mUukwanyama tatekulu George ya Nelulu (peha lyAanafaalama), Omukuluntu gwa Unam kOshakati meme Paulina Uugwanga, Omukalelipo gwOngundu tayi pangele mOshitopolwa sha Shana tate Erastus Uutoni, Seesitela Herthya Uutoni (peha lyookuume), Omudiakoni Desderius Amayulu, ngoka a popi pehala lyomumbiishofi Omukuluntu gwongeleki ya katoolika ka Roma moNamibia Liborius Ndumbukuti Nashenda, nosho wo yalwe.Minista Shihepo okwa pandula noonkondo ayehe mboka ye ya kwatha pethimbo lyoluhodhi nduka.Mokati kaalilasa omwa li Ooministeli dhEpangelo naandhoka dhOpevi tadhi kwatelwa komeho kOministeli onkuluntu Nahas Angula nokOministeli yEgameno lyOnkalonawa yoshilongo Peter Tshirumbu Tsheehama.Yalwe ongaashi iilyo yOparlemende yOongundu dhi ili nodhi ili, Aanambelewa Aakuluntu, Oongoloneya, Oomayola yOondoolopa, Ookansola dhIitopolwa nOmalelo gOondoolopa, Aanangeshefa, Aanafaalama, Aapangi.Aawiliki yOongeleka taya kwatelwa komeho kOmumbiishofi Omukulu gwa Elcin Omundohotola Kleopas Dumeni nokOmumbiishofi gwa Elcin gwOshitayingeleki shUuninginino Omundohotola Thomas Shivute.Aawiliki yOpamithigululwakalo oya li taya kwatelwa komeho kOmukwaniilwa gwUukwaluudhi tatekulu Josia Shikongo Taapopi, omanga Omukwaniilwa gwOndonga tatekulu Immanuel Kauluma Elifas a li a kalelwa po kOmunyekadhi gwOndonga kuku Cecilia Elifas.Ayehe mboka ya li po oya li ya kuminwa unene kengathithi enenenene lyaalilasa li thike mpoka, lya li lya tondokele, tate Gabes Shihepo noluvalo lwe, ano lye ya okulila meme Justina Shihepo.Aapangi ye li momizalo dhawo oontokele, oyo ya li aahumbati yoshiketha.Ayehe mboka ya popi mOshituthidhimbulutho she, oya tanga meme Justina kutya okwa li omuntu gwaantu, omunandjungu miilonga, omugandjimayele, omuholimbili, Omukondjelimanguluko nomukwatheli apehe.Uuministeli wUuhaku, mboka wa popilwa ko kOmupangi omukuluntu meme Lelie Nunes, nawo owa tanga nakusa Justina kutya okwa li Omupangi omunandjungu nokwa longo nuudhiginini noneitulomo miilonga ye sigo okehulilo.Minista Peter Tshirumbu Tsheehama, ngoka a popi pehala lyuuministeli wawo nEpangelo, okwa ti Uuministeli nEpangelo otau tanga nokupandula nakusa meme Justina sho a kala a dhiginina nawa omusamane gwe, aanona nOfamili yawo ayihe.Ta ti okuza po kwe ekanitho nenene noyi inekela kutya tate Shihepo, otaka tsikila neputudho lyaanona naatekulu.Mokupopitha wo naye Aalilasa, tate Gabes Shihepo, ngoka a li ta monika e li kohi yeidhidhimiko enene nomukumo, okwa pandula Kalunga sho a li e mu pa Omuholike gwe omwaanawa.Tate Shihepo ta ti omukulukadhi gwe okwa kondja ekondjo ewanawa nokwaadha wo nawa ethikilo lye.Onkee ehalo lya Kalunga nali gwanithwe.Meme Foibe Kalipi oye a lesha ondjokonona ya nakusa.Yamwe mboka ya popi poosa ongaashi, Elenga enene lyoshikandjo sha Eudaneko mUukwanyama tatekulu George ya Nelulu (peha lyAanafaalama), Omukuluntu gwa Unam kOshakati meme Paulina Uugwanga, Omukalelipo gwOngundu tayi pangele mOshitopolwa sha Shana tate Erastus Uutoni, Seesitela Herthya Uutoni (peha lyookuume), Omudiakoni Desderius Amayulu, ngoka a popi pehala lyomumbiishofi Omukuluntu gwongeleki ya katoolika ka Roma moNamibia Liborius Ndumbukuti Nashenda, nosho wo yalwe.Minista Shihepo okwa pandula noonkondo ayehe mboka ye ya kwatha pethimbo lyoluhodhi nduka.