Oombepo dha nyata pu Mumwenge dha mwena po; Udjombala ta ti

O MUWILIKI gwElongo mOshitopolwa sha Hangwena Josia Udjombala okwa tseyithila Oshifo shika mEtitatu kutya oombepo dha nyata ndhoka dha kala tadhi hepeke aanasikola pu Mumbwenge popepi nOshigambo mOndonga, dha mwena po okuza mehuliloshiwike lya zi ko.

Udjombala okuwete kutya shika osha pondoka komagalikano ngoka ga kala taga ningwa pOsikola mpoka muule wethimbo lya zi ko sho Oondeemoni dha kala tadhi piyaganeke posikola mpoka. “Otu uvite enyanyu enene mokutseyitha ngeyi mpaka kutya Osikola yetu ya Mumbwenge kumwe naanasikola yetu mpoka mboka ya kala taya piyaganekwa koombepo dha nyata osho ya mangululwa komapiyaganeko ngoka gOdeveli.Sha zi komagalikaneno ngoka ga kala mpoka ethimbo lya zi ko, unene tuu muule woshiwike sha zi ko noga landulwa kwaangoka gopaukumwe ngoka ga ningilwe po mOsoondaha ya zi ko kOongeleka dha hangana,” Udjombala ta ti ngaaka.Okuza mu Juli omvula ya zi ko posikola ya Mumbwenge opwa holoka uudhigu uunene waanona taya mono omanima omaluudhe, ga fa aniwa aantu, tage ya piyaganeke.Aanona mbaka ohaya tameke nee taya kugu.Taya matuka po notaya kambuka.Sho taya penduka po mpoka olugodhi ashike nakehe ngoka taya adha komeho gawo.Omukuluntusikola Helena Makili, ngoka pethimbo ndika a kuthwa mo manga miilonga omoluupyakadhi mbuka, okwa kala nokwiithana Oongeleka dhi ili nodhi ili dhi ya galikanene.Okwa kundanwa wo pwe yile naakuluntu yomoshiluudhe, mboka wo nayo ya kambadha ya mweneke andola oombepo ndhoka.Ashike kapwa li pwa pondoka sha.Omukuluntusikola gwopakathimbo Magnaem Shiimi, ngoka e li pehala lya meme Makili, naye okwa tsikile nokwiithana aagalikani.Oshiwike sha zi ko, Omukwaniilwa gwOndonga tatekulu immanuel Kauluma Elifas okwa tumine ko gamwe gomOmalenga ge mewiliki lyOmunashipundi gwElelo lyOndonga Elenga enene Peter Kauluma nokutala shoka shi li ko.Manga inaya ninga nokuli oshigongi, wo uunona otau okupunduka nokukambuka.Omalenga oga shuna nokufaalela Omukwaniilwa olopota.Udjombala okwa tsikile ko ta ti kutya muule womasiku agehe gahamano ga pita po, inapu monika omandhindhiliko gasha guunona tau kambuka nokwiinekeliwa nee kutya oombepo dha nyata dha thiga po Osikola ya Mumbwenge.”Otwa hala lela okupandula noonkondo kehe gumwe, oohandimwe, Oongeleka ndhoka dha kutha ombinga nokuninga po sha shomupondo mokumweneka nokutidha po oombepo ndhika.Otatu pandula wo meme Shiimi, aalongi ye, aalongwa nosho wo iilyo yElelosikola sho pokati mpoka ya kala ya thikama kumwe mokukondjitha oombepo dhanyata noshowo melongelokumwe lyawo.Ashike ehambelelo oli na okupewa Omushiti gwetu, Kalunga ye mwene Omukombandambanda nOmunankondonkondo ngoka andola haye, ando inapu pondolwa sha,” Udjombala ta ti ngawo nolupandu nenyanyu enene.”Molwashoka nee onkalo ya shuna kuuwanawa, otandi indile aalongisikola naalongwa ya taalele elongo lyawo ya mana mo shili.Okwa hepithwa ethimbo li na ondilo pethimbo lyonkalo ndjoka odhigu posikola ndjoka,” Omuwiliki gwElongo ta ti ngaaka.”Otu uvite enyanyu enene mokutseyitha ngeyi mpaka kutya Osikola yetu ya Mumbwenge kumwe naanasikola yetu mpoka mboka ya kala taya piyaganekwa koombepo dha nyata osho ya mangululwa komapiyaganeko ngoka gOdeveli.Sha zi komagalikaneno ngoka ga kala mpoka ethimbo lya zi ko, unene tuu muule woshiwike sha zi ko noga landulwa kwaangoka gopaukumwe ngoka ga ningilwe po mOsoondaha ya zi ko kOongeleka dha hangana,” Udjombala ta ti ngaaka.Okuza mu Juli omvula ya zi ko posikola ya Mumbwenge opwa holoka uudhigu uunene waanona taya mono omanima omaluudhe, ga fa aniwa aantu, tage ya piyaganeke.Aanona mbaka ohaya tameke nee taya kugu.Taya matuka po notaya kambuka.Sho taya penduka po mpoka olugodhi ashike nakehe ngoka taya adha komeho gawo.Omukuluntusikola Helena Makili, ngoka pethimbo ndika a kuthwa mo manga miilonga omoluupyakadhi mbuka, okwa kala nokwiithana Oongeleka dhi ili nodhi ili dhi ya galikanene.Okwa kundanwa wo pwe yile naakuluntu yomoshiluudhe, mboka wo nayo ya kambadha ya mweneke andola oombepo ndhoka.Ashike kapwa li pwa pondoka sha.Omukuluntusikola gwopakathimbo Magnaem Shiimi, ngoka e li pehala lya meme Makili, naye okwa tsikile nokwiithana aagalikani.Oshiwike sha zi ko, Omukwaniilwa gwOndonga tatekulu immanuel Kauluma Elifas okwa tumine ko gamwe gomOmalenga ge mewiliki lyOmunashipundi gwElelo lyOndonga Elenga enene Peter Kauluma nokutala shoka shi li ko.Manga inaya ninga nokuli oshigongi, wo uunona otau okupunduka nokukambuka.Omalenga oga shuna nokufaalela Omukwaniilwa olopota.Udjombala okwa tsikile ko ta ti kutya muule womasiku agehe gahamano ga pita po, inapu monika omandhindhiliko gasha guunona tau kambuka nokwiinekeliwa nee kutya oombepo dha nyata dha thiga po Osikola ya Mumbwenge.”Otwa hala lela okupandula noonkondo kehe gumwe, oohandimwe, Oongeleka ndhoka dha kutha ombinga nokuninga po sha shomupondo mokumweneka nokutidha po oombepo ndhika.Otatu pandula wo meme Shiimi, aalongi ye, aalongwa nosho wo iilyo yElelosikola sho pokati mpoka ya kala ya thikama kumwe mokukondjitha oombepo dhanyata noshowo melongelokumwe lyawo.Ashike ehambelelo oli na okupewa Omushiti gwetu, Kalunga ye mwene Omukombandambanda nOmunankondonkondo ngoka andola haye, ando inapu pondolwa sha,” Udjombala ta ti ngawo nolupandu nenyanyu enene.”Molwashoka nee onkalo ya shuna kuuwanawa, otandi indile aalongisikola naalongwa ya taalele elongo lyawo ya mana mo shili.Okwa hepithwa ethimbo li na ondilo pethimbo lyonkalo ndjoka odhigu posikola ndjoka,” Omuwiliki gwElongo ta ti ngaaka.