Posikola yaMhanda ya adhika koshinywenywe

A ANASIKOLA ye vulithe pethele limwe poposikola ya Omhanda momukunda Ondingwanyama popepi nEenhana mUukwanyama naalongisikola yawo ye li yatatu, oye li moshiponga oshinene shomukithi gwoshinywenywe (taya nyu) ngoka inagu tseyika kutya ogwa zi peni nogweetwa koshike.

Otaku tiwa kutya uunona wopOsikola mpoka petameko lyoshiwike sha zile ko, owa tameke tau nyu noonkondo olutu aluhe nokutameka tau iyaga noonkondo. Omolu oshinywenywe sha geya, uunona mboka otaku tiwa kutya ohau tameke tau iyaga noonkondo nokugalangata mevi nenge tau igwegwesha nokwiiyagela komiti nokiihwa.Molwashoka otau nyu olutu aluhe, uunona ohau tameke nokuli tau kutha mo oonguyo dhawo uupendi nuudholo wokomagundji polweela mpoka opo wu vule okwiiyaga nawa.Omuwiliki gwElongo mOshitopolwa sha Hangwena tate Josia Udjombala okwa koleke naye omukithi nguka gwa nika oshiponga pOsikola ndjoka.Ta ti okwa lopotelwa kutya Osikola ndjoka oya adhika koshiponga shomukithi ngoka.Udjombala ngoka a adhikile e li kOshigongiilonga kOvenduka, okwa lombwele The Namibian kutya okwa tuma ko aanambelewa ye ya ka tale shoka shi li ko.Ta ti wo kutya okwa lopota kUuministeli wUuhaku wu ka ninge omakonaakono gopaunongononi, ngashi okukutha ombinzi mboka taya nyu yi tumwe kOolabora yi ka konakonwe.Omupangi Omukuluntu mOshikondo shEpango lyOpetameko mOshitopolwa sha Hangwena Seesitela Fransina Shipunda, naye okwa koleka koThe Namibian oshinima shika.Ta ti aanona yokOsikola ndjoka okuza meti 28 Maalitsa 2006, oya kala taya etwa koshipangelo shEenhana nokumona epango.Ya mono omakonakono gi ili nogi ili gopaunamiti nokukuthwa wo ombinzi, ashike inaya monika uuvu washa.Otaku tiwa kutya ngele aanona mboka nenge aalongi sho ye li komagumbo, itaya nyu, ashike shampa owala ye ya kOsikola nena iihuna yokunywa oya tameka.Meme Shipunda ta ti kutya oko ya yile kOsikola hoka mEtitatu lyoshiwike shika yo nOmuwiliki gwUuhaku mOshitopolwa sha Hangwena tate Erobeam Hamundaba nayalwe wo yomUuhaku okuzilila moshipangelo sha Eenhana noya adha onkalo yokunywa tayi pula komeho noonkondo.”Oshinima oshikumithi nayi noonkondo, okutala sho aanona taya galangata nokwiikwekwenyena komiti tayi iyaga.Tayi ikutha miikutu, muupendi, muudholombuluko nomuumanga, opo ya shiwe okwiiyaga nawa, oshoka otaya nyu noonkondo,” Seesitela Shipunda ta ti.Onkalo yatya ngawo, oya lopotelwa wo nOpolisi ya Eenhana, na Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute, okwa koleka naye oshinima shika kOshifo shika.Ta ti kutya okwa tumine ko Aapopilsi ye ya ka konaakone nashi ya galuka oye mu lombwele kutya shoka shi li hoka itashi umbwa dhimbo.Osha geya noonkondo naanona kumwe naalongisikola oye li moshipyu lela.Yamwe yomomukunda Ondingwanyama moka, otaya indile kEpangelo, ano kUuministeli wElongo wu ethele mo oonganga mosikola moka dhi ye dhi ninge mo nawa, oshoka omukithi ngoka, oya itaala kutya ogwopaulodhi nogwa pumbwa okutidhwa mo koonganga dhoshiluudhe.Osikola ndjika ya Mhanda, oyi li ontiyali yomOosikola dhomOshitopolwa sha Hangwena, tayi adhika koombepo tadhi limbilike.Ano ya landula nee ndjoka ya Mumbwenge popepi nOshigambo mOndonga ndjoka ya kala nuunona tau piyaganekwa koombepo dhanyata, dha tamekele mu Juli omvula ya zi ko, nodha ka mwena po sho kwa ningwa omagalikano ga kwata miiti.Omolu oshinywenywe sha geya, uunona mboka otaku tiwa kutya ohau tameke tau iyaga noonkondo nokugalangata mevi nenge tau igwegwesha nokwiiyagela komiti nokiihwa.Molwashoka otau nyu olutu aluhe, uunona ohau tameke nokuli tau kutha mo oonguyo dhawo uupendi nuudholo wokomagundji polweela mpoka opo wu vule okwiiyaga nawa.Omuwiliki gwElongo mOshitopolwa sha Hangwena tate Josia Udjombala okwa koleke naye omukithi nguka gwa nika oshiponga pOsikola ndjoka.Ta ti okwa lopotelwa kutya Osikola ndjoka oya adhika koshiponga shomukithi ngoka. Udjombala ngoka a adhikile e li kOshigongiilonga kOvenduka, okwa lombwele The Namibian kutya okwa tuma ko aanambelewa ye ya ka tale shoka shi li ko.Ta ti wo kutya okwa lopota kUuministeli wUuhaku wu ka ninge omakonaakono gopaunongononi, ngashi okukutha ombinzi mboka taya nyu yi tumwe kOolabora yi ka konakonwe.Omupangi Omukuluntu mOshikondo shEpango lyOpetameko mOshitopolwa sha Hangwena Seesitela Fransina Shipunda, naye okwa koleka koThe Namibian oshinima shika.Ta ti aanona yokOsikola ndjoka okuza meti 28 Maalitsa 2006, oya kala taya etwa koshipangelo shEenhana nokumona epango.Ya mono omakonakono gi ili nogi ili gopaunamiti nokukuthwa wo ombinzi, ashike inaya monika uuvu washa.Otaku tiwa kutya ngele aanona mboka nenge aalongi sho ye li komagumbo, itaya nyu, ashike shampa owala ye ya kOsikola nena iihuna yokunywa oya tameka.Meme Shipunda ta ti kutya oko ya yile kOsikola hoka mEtitatu lyoshiwike shika yo nOmuwiliki gwUuhaku mOshitopolwa sha Hangwena tate Erobeam Hamundaba nayalwe wo yomUuhaku okuzilila moshipangelo sha Eenhana noya adha onkalo yokunywa tayi pula komeho noonkondo.”Oshinima oshikumithi nayi noonkondo, okutala sho aanona taya galangata nokwiikwekwenyena komiti tayi iyaga.Tayi ikutha miikutu, muupendi, muudholombuluko nomuumanga, opo ya shiwe okwiiyaga nawa, oshoka otaya nyu noonkondo,” Seesitela Shipunda ta ti.Onkalo yatya ngawo, oya lopotelwa wo nOpolisi ya Eenhana, na Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute, okwa koleka naye oshinima shika kOshifo shika.Ta ti kutya okwa tumine ko Aapopilsi ye ya ka konaakone nashi ya galuka oye mu lombwele kutya shoka shi li hoka itashi umbwa dhimbo.Osha geya noonkondo naanona kumwe naalongisikola oye li moshipyu lela.Yamwe yomomukunda Ondingwanyama moka, otaya indile kEpangelo, ano kUuministeli wElongo wu ethele mo oonganga mosikola moka dhi ye dhi ninge mo nawa, oshoka omukithi ngoka, oya itaala kutya ogwopaulodhi nogwa pumbwa okutidhwa mo koonganga dhoshiluudhe.Osikola ndjika ya Mhanda, oyi li ontiyali yomOosikola dhomOshitopolwa sha Hangwena, tayi adhika koombepo tadhi limbilike.Ano ya landula nee ndjoka ya Mumbwenge popepi nOshigambo mOndonga ndjoka ya kala nuunona tau piyaganekwa koombepo dhanyata, dha tamekele mu Juli omvula ya zi ko, nodha ka mwena po sho kwa ningwa omagalikano ga kwata miiti.