Ohauto yondilo ya monika

O POLISI mOshitopolwa sha Hangwena oya lopota kutya ohauto yondilo yoVolkswagen V10 ndjoka ya yakelwe mOvenduka meti 29 Apilili nuumvo, ya monika, ya adhika moAngola kOpolisi ya Namibia meti 4 Mei 2006.

Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute, ota ti kutya oombotsotso ndhoka dha yakele po ohauto ndjika odha li dhi na elago molwashoka odha zi nayo kOvenduka nokupita nayo apehe mpoka sigo tadhi taaguluka nokuli nongamba ya Namibia na Angola, dha taagulukila pokamweelo kokoongamba ke li pomukunda Oshipalashonghoshi kombinga ya Mungwelume lwaahoka. Shivute ta ti kutya Ohauto ndjoka sho ya pita pokamweelo mpoka, oyeenda po oshikuti lela, naakwashigwana mpoka oya kala ya limbililwa okumatuka po kwayo kwoshikuti kwatya ngawo noya lopota nziya kOpolisi yopopepi nayo mpoka.Opolisi oya landula ko nziya nashi ngaa aamentu taya ti otaya thuwa po kashona pOkahenge muumbugantu wa Angola, oye wete sho Opolisi ya tsimika ontsi.Mpoka ya li opu na omuthitu.Sho ya mono kutya ya adhikilila po, oya kutha mo nziya iipatulula mohauto nokufadhuka po kolupadhi ya thinda momuthitu moka.Opolisi oye ya pohauto mpoka noku yi kwata ko ngawo.Ashike nee kaya li ye na shoka taye yi patulula nayo ye yi hinge po molwashoka aamentu mbeyaka iipatululo oya ya nayo.Mekonaakono lyayo, Opolisi, oya mono kutya ohauto ndjoka oya yakwa kOvenduka kOngalashe yoAuto Haus ya Willem Peter Busch.Opolisi oya lombwele mwene gwawo nguka kutya ohauto ye ye yi mona ne yi ileko.Ashike nee oyi li mu Angola.Itaya vulu oku yi hinga mo oshoka oombotsotso odha fadhuka po niipatululo yayo.Komanda Shivute ota ti ohauto yoVolkswagen V10, yondilo ohayi kotha N$800,000.Shivute ta ti kutya Ohauto ndjoka sho ya pita pokamweelo mpoka, oyeenda po oshikuti lela, naakwashigwana mpoka oya kala ya limbililwa okumatuka po kwayo kwoshikuti kwatya ngawo noya lopota nziya kOpolisi yopopepi nayo mpoka.Opolisi oya landula ko nziya nashi ngaa aamentu taya ti otaya thuwa po kashona pOkahenge muumbugantu wa Angola, oye wete sho Opolisi ya tsimika ontsi.Mpoka ya li opu na omuthitu.Sho ya mono kutya ya adhikilila po, oya kutha mo nziya iipatulula mohauto nokufadhuka po kolupadhi ya thinda momuthitu moka.Opolisi oye ya pohauto mpoka noku yi kwata ko ngawo.Ashike nee kaya li ye na shoka taye yi patulula nayo ye yi hinge po molwashoka aamentu mbeyaka iipatululo oya ya nayo.Mekonaakono lyayo, Opolisi, oya mono kutya ohauto ndjoka oya yakwa kOvenduka kOngalashe yoAuto Haus ya Willem Peter Busch.Opolisi oya lombwele mwene gwawo nguka kutya ohauto ye ye yi mona ne yi ileko.Ashike nee oyi li mu Angola.Itaya vulu oku yi hinga mo oshoka oombotsotso odha fadhuka po niipatululo yayo.Komanda Shivute ota ti ohauto yoVolkswagen V10, yondilo ohayi kotha N$800,000.