Omupresidende Pohamba popitha Aawiliki yOpamuthigululwakalo

O MUPRESIDENDE Hifikepunye Pohamba ohela okwa li a ningi oonkundathana nAaleli yOpamuthigululwakalo yomOshitopolwa shoka sha li hashi ithanwa Owambo kwali nokukundathana iinima ya pamba Omalelo ngaka nEpangelo.

Omupresidende te ya pandula sho ya kala taya longele kumwe nokukwathela Epangelo noku ya indila kutya ya tsikile nokuninga ngawo. Te ya indile wo ya longele kumwe nEpangelo mokukelela uumbotsotso nuulingilingi moshilongo, yo ya yakule nawa oshigwana.Ya longele kumwe mokukaleka po Oveta nelandulathano noshowo uukumwe nombili tayi kalelele nokukala moshipala mbyoka kayi li nawa.Pohamba ta pandula noonkndo Aawiliki yOpamuthigululwakalo sho ya kala taya longele kumwe nawo nEpangelo lya Namibia ndjoka li li mewiliko lyoSwapo pethimbo lyokupangela kwOmupresidende omukulu Sam Nujoma noshowo tuu pethimbo lye sho a yi konshipundi.Te ya indile ya tsikile ngawo nomukomo molwashoka Epangelo enene lya Namibia olya pumbwa lela ewiliko nelelo lyAaleli yOpamuthigululwakalo, ya wilike nokulela pamwe oshilongo nEpangelo.Ya kondje mokukaleka oshigwana kumwe shi na ombili, euvathano nelongelokumwe.Presidende Pohamba ta ti kutya Aaleli yOpamuthigululwakalo oya pumbiwa noonkondo molwashoka oko taku ya aaleli yOpapolotika yEpangelo ya pule omayele kutya oshigwana otashi ti shike.Osha hala shike shi shi ningilwe kEpangelo.Opo ihe nawa Epangelo tali tala kutya otali vulu tuu shili okugwanitha po omaindilo goshigwana ngoka, nenge okutala kutya ogeni po taga vulu okugwanithwa po.”Onde ya ano kune nena ndi mu pandula sho mwa kwathela ndje nawa ngashi ngaa mwa kwathela wo nawa Omupresidende ngu nda landula Sam Nujoma, notandi mu indile mu tsikile nokukwathela Epangelo ngawo, “Presidende Pohamba ta ti ngawo nokugwedha po ta ti kutya okwa lombwelwa nale kOogavena nokAapolisi Aakuluntu mIitopolwa kutya Aawiliki yOpamuthigululwakalo otaya longele kumwe nawa nayo, unene tuu mokukelela iimbuluma nomaukolokoshi gi ili nogi ili mIitopolwa.”Nangaye onda hala nee ndi mu indile kutya tu longelini kumwe mokukelela omaulingilingi ngashi ngoka taga ningwa miilonga, moombelewa moka kaanambelewa nokaaniilomnga yi ili noyi ili.Taya li po iimaliwa.Taya lungu tayi itapula.Taya dhengele ondhi komahini nokuningila poondipi.Tu taleni kutya oshigwana osha pewa omayakulo taga uvitha ombili, oshoka ngele oshigwana itashi yakulwa nawa, otashi kala shi li muupongo uunene nomonkalo yokwaaninekela aaleli yasho nonkalo ayihe yoshilongo.Onkee tu kondjeni, ngashi shito mokukelela omaulingilingi agehe mokati koshigwana, “Presidende Pohamba ta indile kAawiliki yOpamuthigululwakalo ngawo.Kalele kOmukwaniilwa gwOndonga tatekulu Immanuel Kauluma Elifas ngoka a li ina vula okuholoka nokwa kalelwa po kOmalenga ge gamwe Omanene ngashi ku tate Boas Mweendeleli na tate Johannes Amakali na tate Shondili, Aakwaniilwa ayehe nomalenga gIitopolwa ayihe yomoNooli yopokati, oya li ya holoka.Konima sho omupresidende a mana okupopya, okwa indile kAatoolinkundana ya ze mo manga molwashoka otaka kundathana iinima yimwe yopaumwene yi li muule naawiliki mbaka yOpamuthigululwakalo.Te ya indile wo ya longele kumwe nEpangelo mokukelela uumbotsotso nuulingilingi moshilongo, yo ya yakule nawa oshigwana.Ya longele kumwe mokukaleka po Oveta nelandulathano noshowo uukumwe nombili tayi kalelele nokukala moshipala mbyoka kayi li nawa.Pohamba ta pandula noonkndo Aawiliki yOpamuthigululwakalo sho ya kala taya longele kumwe nawo nEpangelo lya Namibia ndjoka li li mewiliko lyoSwapo pethimbo lyokupangela kwOmupresidende omukulu Sam Nujoma noshowo tuu pethimbo lye sho a yi konshipundi. Te ya indile ya tsikile ngawo nomukomo molwashoka Epangelo enene lya Namibia olya pumbwa lela ewiliko nelelo lyAaleli yOpamuthigululwakalo, ya wilike nokulela pamwe oshilongo nEpangelo.Ya kondje mokukaleka oshigwana kumwe shi na ombili, euvathano nelongelokumwe.Presidende Pohamba ta ti kutya Aaleli yOpamuthigululwakalo oya pumbiwa noonkondo molwashoka oko taku ya aaleli yOpapolotika yEpangelo ya pule omayele kutya oshigwana otashi ti shike.Osha hala shike shi shi ningilwe kEpangelo.Opo ihe nawa Epangelo tali tala kutya otali vulu tuu shili okugwanitha po omaindilo goshigwana ngoka, nenge okutala kutya ogeni po taga vulu okugwanithwa po.”Onde ya ano kune nena ndi mu pandula sho mwa kwathela ndje nawa ngashi ngaa mwa kwathela wo nawa Omupresidende ngu nda landula Sam Nujoma, notandi mu indile mu tsikile nokukwathela Epangelo ngawo, “Presidende Pohamba ta ti ngawo nokugwedha po ta ti kutya okwa lombwelwa nale kOogavena nokAapolisi Aakuluntu mIitopolwa kutya Aawiliki yOpamuthigululwakalo otaya longele kumwe nawa nayo, unene tuu mokukelela iimbuluma nomaukolokoshi gi ili nogi ili mIitopolwa.”Nangaye onda hala nee ndi mu indile kutya tu longelini kumwe mokukelela omaulingilingi ngashi ngoka taga ningwa miilonga, moombelewa moka kaanambelewa nokaaniilomnga yi ili noyi ili.Taya li po iimaliwa.Taya lungu tayi itapula.Taya dhengele ondhi komahini nokuningila poondipi.Tu taleni kutya oshigwana osha pewa omayakulo taga uvitha ombili, oshoka ngele oshigwana itashi yakulwa nawa, otashi kala shi li muupongo uunene nomonkalo yokwaaninekela aaleli yasho nonkalo ayihe yoshilongo.Onkee tu kondjeni, ngashi shito mokukelela omaulingilingi agehe mokati koshigwana, “Presidende Pohamba ta indile kAawiliki yOpamuthigululwakalo ngawo.Kalele kOmukwaniilwa gwOndonga tatekulu Immanuel Kauluma Elifas ngoka a li ina vula okuholoka nokwa kalelwa po kOmalenga ge gamwe Omanene ngashi ku tate Boas Mweendeleli na tate Johannes Amakali na tate Shondili, Aakwaniilwa ayehe nomalenga gIitopolwa ayihe yomoNooli yopokati, oya li ya holoka.Konima sho omupresidende a mana okupopya, okwa indile kAatoolinkundana ya ze mo manga molwashoka otaka kundathana iinima yimwe yopaumwene yi li muule naawiliki mbaka yOpamuthigululwakalo.