Aanafaalama 9 ya shuna koohambo dhawo mOkavango

A ANAHAMBO nenge aanfaalama omugoyi mboka omwedhi gwa zi ko ya li ya pewa uuthemba kOmpangu yOpombanda ya shune koohambo dhawo kOkavango, oya shuna koohambo dhawo dhika pehulilo lyomwedhi gwa zi ko.

Aanafaalama mbaka ya tidhilwe mOkavango mu Novemba, oya li ya ningi eindilo kOmpangu mu Desemba kOmpangu yOpombanda ya pewe ezimino lyokushuna koohambo dhawo muuninginino wOshitopolwa sha Kavango (mUukwangali). Momasiku 14 ga Desemba 2006, Ompangu yOpombanda oya li ya pwaakene eindilo lyayo nokuninga etokolo kutya naya shune mo manga oshinima shetidhomo lyawo tashi kundathanwa mo nawa.Ashike nee nani eindilo lyawo kalya li ashike lya kwatela mo aanafalama omugoyi mboka ya yile kOmpangu yOpombanda, olya li lya kwatela mo aanafaalama nenge aanahambo ayehe mboka ya tidhwa mOkavango.Aanafaalama mbaka oyo ashike mboka ye li omugoyi, ya ningile eindilo lyokushuna mOkavango.Ayehe mboka kaye li mwaamboka omugoyi, kaye na uuthemba wokushuna mo nande.Ngele oye shi ningi nena oya taagulula Oveta yOmavi gAayehe yonomola 5 yomomumvo 2002, ndjoka tayi ti kutya hamuntu ta tula mevi lyaayehe ke na eziminino lyElelo lyEvi ndjoka nenge lyElelo lyOpamuthigululwakalo ndjoka tali lele evi nenge ehala ndjoka.Kehe Omunamibia ngoka ta yi mehala lyaayehe ke na ezimino lyElelo lyEvi ndjoka nenge lyElelo lyOpamuthigululwakalo lyevi ndjoka, nena ota taaguluka Oveta notiimonekitha ondjo negeelo moshinima shoka.Onkee mboka ya ya mOkavango yaa na epitikilo lyOmukwaniilwa, lyElelo lyEhala ndyoka lyaayehe, oye li mo shaa li paveta notaya vulu lela okukatukilwa onkatu nokutidhwa mo nenge ya kwatwe po nokuningilwa iipotha ndele taya holoka mOmpangu nokupewa egeelo lyOpaveta.Mwaashoka, Omupopiliko gwAanahambo mbaka tate Vilho Hamunyela, ano tate Kabila, moshigongi shawo ye shi ningile pOnethindi omwedhi gwa zi ko okwa ti kutya oshinima shokutya aanahambo yamwe inaya kwatelwa mo, ote ke shi fala ku Hahende gwawo e ke shi tule nawa pombapila.Ta ti sho ya ninga eindilo kOmpangu yOpombanda, ya shune mOkavango, inaye li ningila ashike mboka omugoyi, ashike aanahambo ayehe ya tidhwa moshitopolwa shoka shuuninginino wOkavango.Kabila ota ti kutya etidhomo lyawo kali li pauyuki nande molwashoka moshitopolwa shoka oye li mo paziminino lyOmukwaniilwa gwUukwangali Sitentu Mpasi nOmalenga ge.Yamwe yomaanahambo mbaka, mwa kwatelwa nomusamane Kabila, omathimbo ga zi ko oya kwatelwe po nokuningilwa iipotha kutya mOkavango oye li mo shaa li paveta.Iipotha yawo onkee yi li mompangu ko Rundu kOkavango.Tayi ka pulakenwa ishewe meti 25 Januali 2007.Momasiku 14 ga Desemba 2006, Ompangu yOpombanda oya li ya pwaakene eindilo lyayo nokuninga etokolo kutya naya shune mo manga oshinima shetidhomo lyawo tashi kundathanwa mo nawa.Ashike nee nani eindilo lyawo kalya li ashike lya kwatela mo aanafalama omugoyi mboka ya yile kOmpangu yOpombanda, olya li lya kwatela mo aanafaalama nenge aanahambo ayehe mboka ya tidhwa mOkavango.Aanafaalama mbaka oyo ashike mboka ye li omugoyi, ya ningile eindilo lyokushuna mOkavango.Ayehe mboka kaye li mwaamboka omugoyi, kaye na uuthemba wokushuna mo nande.Ngele oye shi ningi nena oya taagulula Oveta yOmavi gAayehe yonomola 5 yomomumvo 2002, ndjoka tayi ti kutya hamuntu ta tula mevi lyaayehe ke na eziminino lyElelo lyEvi ndjoka nenge lyElelo lyOpamuthigululwakalo ndjoka tali lele evi nenge ehala ndjoka.Kehe Omunamibia ngoka ta yi mehala lyaayehe ke na ezimino lyElelo lyEvi ndjoka nenge lyElelo lyOpamuthigululwakalo lyevi ndjoka, nena ota taaguluka Oveta notiimonekitha ondjo negeelo moshinima shoka.Onkee mboka ya ya mOkavango yaa na epitikilo lyOmukwaniilwa, lyElelo lyEhala ndyoka lyaayehe, oye li mo shaa li paveta notaya vulu lela okukatukilwa onkatu nokutidhwa mo nenge ya kwatwe po nokuningilwa iipotha ndele taya holoka mOmpangu nokupewa egeelo lyOpaveta.Mwaashoka, Omupopiliko gwAanahambo mbaka tate Vilho Hamunyela, ano tate Kabila, moshigongi shawo ye shi ningile pOnethindi omwedhi gwa zi ko okwa ti kutya oshinima shokutya aanahambo yamwe inaya kwatelwa mo, ote ke shi fala ku Hahende gwawo e ke shi tule nawa pombapila.Ta ti sho ya ninga eindilo kOmpangu yOpombanda, ya shune mOkavango, inaye li ningila ashike mboka omugoyi, ashike aanahambo ayehe ya tidhwa moshitopolwa shoka shuuninginino wOkavango.Kabila ota ti kutya etidhomo lyawo kali li pauyuki nande molwashoka moshitopolwa shoka oye li mo paziminino lyOmukwaniilwa gwUukwangali Sitentu Mpasi nOmalenga ge.Yamwe yomaanahambo mbaka, mwa kwatelwa nomusamane Kabila, omathimbo ga zi ko oya kwatelwe po nokuningilwa iipotha kutya mOkavango oye li mo shaa li paveta.Iipotha yawo onkee yi li mompangu ko Rundu kOkavango.Tayi ka pulakenwa ishewe meti 25 Januali 2007.