Omaimangeleko mOmusati ga kundathanwa

O SHIGONGIILONGA oshinene nosha simana sha li tashi kukundathana omaimangeleko mOshitopolwa sha Musati osha ningilwe pOutapi mOmbalantu mOshitopolwa sha Musati moka mEtine nEtitano lyoswike sha zi ko, moka mwa li aawiliki yOongeleka, yOpamuthigululwakalo, Opolisi nAanambelewa yUuministeli wUuhaku.

Oshigongi shika osha li sha longekidhwa kOshikandjongeleka shUuninginino shOngeleka ya Elcin nokuyambidhidhwa noshimaliwa kOngongahangano yOongeleka dhomuNamibia (CCN). Mokati kAawiliki yOpamuthigululwakalo omwa li Omukwaniilwa gUukwaluudhi tatekulu Josia Shikongo Taapopi nOmunyekadhi meme Taapopi nOmalenga ge gamwe oshowo Omukwaniilwa gwa Ngandjera tatekulu Jafet Munkundi nOmalenga ge gamwe, Elenga enene lya Mbalantu tatekulu Oswin Mukulu nomalenga ge gamwe omanga Iitopolwa yilwe wo ya li ya kalelwa po.Ongongahangano yOongeleka moNamibia oya li ya kalelwa po kOmusita Omundohotola Shapaka Kapolo.Oshikandjongeleka shUuninginino tashi kalelwa po kOmutonatelishitayingeleka sha Kahao Omusita Josaphat Shanghala.Uuministeli wUuhaku owa li wa kalelwa po kOmunambelewa Omukuluntu mOshikondo shIilonga yOnkalonawa meme Tabitha Tuwilika Kalunduka omanga Opolisi ya li ya kalelwa po kuKomanda yOpolisi mOshitopolwa sha Musati Komufala gwOpevi gwOpolisi Ndahangwapo Kashihakumwa, ngoka a li a ende pamwe nOmupopiliko gwOpolisi mOshitopolwa sha Musati Shisaande Linekela Shikongo.Oshigongi osha lombwelwa kuKomanda gwOpolisi mOshitopolwa sha Musati tate Kashihakumwa kutya okuza momumvo 2005 sigo omEtine ndjoka lya zi ko mOshitopolwa sha Musati omwiidhipaga aantu kuyoyene ye li 135, yi imangeleke.Mokati kaamboka yi imangeleka aalumentu omwa li omukulupe gwoomvula 99 naangoka gwoomvula dhopevi okamatyona koomvula 11.Mokati koomeme ngoka gwoomvula dhopombanda i imangeleke okwa li e na oomvula 80 omanga ngoka gwoomvula dhopevi a li okakadhona koomvula 21.Mokati kaamboka yi imangeleke omwa li yahetatu mboka ya thigi po uumbapila ye wu shanga kutya omolwashike yi imangelekele.Ya popi mo unene kutya oyi imangeleke omolu oluhepo, okuningwa nayi kaagandjawo, kookuume nenge kaaholike yawo nenge inaya pewa oshimaliwa shokukiilongitha.Kashihakumwa ta ti kutya Iikandjohogololo mbyoka ya li yi na omaimangeleko ga londa unene pombanda ongashi Okahao noTsandi moka momumvo 2005 mwa lopotwa aaimangeleki ye li 27 omanga mOshikandjohogololo shAutapi nOnesi amuke mwa lopotwa omaso goludhi nduka ge li 21.Outapi nOnesi oyo ya li yi li pombanda nomaso 27 ya landulwa kOkahao noTsandi moka mwa lopotwa mwa sa aantu ye li 26 momumvo gwa zi ko.Omvula ndjika Okahao noTsandi oyi li natango nale komeho molwashoka sigo omEtine lya zi ko omwa kala mwa lopotwa aantu ye li 6 yi imangeleka omanga mwaashoka shAutapi nOnesi mwa lopotwa ye li 4.mOshikjandjohogololo sha Kalongo omwa lopotwa aantu 5 yi imangeleka momumvo 2005.Omvula ya zi ko 9 nonuumvo sigo omEtine lya zi ko ye li 2.mOshikandjohogololo sha Ruacana momumvo 2005 omwiimangeleka ashike 3, omvula ya zi ko 3 nonuumvo sigo omEtine lya zi ko gumwe.Pethimbo ta popitha oshigongi Omundohotola Kapolo okwa ti kutya omaimangeleko oga tameke ngaa uunene konima yEmanguluko lyoshilongo.Ta ti aantu oyendji oya ningilwa shoka ya li inaya tegelela ye shi ningilwe, oshoka oya li ye shi ngele oshilongo sha manguluka onkalo yawo otayi ka kala yi li nawa, ashike sho inayi kala nawa, ohaya tokola okuthiga po uuyuni mbuka pamukalo gwosheendelela, ano gwokwiikutha oomwenye yoyene.Kapolo ta ti kutya oluhepo olo ngaa talu dhana unene onkandangala moshinima shokwiimangeleka nomonkalonawa yoshigwana pethimbo ndika.Oshinima shimwe okwa ti kutya konale aakwashigwana oya li haya simaneke Ooveta noonkulunkedhi dhoshigwana, ashike pethimbo ndika kashi mo we.Omusita Kapolo ta ti pethimbo ndika osha fa nokuli shi li ngawo kutya oombotsotso odho tadhi li nawa oshilongo nokugamenwa kEpangelo omanga aakwashigwana aavuliki kOveta haya lombwelwa yi idhidhimike.”Iinima ayihe mbika oya etele aantu omalimbililo na kaye wete we kutya oyuuka peni nonakuyiwa yawo oya uka peni, nayamwe nee ohaya tokola yi imangeleke nokuthiga po uuyuni ngawo,” Omusita Kapolo ta ti ngawo nokwiindila kAawiliki yOpamuthigululwakalo, yOongeleka noyopaPolotika ya longele kumwe muupyakadhi mbuka nokutsa omukumo ombepo yekwatathano, yuukumwe, yoonkundathana, yetalelathanopo noyuukwawowanankali opo kuhupithwe mboka ye uvite ye li monkalo yondiinkalela, ye uvite kaye niwe ko nayo nohaya tokola ngawo yi imangeleke.”Oshigwana oshindji osha pumbwa ekwatho, onkee nashi kwathelwe yakwetu,” Omundohotola Kapolo ta ti ngawo.Mokati kAawiliki yOpamuthigululwakalo omwa li Omukwaniilwa gUukwaluudhi tatekulu Josia Shikongo Taapopi nOmunyekadhi meme Taapopi nOmalenga ge gamwe oshowo Omukwaniilwa gwa Ngandjera tatekulu Jafet Munkundi nOmalenga ge gamwe, Elenga enene lya Mbalantu tatekulu Oswin Mukulu nomalenga ge gamwe omanga Iitopolwa yilwe wo ya li ya kalelwa po.Ongongahangano yOongeleka moNamibia oya li ya kalelwa po kOmusita Omundohotola Shapaka Kapolo.Oshikandjongeleka shUuninginino tashi kalelwa po kOmutonatelishitayingeleka sha Kahao Omusita Josaphat Shanghala.Uuministeli wUuhaku owa li wa kalelwa po kOmunambelewa Omukuluntu mOshikondo shIilonga yOnkalonawa meme Tabitha Tuwilika Kalunduka omanga Opolisi ya li ya kalelwa po kuKomanda yOpolisi mOshitopolwa sha Musati Komufala gwOpevi gwOpolisi Ndahangwapo Kashihakumwa, ngoka a li a ende pamwe nOmupopiliko gwOpolisi mOshitopolwa sha Musati Shisaande Linekela Shikongo.Oshigongi osha lombwelwa kuKomanda gwOpolisi mOshitopolwa sha Musati tate Kashihakumwa kutya okuza momumvo 2005 sigo omEtine ndjoka lya zi ko mOshitopolwa sha Musati omwiidhipaga aantu kuyoyene ye li 135, yi imangeleke.Mokati kaamboka yi imangeleka aalumentu omwa li omukulupe gwoomvula 99 naangoka gwoomvula dhopevi okamatyona koomvula 11.Mokati koomeme ngoka gwoomvula dhopombanda i imangeleke okwa li e na oomvula 80 omanga ngoka gwoomvula dhopevi a li okakadhona koomvula 21.Mokati kaamboka yi imangeleke omwa li yahetatu mboka ya thigi po uumbapila ye wu shanga kutya omolwashike yi imangelekele.Ya popi mo unene kutya oyi imangeleke omolu oluhepo, okuningwa nayi kaagandjawo, kookuume nenge kaaholike yawo nenge inaya pewa oshimaliwa shokukiilongitha.Kashihakumwa ta ti kutya Iikandjohogololo mbyoka ya li yi na omaimangeleko ga londa unene pombanda ongashi Okahao noTsandi moka momumvo 2005 mwa lopotwa aaimangeleki ye li 27 omanga mOshikandjohogololo shAutapi nOnesi amuke mwa lopotwa omaso goludhi nduka ge li 21.Outapi nOnesi oyo ya li yi li pombanda nomaso 27 ya landulwa kOkahao noTsandi moka mwa lopotwa mwa sa aantu ye li 26 momumvo gwa zi ko.Omvula ndjika Okahao noTsandi oyi li natango nale komeho molwashoka sigo omEtine lya zi ko omwa kala mwa lopotwa aantu ye li 6 yi imangeleka omanga mwaashoka shAutapi nOnesi mwa lopotwa ye li 4.mOshikjandjohogololo sha Kalongo omwa lopotwa aantu 5 yi imangeleka momumvo 2005.Omvula ya zi ko 9 nonuumvo sigo omEtine lya zi ko ye li 2.mOshikandjohogololo sha Ruacana momumvo 2005 omwiimangeleka ashike 3, omvula ya zi ko 3 nonuumvo sigo omEtine lya zi ko gumwe.Pethimbo ta popitha oshigongi Omundohotola Kapolo okwa ti kutya omaimangeleko oga tameke ngaa uunene konima yEmanguluko lyoshilongo.Ta ti aantu oyendji oya ningilwa shoka ya li inaya tegelela ye shi ningilwe, oshoka oya li ye shi ngele oshilongo sha manguluka onkalo yawo otayi ka kala yi li nawa, ashike sho inayi kala nawa, ohaya tokola okuthiga po uuyuni mbuka pamukalo gwosheendelela, ano gwokwiikutha oomwenye yoyene.Kapolo ta ti kutya oluhepo olo ngaa talu dhana unene onkandangala moshinima shokwiimangeleka nomonkalonawa yoshigwana pethimbo ndika.Oshinima shimwe okwa ti kutya konale aakwashigwana oya li haya simaneke Ooveta noonkulunkedhi dhoshigwana, ashike pethimbo ndika kashi mo we.Omusita Kapolo ta ti pethimbo ndika osha fa nokuli shi li ngawo kutya oombotsotso odho tadhi li nawa oshilongo nokugamenwa kEpangelo omanga aakwashigwana aavuliki kOveta haya lombwelwa yi idhidhimike.”Iinima ayihe mbika oya etele aantu omalimbililo na kaye wete we kutya oyuuka peni nonakuyiwa yawo oya uka peni, nayamwe nee ohaya tokola yi imangeleke nokuthiga po uuyuni ngawo,” Omusita Kapolo ta ti ngawo nokwiindila kAawiliki yOpamuthigululwakalo, yOongeleka noyopaPolotika ya longele kumwe muupyakadhi mbuka nokutsa omukumo ombepo yekwatathano, yuukumwe, yoonkundathana, yetalelathanopo noyuukwawowanankali opo kuhupithwe mboka ye uvite ye li monkalo yondiinkalela, ye uvite kaye niwe ko nayo nohaya tokola ngawo yi imangeleke.”Oshigwana oshindji osha pumbwa ekwatho, onkee nashi kwathelwe yakwetu,” Omundohotola Kapolo ta ti ngawo.