Tate Andjamba a hokana meme Lahya

O MUNANGESHEFA a tseyika nawa gwomOshipaya mOmbalantu tate Johannes Andjamba (73) ngoka konima yeso lyomukulukadhi gwe gwokOngeleka nopaVeta, a kala ina hokana we pangeleki noPaveta, mEtitano lya zi ko, okwa hokanununa pangeleki nopaveta, ano a tulwa kumwe nomuholike gwe omupe meme Lahya Gideon (54).

Omukulukadhi gwokOngeleka gwotango gwa tate Andjamba, meme Victorina Shiweva, okwa manene oondjenda dhe mo 2003. Pata Omukuluntu gwa Anamulenge ngoka wo e li Omukuluntu gwOopata mOshitopolwa shoka hashi ithanwa Owambo kwali, ano Pata Jose Thomas, ta yambidhidhwa ku Pata omugundjuka Boniface Kamushishi nokOmudiakoni Ambrosius Shalumbu, oyo ya hokanitha tate Andjamba na meme Lahya.Ongeleka oya li aakwanezimo nosho wo Ooseesita, Aakuluntu yamwe yEgongalo lya Anamulenge nosho wo ookuume.Pethimbo lyeuvitho lye, Pata Kamushishi, okwa tumbula kutya tate Andjamba, nonando a fa a kala muuwike nomuuyuni konima yeso lyomukulukadhi gwe gwokOngeleka omathimbo ga zi ko, okwa kala noku li Omukriste omudhiginini nokwa li ashike a kambelitha ko ehokanununo lye paNgeleka, nokwa ninga nee nawa unene sho a ningi etokolo lyatya ngawo lyokuhokana po omuholike gwe meme Lahya.”Ngashiingeyi, tate Johannes Andjamba oku li i ihwapo ishewe mEgongalo lyOngeleka na otatu pandula Kalunga mwaashoka, “Pata Kamushishi ta tumbula ngawo.Pata Thomas naye okwa pandula noonkondo konkatu ndjoka ya katukwa po ku tate Andjamba yokutulwa kumwe nomuholike gwe meme Lahya paNgeleki nOpaveta.Pata Thokas, ngoka wo a dhana onkandangala mokuyambidhidha tate Andjamba metokolo lye ndika, ta ti kutya tate Andjamba okwa kala Omukriste omudhiginini noku li wo omuyambidhidhi omunene gwEgongalo lyawo lya Anamulenge.”Onkee etokolo lye ndyoka a ninga, otali pandulwa noonkondo kEgongalo nosho wo kOngeleka ayihe,” Pata Thomas ta popi nenyanyu.Pata Thomas ta ti kutya nOmumbiishofi Omukuluntu Nashenda okwa nyanyukilwa onkatu ndjoka tate Andjamba a katuka.Yaali yOmaakuluntugongalo aakulu, ano oongudhi dhEgongalo lya Anamulenge mpoka, tatekulu Johannes Pandeni na tatekulu Modestus Andowa, nayo oya pandula konkatu ndjoka ya katukwa ku tate Johannes Andjamba.Oministeli yOpevi yEgameno nEpopilo lyoshigwana Gabes Shihepo, ngoka a popi pehala lyookuume, mesiku lya landula, ano mOlyomakaya, ndyoka lya li esiku lyEmisa lyOonakusa aakulupe nosho tuu, ndjoka hali longekidhwa komusamane Andjamba kehe komvula, okwa pandula wo shoka tate Andjamba a ninga po.”Kuume ketu owa ninga nawa na opo wu kala mpoka wu li.Otwe ku simaneka , otwe ku tumbaleka notatu ku halele omayambeko omanene ga Tate Kalunga nomwenyo omule kombanda yevi.Kala nombili nomukulukadhi gwoye naanona, aakweanezimo nookuume.Tse otwa thikama pu ne notatu mu yambidhidha molweendo lweni ndoka lwa hupa ko,” Shihepo ta lombwele Andjamba na meme Lahya ngawo nenyanyu.Tate Onesimus Nekongo okwa li a popi wo naye pehala lyaavalwa.Nakushanga ta popi pehala lyaatekulwa ye Kansela gwa Anamulenge Josef Kanyenye Aluvilu ta popi pehala lyaamwahe naamwayina.Egongalo lyopuushiinda lya Nawa (Elcin) nalyo wo olya eta po oshipopiwa neimbilo lyalyo.Tate Andjamba, ngoka ngashi sha popiwa ku Pata, a kala ha gongala nawa, ha futu iifendela ye yEgongalo omvula kehe nokuya kOsoondaha hanga kehe Osoondaha, okwa ti kutya etokolo lyokuhokana po omuholike gwe Lahya okwe li ninga konima sho i ipula nawa muule womutima gwe.Pata Omukuluntu gwa Anamulenge ngoka wo e li Omukuluntu gwOopata mOshitopolwa shoka hashi ithanwa Owambo kwali, ano Pata Jose Thomas, ta yambidhidhwa ku Pata omugundjuka Boniface Kamushishi nokOmudiakoni Ambrosius Shalumbu, oyo ya hokanitha tate Andjamba na meme Lahya.Ongeleka oya li aakwanezimo nosho wo Ooseesita, Aakuluntu yamwe yEgongalo lya Anamulenge nosho wo ookuume.Pethimbo lyeuvitho lye, Pata Kamushishi, okwa tumbula kutya tate Andjamba, nonando a fa a kala muuwike nomuuyuni konima yeso lyomukulukadhi gwe gwokOngeleka omathimbo ga zi ko, okwa kala noku li Omukriste omudhiginini nokwa li ashike a kambelitha ko ehokanununo lye paNgeleka, nokwa ninga nee nawa unene sho a ningi etokolo lyatya ngawo lyokuhokana po omuholike gwe meme Lahya.”Ngashiingeyi, tate Johannes Andjamba oku li i ihwapo ishewe mEgongalo lyOngeleka na otatu pandula Kalunga mwaashoka, “Pata Kamushishi ta tumbula ngawo.Pata Thomas naye okwa pandula noonkondo konkatu ndjoka ya katukwa po ku tate Andjamba yokutulwa kumwe nomuholike gwe meme Lahya paNgeleki nOpaveta.Pata Thokas, ngoka wo a dhana onkandangala mokuyambidhidha tate Andjamba metokolo lye ndika, ta ti kutya tate Andjamba okwa kala Omukriste omudhiginini noku li wo omuyambidhidhi omunene gwEgongalo lyawo lya Anamulenge.”Onkee etokolo lye ndyoka a ninga, otali pandulwa noonkondo kEgongalo nosho wo kOngeleka ayihe,” Pata Thomas ta popi nenyanyu.Pata Thomas ta ti kutya nOmumbiishofi Omukuluntu Nashenda okwa nyanyukilwa onkatu ndjoka tate Andjamba a katuka.Yaali yOmaakuluntugongalo aakulu, ano oongudhi dhEgongalo lya Anamulenge mpoka, tatekulu Johannes Pandeni na tatekulu Modestus Andowa, nayo oya pandula konkatu ndjoka ya katukwa ku tate Johannes Andjamba.Oministeli yOpevi yEgameno nEpopilo lyoshigwana Gabes Shihepo, ngoka a popi pehala lyookuume, mesiku lya landula, ano mOlyomakaya, ndyoka lya li esiku lyEmisa lyOonakusa aakulupe nosho tuu, ndjoka hali longekidhwa komusamane Andjamba kehe komvula, okwa pandula wo shoka tate Andjamba a ninga po.”Kuume ketu owa ninga nawa na opo wu kala mpoka wu li.Otwe ku simaneka , otwe ku tumbaleka notatu ku halele omayambeko omanene ga Tate Kalunga nomwenyo omule kombanda yevi.Kala nombili nomukulukadhi gwoye naanona, aakweanezimo nookuume.Tse otwa thikama pu ne notatu mu yambidhidha molweendo lweni ndoka lwa hupa ko,” Shihepo ta lombwele Andjamba na meme Lahya ngawo nenyanyu.Tate Onesimus Nekongo okwa li a popi wo naye pehala lyaavalwa.Nakushanga ta popi pehala lyaatekulwa ye Kansela gwa Anamulenge Josef Kanyenye Aluvilu ta popi pehala lyaamwahe naamwayina.Egongalo lyopuushiinda lya Nawa (Elcin) nalyo wo olya eta po oshipopiwa neimbilo lyalyo.Tate Andjamba, ngoka ngashi sha popiwa ku Pata, a kala ha gongala nawa, ha futu iifendela ye yEgongalo omvula kehe nokuya kOsoondaha hanga kehe Osoondaha, okwa ti kutya etokolo lyokuhokana po omuholike gwe Lahya okwe li ninga konima sho i ipula nawa muule womutima gwe.