Oshigongi sha simana shAamangetti pOndangwa

O MUNASHIPUNDI gwEhangano lyAanafaalama ya Mangetti tate Ismael Shailemo okwa tseyitha kutya mOlyomakaya geti 2 Juni 2007 otaku ka kala oshigongi sha simana shAanafaalama ya Mangetti, tashi ka ningilwa mOshinyanga shAayehe pOluno mOndangwa, tashi ka tameka petata lyomulongo gwongula (09H30).

Oshigongi shika tashi ka egululwa negalikano kOmusita Julius Mutuleni, tate Shailemo ota ti kutya, otashi ka kalwa nokupopithwa kOministeli yOmavi nOmatulululo, omusamane Jerry Ekandjo noshowo kOministeli yUunamapya, Uuniimuna, Omeya nIihwa Omundohotola Nickey Iiyambo noshowo kOmukalelipo gwElelo lyOndonga. Omunashipundi gwEhangano lyAanafaalama ya Mangetti ta ti kutya Ominsita Iiyambo otaka popya kombinga yOnkalo yOmusinda Omutiligane omanga Ominista Ekandjo taka popya kombinga yonkalo yEgandjo lyOmahala, ano kombinga yegandjo lyevi mOshitopolwa shoka shOmaulithilo sha Mangetti.Aanafaalama ya Mangetti oya hala okamusinda okatiligane ka kale taka lundululwa po mpoka ke li pethimbo ndika nokuukithwa kongamba ya Angola na Namibia, noye uvite nee pethimbo ndika kutya ngeno naka lundululwe, opo ehala lyOofaalama lya Mangetti li ye moshitopolwa shomaulithilo shUushimba.Ya kale taya landitha oongombe dhawo ngashi naanaa aanafaalama yomuushimba (commercial farmers).Tate Shailemo oye taka taamba ko aanashigongi ayehe kumwe nOoministeli, omanga tate Martin Haikali, ngoka wo e li oshilyo oshikuluntu mEhangano lyAanafaalama ya Mangetti, taka gandja omapandulo konima yoshigongi shika.Omunashipundi gwEhangano lyAanafaalama ya Mangetti ta ti kutya Ominsita Iiyambo otaka popya kombinga yOnkalo yOmusinda Omutiligane omanga Ominista Ekandjo taka popya kombinga yonkalo yEgandjo lyOmahala, ano kombinga yegandjo lyevi mOshitopolwa shoka shOmaulithilo sha Mangetti.Aanafaalama ya Mangetti oya hala okamusinda okatiligane ka kale taka lundululwa po mpoka ke li pethimbo ndika nokuukithwa kongamba ya Angola na Namibia, noye uvite nee pethimbo ndika kutya ngeno naka lundululwe, opo ehala lyOofaalama lya Mangetti li ye moshitopolwa shomaulithilo shUushimba.Ya kale taya landitha oongombe dhawo ngashi naanaa aanafaalama yomuushimba (commercial farmers).Tate Shailemo oye taka taamba ko aanashigongi ayehe kumwe nOoministeli, omanga tate Martin Haikali, ngoka wo e li oshilyo oshikuluntu mEhangano lyAanafaalama ya Mangetti, taka gandja omapandulo konima yoshigongi shika.