Aanona mu Zimbabwe inaya dhimbiwa, ehangano lyedhina Unicef ta li popi

H ARARE – Ehangano egameni lyaanona lyIigwanahangano nenge United Nations Children Fund (Unicef) olya popi kutya iilongo yAatiligane oyi na okweethapo omayooloko gopapolitika kombinga yEpangelo lya Zimbabwe e tayi kwathele aanona mboka ye li taya mono iihuna moshilongo shika.

Ta popitha iikundaneki konima sho a ningi oonkundathana naanambelewa yomahangano omakwatheli muuyuni mu Geneva mEtiyali lya zi ko, Omukalelipo gwopevi gwa Unicef mu Zimbabwe Roeland Monasch, okwa ti maanona yatatu kehe mu Zimbabwe, gumwe oku na omanyutu. Eindilo lya Unicef lyoshimaliwa shOondola dha Amerika oomiliyuna omulongo nandatu oshinkwanu hetatu (US$13,8 million) ina li guma oyendji natango na pethimbo ndika, ehangano ndika olya mona ashike Oondola dha Amerika oomiliyuna mbali oshinkwanu hamano (US$2.6 million).Epangelo lyOmupresidend Robert Mugabe olya kala uule woomvula heyali kali uvitathane nOmapangelo giilongo yaatiligane, ngoka ogendji ga popi kutya Epangelo lya Zimbabwe otali yonagula uuthemba wiiloyo yoongundu dhompilameno.Zimbabwe, ngoka ta nana nondatu kombinga yuuhupilo pethimbo ndika, oku na wo aantu oyendji ya kwatwa komukithi gwo HIV-AIDS, ngoka hagu dhipaga aantu ye li 3 000 oshiwike kehe.ZimOnlineEindilo lya Unicef lyoshimaliwa shOondola dha Amerika oomiliyuna omulongo nandatu oshinkwanu hetatu (US$13,8 million) ina li guma oyendji natango na pethimbo ndika, ehangano ndika olya mona ashike Oondola dha Amerika oomiliyuna mbali oshinkwanu hamano (US$2.6 million).Epangelo lyOmupresidend Robert Mugabe olya kala uule woomvula heyali kali uvitathane nOmapangelo giilongo yaatiligane, ngoka ogendji ga popi kutya Epangelo lya Zimbabwe otali yonagula uuthemba wiiloyo yoongundu dhompilameno.Zimbabwe, ngoka ta nana nondatu kombinga yuuhupilo pethimbo ndika, oku na wo aantu oyendji ya kwatwa komukithi gwo HIV-AIDS, ngoka hagu dhipaga aantu ye li 3 000 oshiwike kehe.ZimOnline