Uutoni oye natango ta wilike oSwapo moshitopolwa shoka sha Shana

O MUSAMANE Erastus Uutoni, ngoka a kala uule wethimbo lya zi ko ta wilike Ongundu yoSwapo mOshitopolwa sha Shana, mOshigongi shawo oshinene shokomumvo shoka sha li ko mOlyomakaya ngaka ga zi ko, okwa hogolululwa natango oye ngaa a kale Omuwiliki gwoSwapo mOshitopolwa shoka sha Shana muule woomvula ne ntano tadhi landula.

Oshigongi shika osha ningilwa mOsenda yOmaulikilo gIipindi mOngwediva, nosha li mewiliko lyOminiteli yOpevi yEgameno nEpopilo lyOshigwana Gabes Shihepo, ngoka wo a li omupopi omunene moshigongi tuu moka. Oshigongi osha li sha ningwa unene nelalakano lyokuhogolola Iilyo Iikuluntuwiliki yOngundu yOswapo mOshitopolwa sha Shana, molwashoka oomvula dhaambyoka ya kala tayi lele oSwapo muule woomvula ne/ntano dha piti, dha kwisha kwali.Mboka nee ya li ye na okuhogololwa, ongashi Omukuluntuwikili, ano omupongololi gwoSwapo mOshitopolwa sha Shana, Omuhwahwameki gwoSwapo mOshitopolwa sha Shana noshowo nee Omudhiginini gwIiniwe moSwapo mOshitopolwa sha Shana.Iilyo yoSwapo ya za kIikandjo yoSwapo yi li omulongo lwaampoka noshowo iilyo yOmawawa goSwapo ngashi ndjoka lyAakulupe, lyOomeme nolyAagundjuka, oya kutha ombinga momahogololo moka.Omusamane Erastus Uutoni, ngoka wo e li Meya gwOndoolopa ya Ngwediva oya li taya kondjele ehala lyUuwiliki woSwapo mOshana ndjoka nomusamane John Ya Kanandjembo.Uutoni okwa zi mo nomake 59 omanga Ya Kanandjembo a zi mo nomake 8.Loth Kuushomwa ngoka e li Kansela gwOshikandhohogololo sha Shakatiuzilo, oya li taya kondjele ehala lyUuhwahwameki woSwapo mOshitopolwa sha Shana yo na Jason Asino ngoka e li Kansela mElelo lyOndoolopa ya Ngwediva.Kuushomwa okwa zi mo nomake 56 omanga Asino a zi mo nomake 11.Tashi ti Kuushomwa oye a ningi Omuhwahwameki gwoSwapo mOshitopolwa sha Shana.Ehala lyUudhiginini wIiniwe moSwapo mOshitopolwa sha Shana, olya li tali kondjelwa ku meme Angelina Angula ngoka e li Kansela mElelo lyOndoolopa ya Ngwediva noshowo ku Katrina Shimbulu ngoka e li Meya gwOndoolopa ya Shakati noku tate Herman Toivo ngoka e li Omuniilonga mOmbaanga yOtango yOpashigwana (FNB) mOshakati.Angula okwa zi mo nomake 33, meme Shimbulu ta zi mo nomake 18 na tate Toivo ta zi mo nomake 16.Tashi ti meme Angula oye a ningi Omudhiginini gwIiniwe mOngundu yoSwapo mOshitopolwa sha Shana muule woomvula ne ntano tadhi landula.Omahogololo otaku tiwa kutya ogeenda nawa, pauyuki, pakotanpango lyoSwapo nOpaudemokoli lela.Unene sho mOshigongi moka mwa li aahogololwa oyendji nomwa zi mboka ya mona omake ogendji.Otaku tiwa wo kutya momahogololo moka kamwa li nande ewi limwe lya yonuuka.Ayehe ya li mo oya hogolola nawa lela.Omanga inaya ninga omahogololo, oya li ya popithwa kOmuwiliki gwElongo mOshitopolwa sha Shana meme Dute Shinyemba noshowo kOmuwiliki gwUuhaku mOshitopolwa sha Shana Omundohotola Naftali Hamata noku Komanda yOpolisi mOshitopolwa sha Shana Komufala gwOpevi gwOpolisi Josef Anghuwo.Ye shi ningi konima sho nee Oministeli yOpevi yEgameno nEpopilo lyOshigwana tate Gabes Shihepo, a egulula oshigongi shoka pambelewa nokwa indile kAakwaswapo mOshana nomoshilongo ashihe ya kale kumwe, ya longe nuudhiginini nonuuyuki mokuyakula oshigwana nokusimaneka aaleli yasho, na haku ya sheka ngashi yamwe yomAanamibia taye shi ningi pethimbo ndika.Ta lombwele iilyo ayihe kutya oya thinda nee kOshigongi oshinene shoSwapo shoka tashi ka ningilw akOvenduka pehulilo lyomvula ndjika, na oye na okuyako yi longekidha noyi unganeka nawa lela.Meme Shinyemba nosho wo Omundohotola Hamata oya indile Aawiliki yOpapolotika ya yakule aantu yawo nawa mIitopolwa yawo nokuya pa omayakulo taga uvitha, ge li pauyuki, pambili noga nika uukolele.Komanda yOpolisi mOshana, Komufala gwOpevi gwOpolisi Anghuwo ta kwashilipaleke Aaleli mbaka yOpapolotika kutya Opolisi ye oyi li ya thikameka omutse gwayo mokugwanitha po Oveta nElandulathano mokati koshigwana mOshitopolwa ashihe.Ta indile wo kAawiliki yOpolotika ya longele kumwe nOpolisi noya lombwele wo aalelwa yawo ya longele kumwe nOpolisi mokukondjitha iimbuluma mOshitopolwa.Oshigongi osha li sha ningwa unene nelalakano lyokuhogolola Iilyo Iikuluntuwiliki yOngundu yOswapo mOshitopolwa sha Shana, molwashoka oomvula dhaambyoka ya kala tayi lele oSwapo muule woomvula ne/ntano dha piti, dha kwisha kwali.Mboka nee ya li ye na okuhogololwa, ongashi Omukuluntuwikili, ano omupongololi gwoSwapo mOshitopolwa sha Shana, Omuhwahwameki gwoSwapo mOshitopolwa sha Shana noshowo nee Omudhiginini gwIiniwe moSwapo mOshitopolwa sha Shana.Iilyo yoSwapo ya za kIikandjo yoSwapo yi li omulongo lwaampoka noshowo iilyo yOmawawa goSwapo ngashi ndjoka lyAakulupe, lyOomeme nolyAagundjuka, oya kutha ombinga momahogololo moka.Omusamane Erastus Uutoni, ngoka wo e li Meya gwOndoolopa ya Ngwediva oya li taya kondjele ehala lyUuwiliki woSwapo mOshana ndjoka nomusamane John Ya Kanandjembo.Uutoni okwa zi mo nomake 59 omanga Ya Kanandjembo a zi mo nomake 8.Loth Kuushomwa ngoka e li Kansela gwOshikandhohogololo sha Shakatiuzilo, oya li taya kondjele ehala lyUuhwahwameki woSwapo mOshitopolwa sha Shana yo na Jason Asino ngoka e li Kansela mElelo lyOndoolopa ya Ngwediva.Kuushomwa okwa zi mo nomake 56 omanga Asino a zi mo nomake 11.Tashi ti Kuushomwa oye a ningi Omuhwahwameki gwoSwapo mOshitopolwa sha Shana.Ehala lyUudhiginini wIiniwe moSwapo mOshitopolwa sha Shana, olya li tali kondjelwa ku meme Angelina Angula ngoka e li Kansela mElelo lyOndoolopa ya Ngwediva noshowo ku Katrina Shimbulu ngoka e li Meya gwOndoolopa ya Shakati noku tate Herman Toivo ngoka e li Omuniilonga mOmbaanga yOtango yOpashigwana (FNB) mOshakati.Angula okwa zi mo nomake 33, meme Shimbulu ta zi mo nomake 18 na tate Toivo ta zi mo nomake 16.Tashi ti meme Angula oye a ningi Omudhiginini gwIiniwe mOngundu yoSwapo mOshitopolwa sha Shana muule woomvula ne ntano tadhi landula.Omahogololo otaku tiwa kutya ogeenda nawa, pauyuki, pakotanpango lyoSwapo nOpaudemokoli lela.Unene sho mOshigongi moka mwa li aahogololwa oyendji nomwa zi mboka ya mona omake ogendji.Otaku tiwa wo kutya momahogololo moka kamwa li nande ewi limwe lya yonuuka.Ayehe ya li mo oya hogolola nawa lela.Omanga inaya ninga omahogololo, oya li ya popithwa kOmuwiliki gwElongo mOshitopolwa sha Shana meme Dute Shinyemba noshowo kOmuwiliki gwUuhaku mOshitopolwa sha Shana Omundohotola Naftali Hamata noku Komanda yOpolisi mOshitopolwa sha Shana Komufala gwOpevi gwOpolisi Josef Anghuwo.Ye shi ningi konima sho nee Oministeli yOpevi yEgameno nEpopilo lyOshigwana tate Gabes Shihepo, a egulula oshigongi shoka pambelewa nokwa indile kAakwaswapo mOshana nomoshilongo ashihe ya kale kumwe, ya longe nuudhiginini nonuuyuki mokuyakula oshigwana nokusimaneka aaleli yasho, na haku ya sheka ngashi yamwe yomAanamibia taye shi ningi pethimbo ndika.Ta lombwele iilyo ayihe kutya oya thinda nee kOshigongi oshinene shoSwapo shoka tashi ka ningilw akOvenduka pehulilo lyomvula ndjika, na oye na okuyako yi longekidha noyi unganeka nawa lela.Meme Shinyemba nosho wo Omundohotola Hamata oya indile Aawiliki yOpapolotika ya yakule aantu yawo nawa mIitopolwa yawo nokuya pa omayakulo taga uvitha, ge li pauyuki, pambili noga nika uukolele.Komanda yOpolisi mOshana, Komufala gwOpevi gwOpolisi Anghuwo ta kwashilipaleke Aaleli mbaka yOpapolotika kutya Opolisi ye oyi li ya thikameka omutse gwayo mokugwanitha po Oveta nElandulathano mokati koshigwana mOshitopolwa ashihe.Ta indile wo kAawiliki yOpolotika ya longele kumwe nOpolisi noya lombwele wo aalelwa yawo ya longele kumwe nOpolisi mokukondjitha iimbuluma mOshitopolwa.