Aalongwa nOpolisi mu Zimbabwe yi idhenga mumwe

H ARARE – Aalongwa mOyunivesiti ya Zimbabwe mEtine lya zi ko oya li yi idhenge mumwe nOpolisi, konima sho aakalekipo yoveta nelandulathano ya halakanitha oshigongi mpoka pwa li pu na okukundathanwa kombinga yekanka tali pula komeho lyaagandji yootundi mOyunivesiti ndjika.

Aagandji yootundi moshiputudhilo shika shopombanda oya yi mekanka petameko lya Febuluali, ya hala oondjambi dhawo dhi gwedhelwe. Omunambelewa mehangano lyaalongwa mu Zimbabwe lyedhina Zimbabwe National Students Union (ZINASU), Benjamin Nyondoro okwa lombwele ZimOnline mEtitano lya zi ko kutya aalongwa ye li yane oya li ya ehamekwa nayi, sho Opolisi ya halakanitha oshigongi shika.Nyondoro okwa ti Aapolisi oyu umba aalongwa nOoholo dhohaasa.Aalongwa oya li nee aniwa ya yamukula nokutatula omakende gOmbaanga ya Commercial Bank of Zimbabwe, gOndjugo yOmambo nogOsaala yimwe onene.Omakende giihauto ine yOyunivesiti nago oga li wo ga tatulwa.Opolisi oya ka kwata po nee Prosper Munatse, ngoka e li Amushanga-Ndjayi gwehangano lyAailongi Aakriste mu Zimbabwe na Munyaradzi Chikorohondo, ngoka a li a popitha oshigongi shika.Pamushangwa gwa pitithwa kehangano lya ZINASU mEtitano, aalongwa mboka ye ya kOombelewa dhehangano oya popi kutya Munatse na Chikorohondo oya li ya dhengwa nayi pwaa na esilohenda lyasha na oya li wo ya tindilwa epango.Oolopota konyala omasiku ga zi ko otadhi ulike ngeyi onkalo mu Zimbabwe oya nyika lela iipa yombwa, notayi dhengele unene keholo.ZimOnlineOmunambelewa mehangano lyaalongwa mu Zimbabwe lyedhina Zimbabwe National Students Union (ZINASU), Benjamin Nyondoro okwa lombwele ZimOnline mEtitano lya zi ko kutya aalongwa ye li yane oya li ya ehamekwa nayi, sho Opolisi ya halakanitha oshigongi shika.Nyondoro okwa ti Aapolisi oyu umba aalongwa nOoholo dhohaasa.Aalongwa oya li nee aniwa ya yamukula nokutatula omakende gOmbaanga ya Commercial Bank of Zimbabwe, gOndjugo yOmambo nogOsaala yimwe onene.Omakende giihauto ine yOyunivesiti nago oga li wo ga tatulwa.Opolisi oya ka kwata po nee Prosper Munatse, ngoka e li Amushanga-Ndjayi gwehangano lyAailongi Aakriste mu Zimbabwe na Munyaradzi Chikorohondo, ngoka a li a popitha oshigongi shika.Pamushangwa gwa pitithwa kehangano lya ZINASU mEtitano, aalongwa mboka ye ya kOombelewa dhehangano oya popi kutya Munatse na Chikorohondo oya li ya dhengwa nayi pwaa na esilohenda lyasha na oya li wo ya tindilwa epango.Oolopota konyala omasiku ga zi ko otadhi ulike ngeyi onkalo mu Zimbabwe oya nyika lela iipa yombwa, notayi dhengele unene keholo.ZimOnline