Gaddafi okwa hala Afrika a kale nEpangelo limwe

C ONAKRY – Omuleli gwa Libya Muammar Gaddafi okwa ti ota ka kondja noonkondo adhihe opo Enenevi lyaAfrika li kale nEpangelo limwe.

Gaddafi shika okwe shi popi mu Conakry sha Guinea oshiwike shika, pethimbo a li ta popitha ongundu yaalongwa (yamwe hoka, mboka oyendji yomuyo ye li aalanduli yEitaalo lyOshiMuslima). Osheetwapo kutya Afrika na kale e na Epangelo limwe otashi ka kundathanwa poshigongi shaaleli yiilongo yaAfrika shoka tashi ka kala ko momasiku 1 gomwedhi tu uka mu Accra, Ghana.Gaddafi okwa ti poshigongi shika, otaya ka ya muule kombinga yosheetwapo shika.”Mboka mwa fa inamu shi hala, ziimo mondjila yetu,” Gaddafi ta popi ngaaka.Oomvula odhindji dha piti po, Gaddafi okwa kala nokuyambidhidha edhiladhilo kutya iilongo yaAfrika nayi ye kumwe e tayi kala ashike hayi ithanwa Iigwana yaAfrika ya hangana.Edhiladhilo ndika olya etwa po tango ku nakusa Kwame Nkrumah, ngoka a li nale Omupresidende gwa Ghana.Nande ongaaka, aantu yamwe oya li ye wete kutya otashi ka kala oshidhigu okuninga Afrika oshilongo shimwe, molwashoka mEnenevi ndika omu na omaupyakadhi ogendji noonkondo, ngashi oluhepo, iita yopaukwamuhoko nomayooloko pokati komaitaalo.Kuyele omwedhi nguka, Gaddafi okwa li a kundathana oshinima shika nOmupresidende gwa Zimbabwe Robert Mugabe na iilongo yilwe yaAfrika oya li ya yambidhidha osheetwapo shika.Aayambidhidhi yosheetwapo shika otaya ti kutya ngele Afrika okwa kala e na Epangelo limwe, shika otashi ka nkondopaleka Afrika moonkundathana dhopaigwana dhi na sha nomapindikathano nosho wo miinima yilwe ya simana muuyuni.Nampa-ReutersOsheetwapo kutya Afrika na kale e na Epangelo limwe otashi ka kundathanwa poshigongi shaaleli yiilongo yaAfrika shoka tashi ka kala ko momasiku 1 gomwedhi tu uka mu Accra, Ghana.Gaddafi okwa ti poshigongi shika, otaya ka ya muule kombinga yosheetwapo shika.”Mboka mwa fa inamu shi hala, ziimo mondjila yetu,” Gaddafi ta popi ngaaka.Oomvula odhindji dha piti po, Gaddafi okwa kala nokuyambidhidha edhiladhilo kutya iilongo yaAfrika nayi ye kumwe e tayi kala ashike hayi ithanwa Iigwana yaAfrika ya hangana.Edhiladhilo ndika olya etwa po tango ku nakusa Kwame Nkrumah, ngoka a li nale Omupresidende gwa Ghana.Nande ongaaka, aantu yamwe oya li ye wete kutya otashi ka kala oshidhigu okuninga Afrika oshilongo shimwe, molwashoka mEnenevi ndika omu na omaupyakadhi ogendji noonkondo, ngashi oluhepo, iita yopaukwamuhoko nomayooloko pokati komaitaalo.Kuyele omwedhi nguka, Gaddafi okwa li a kundathana oshinima shika nOmupresidende gwa Zimbabwe Robert Mugabe na iilongo yilwe yaAfrika oya li ya yambidhidha osheetwapo shika.Aayambidhidhi yosheetwapo shika otaya ti kutya ngele Afrika okwa kala e na Epangelo limwe, shika otashi ka nkondopaleka Afrika moonkundathana dhopaigwana dhi na sha nomapindikathano nosho wo miinima yilwe ya simana muuyuni.Nampa-Reuters