Aanafaalama ya Mangetti otaya ka mona Epangelo molwomusinda omutiligane

A ANAFAALAMA ya Mangetti oya ithanwa kUuministeli wOmavi nOmatulululo kOvenduka ya kakundatnhane nEpangelo oshinima shoka shomusinda omutiligane.

Oshigongi shawo shoka nEpangelo, ano nUuministeli wOmavi noshowo mboka wUunamapya nUuniimuna, Omeya nIihwa, tashi vulika wo naamboka wo wOmidhingoloko nowIipindi nIikwafaambulika, mwa kwatelwa nElelo lyoshilongo shOndonga, otaku tiwa kutya otashi ka kala ko meti 18 Juni 2007, mOvenduka moka. Aanafaalama mbaka ya Mangetti oya li nee ya ningi oshigongi shawo mOlyomakaya ga zi ko pOluno mOndangwa noya kundathana ehiyo lyawo ndika.Taya ti kutya oye li pandula noonkondo.Oshigongi osha li mewiliko lyashimwe shomiilyo iikuluntu yEhangano lyAanafaalama ya Mangetti tate Thomas Ndiwakalunga nomupopi omunene okwa li Omunashipundi gwEhangano ndika tate Ismael Shailemo.Eithano ndika olya taambiwa ko kaanafalama ayehe.Taya ti kutya Epangelo otali ningi nawa sho lyi ilongekidha okukundathana oshikumungu shomusinda omutiligane naanafalama yokoNooli yoshilongo mboka ye li taya hepekwa noonkondo komusinda nguka omutiligane.Epangelo olya ninga nale etokolo momumvo 2001 kutya muule woomvula omulongo otali ka kala lya lundululila omusinda omutiligane kongamba ya Namibia na Angola.Nande ongawo, Aanafaalama ya Mangetti oye uvite kutya oshinima shoka oshiwanawa shili ashike nee otashi ka kwata ethimbo ele niilonga wo oyindji lela.Oye wete kutya otashi ka kala oshiwanawa noshoopala, omahala gomauluthilo ngashi ndjoka lya Mangetti, lyUuvudhiya kombuga yUukwambi nosho wo ndjoka lyOmutambagwomawe kOngandjera ga tulwe moondhalate noga hokololwe omahala ge li momusinda omutiligane ngashi oofaalama dhomuushimba, manga ngaa Epangelo tali yi komeho nedhilaadhilo lyalyo enene lwokweengenitha omusinda omutiligane kongamba ya Angola na Namibia, uuna sha vula okuningwa.”Otu uvite ombili.Tu yeni tu ka kundathaneni nEpangelo moshinima shika noku li lombwela ompumbwe nehalo lyetu moshinima shika shomusinda omutiligane, “Aanafaalama taya ti ngawo nokuhogolola Okakomitiye ka thikama maantu yeli ya heyali.Ano kathikama mOmunashipundi gwEhangano lyAanafaalama tate Ismael Shailemo, tate Thomas Ndiwakalunga, meme Priskila Nashandi, Omusita Hosea Namupala, tate Abednego Nghifikwa, tate Martin Haikali noshowo tate Petrus Shipepe.Aanafaalama mbaka ya Mangettin oyiitula mo unene moshinima shika shomusinda omutiligane noye uvite lela kutya oofaalama dhawo kiitopolwa yomaulithilo ya tumbula metetekelo inadhi kala we dha patelwa pondje.Oya hala ya lithe noya landithe iimuna yawo, unene tuu oongombe nonyama yadho kOomaaketa hoka haku landithwa kaanafaalama yakwawo yomuushimba.Epatelopondje lyoongombe dhaanafaalama yokoNooli, oshe yile mpoka kutya aniwa oongombe dhomIitopolwa moka, ano ngashi Okunene, Omusati, Oshana, Ohangwena, Oshikoto ombinga yimwe, Okavango nOkaprivi, odhi na omukithi gwekondo nelaka nonyama yadho itayi vulu okulandithwa po muushimba nenge pondje yoshilongo.Omvula kehe, Epangelo olya kala tali longitha Oodola dha Namibia Oomiliona heyali (7million) okuwenda oongombe dhomiitopolwa mbyoka nopethimbo lya zi ko okwa tseyithilwe kutya omukithi ngoka moongombe ndhoka kagu mo we.Ashike nee molwashoka oongombe ndhomiitopolwa moka, ohadhi yi aluhe mekwatathano naandhoka dhoku Angola, hoka kaku wendwa, ohashi eta aluhe omaipulo nomalimbililo kutya pamwe oongombe dhaanafaalma mbaka, nonando dha li dha wendwa, dha kwatwa ishewe komukithi ngoka.Aanafaalama yokOmangetti oye uvite kutya oongombe dhawo odha wendwa nawa na kadhi na we omukithi ngoka.Nadhi tulwe ashike meni lyomusinda omutiligane ngashi ndhoka dhokuushimba, ndele ooyene yadho taya vulu oku dhi landitha po nonyama yadho muushimba nopondje yoshilongo.Palopota yomomumvo 2006, okwa monikile kutya mIitopolwa moka omu na oongombe Omiliona yimwe oshinkwanu ndatu.Ano oongombe omiliona yimwe nomayovi gomathele gatatu lwaampoka.Oshigongi shaanafaalama shika osha li wo sha kundathana iinima yimwe ya pamba oshitopolwa shawo sha Mangetti, shUuvudhiya noshOmutambagwomawe, unene tuu kombinga yonkalo yomagumbo gomiti kiitopolwa hoka, ya li ashike ya nuninwa omaulithilo Taya ti kutya mboka ye na ko omagumbo gomiti naye ga kuthe ko meendelelo opo iitopolwa mbyoka yi kale ashike yomaulithilo.Taya indile kOmalelo gOpamuthigululwakalo ge ya kwathele moshinima shika.Aanafaalama oya indile wo kEwilikonbgundu lyawo, li kale aluhe hali eta puuyelele Olopota yElongitho lyIimaliwa.Kutya omweya ingapi na omwalongithwa shi thike peni.Omunashipundi gwEhangano lyAanafaalama omusamane Shailemo okwa uvanekele aanafaalama mbaka kutya shoka osho naanaa shi na okuningwa notashi kala aluhe hashi ningwa.Ta ti tate Moses Awala, oye omudhiginini gwIiniwe yEhangano, na otaka longekidha po Omushangwahokololo ngoka gu na sha nIimaliwa yEhangano nogu etwe kiilyo yi gu tale noku gu kundathana.Shailemo ta lombwele Aanafaalama kaya kwatwe kokafekela kutya pamwe iilyo yEwilikongundu otayi li po iimaliwa.”Shoka hasho nande, na nnandi mu lombwele kutya ngashi tatu uhala tatu ende ngeyi oomaliwa yomahooli otatu yi kutha ashike moondjato dhetu yene,” Shailemo ta ti nokuyelekela aanafaalama ye ngawo.Aanafaalama mbaka ya Mangetti oya li nee ya ningi oshigongi shawo mOlyomakaya ga zi ko pOluno mOndangwa noya kundathana ehiyo lyawo ndika.Taya ti kutya oye li pandula noonkondo.Oshigongi osha li mewiliko lyashimwe shomiilyo iikuluntu yEhangano lyAanafaalama ya Mangetti tate Thomas Ndiwakalunga nomupopi omunene okwa li Omunashipundi gwEhangano ndika tate Ismael Shailemo.Eithano ndika olya taambiwa ko kaanafalama ayehe.Taya ti kutya Epangelo otali ningi nawa sho lyi ilongekidha okukundathana oshikumungu shomusinda omutiligane naanafalama yokoNooli yoshilongo mboka ye li taya hepekwa noonkondo komusinda nguka omutiligane.Epangelo olya ninga nale etokolo momumvo 2001 kutya muule woomvula omulongo otali ka kala lya lundululila omusinda omutiligane kongamba ya Namibia na Angola.Nande ongawo, Aanafaalama ya Mangetti oye uvite kutya oshinima shoka oshiwanawa shili ashike nee otashi ka kwata ethimbo ele niilonga wo oyindji lela.Oye wete kutya otashi ka kala oshiwanawa noshoopala, omahala gomauluthilo ngashi ndjoka lya Mangetti, lyUuvudhiya kombuga yUukwambi nosho wo ndjoka lyOmutambagwomawe kOngandjera ga tulwe moondhalate noga hokololwe omahala ge li momusinda omutiligane ngashi oofaalama dhomuushimba, manga ngaa Epangelo tali yi komeho nedhilaadhilo lyalyo enene lwokweengenitha omusinda omutiligane kongamba ya Angola na Namibia, uuna sha vula okuningwa.”Otu uvite ombili.Tu yeni tu ka kundathaneni nEpangelo moshinima shika noku li lombwela ompumbwe nehalo lyetu moshinima shika shomusinda omutiligane, “Aanafaalama taya ti ngawo nokuhogolola Okakomitiye ka thikama maantu yeli ya heyali.Ano kathikama mOmunashipundi gwEhangano lyAanafaalama tate Ismael Shailemo, tate Thomas Ndiwakalunga, meme Priskila Nashandi, Omusita Hosea Namupala, tate Abednego Nghifikwa, tate Martin Haikali noshowo tate Petrus Shipepe.Aanafaalama mbaka ya Mangettin oyiitula mo unene moshinima shika shomusinda omutiligane noye uvite lela kutya oofaalama dhawo kiitopolwa yomaulithilo ya tumbula metetekelo inadhi kala we dha patelwa pondje.Oya hala ya lithe noya landithe iimuna yawo, unene tuu oongombe nonyama yadho kOomaaketa hoka haku landithwa kaanafaalama yakwawo yomuushimba.Epatelopondje lyoongombe dhaanafaalama yokoNooli, oshe yile mpoka kutya aniwa oongombe dhomIitopolwa moka, ano ngashi Okunene, Omusati, Oshana, Ohangwena, Oshikoto ombinga yimwe, Okavango nOkaprivi, odhi na omukithi gwekondo nelaka nonyama yadho itayi vulu okulandithwa po muushimba nenge pondje yoshilongo.Omvula kehe, Epangelo olya kala tali longitha Oodola dha Namibia Oomiliona heyali (7million) okuwenda oongombe dhomiitopolwa mbyoka nopethimbo lya zi ko okwa tseyithilwe kutya omukithi ngoka moongombe ndhoka kagu mo we.Ashike nee molwashoka oongombe ndhomiitopolwa moka, ohadhi yi aluhe mekwatathano naandhoka dhoku Angola, hoka kaku wendwa, ohashi eta aluhe omaipulo nomalimbililo kutya pamwe oongombe dhaanafaalma mbaka, nonando dha li dha wendwa, dha kwatwa ishewe komukithi ngoka.Aanafaalama yokOmangetti oye uvite kutya oongombe dhawo odha wendwa nawa na kadhi na we omukithi ngoka.Nadhi tulwe ashike meni lyomusinda omutiligane ngashi ndhoka dhokuushimba, ndele ooyene yadho taya vulu oku dhi landitha po nonyama yadho muushimba nopondje yoshilongo.Palopota yomomumvo 2006, okwa monikile kutya mIitopolwa moka omu na oongombe Omiliona yimwe oshinkwanu ndatu.Ano oongombe omiliona yimwe nomayovi gomathele gatatu lwaampoka.Oshigongi shaanafaalama shika osha li wo sha kundathana iinima yimwe ya pamba oshitopolwa shawo sha Mangetti, shUuvudhiya noshOmutambagwomawe, unene tuu kombinga yonkalo yomagumbo gomiti kiitopolwa hoka, ya li ashike ya nuninwa omaulithilo Taya ti kutya mboka ye na ko omagumbo gomiti naye ga kuthe ko meendelelo opo iitopolwa mbyoka yi kale ashike yomaulithilo.Taya indile kOmalelo gOpamuthigululwakalo ge ya kwathele moshinima shika.Aanafaalama oya indile wo kEwilikonbgundu lyawo, li kale aluhe hali eta puuyelele Olopota yElongitho lyIimaliwa.Kutya omweya ingapi na omwalongithwa shi thike peni.Omunashipundi gwEhangano lyAanafaalama omusamane Shailemo okwa uvanekele aanafaalama mbaka kutya shoka osho naanaa shi na okuningwa notashi kala aluhe hashi ningwa.Ta ti tate Moses Awala, oye omudhiginini gwIiniwe yEhangano, na otaka longekidha po Omushangwahokololo ngoka gu na sha nIimaliwa yEhangano nogu etwe kiilyo yi gu tale noku gu kundathana.Shailemo ta lombwele Aanafaalama kaya kwatwe kokafekela kutya pamwe iilyo yEwilikongundu otayi li po iimaliwa.”Shoka hasho nande, na nnandi mu lombwele kutya ngashi tatu uhala tatu ende ngeyi oomaliwa yomahooli otatu yi kutha ashike moondjato dhetu yene,” Shailemo ta ti nokuyelekela aanafaalama ye ngawo.