Ye li 150 moshitopolwa sha Shikoto otaya ka mona ko ishewe, Dr Dume ta ti

poNANDJOKWE O NGUNDU onene noya kola yOondohotola dhomeho, tayi wilikwa kOmundohotola gwa Namibia a pyokoka nawa mokupanga nokutanda omeho, Dr Helena Dume, Omaandaha ga zi ko oyi iteyele mOshipangelo sha Nandjokwe moka muule woshiwike shika ya kala tayi tanda ko oongala koomoni dhomeho gaakalimo ye li 150 lwaampoka noku ya tula ishewe monkalo yokumona ko.

Kakele kOmundohotola Dume nayakwawo yalwe yAanamibia, mongundu yawo, omu na Oondohotola ndatu dha pyokoka mokupanga nokutanda omeho dha za ko Amerika, na odho nee Dr Need Kindermann (New jersey-USA), Dr Jim Allen (Minnnesota -USA) and Dr Ronald Reed (Rochester-USA). Oondohotola ndhika odhe ya wo pamwe nOoefolo yadho.Gumwe gwomOondohotola oonkuluntu mOshipangelo sha Nandjokwe Omundohotola Petrov Igor oye ta pongolola etando ndika mOshiopangelo moka.Etulomiilonga lyoshikonga shika shokutanda omeho, taku tiwa kutya oshitine okuza sho etando lyomeho lya tamekele mo Namibia lwomomumvo 1996 lwaamoka, Gavena yOshitopowla sha Shikoto, Penda Ndakolo, pashipopiwa she shoka sha leshwa pehala lye ku Kaansela gwoshikandjohogololo sha Niipa tate John Shiindi, okwa pandula Dr Dume nongundu ye yoondohotola dha pyokoka mokutanda nokupanga omeho, unene tuu ndhoka dha zi ko Amerika nodhe ya okukwatha paiyambo okumonekitha ko ishewe oshigwana sha Namibia shoka sha li sha tsika kwali omolu oongala dhayi koomoni dhomeho gasho.Ndakolo ta ti kutya okuza tuu sho oshikonga shetando lyomeho sha tameke momumvgo 1996, moshilongo ashihe, Aanamibia ye li 3,958 oya tandwa omeho nokumonikithwa ko ishewe.”Shika oshinima oshinene nosha simana koshigwana sha Namibia ashihe noshi shi nee okupandulilwa Dr Dume nongundu ye noonkondo,” Ndakolo ta ti popi.Ta ti, kakele kEhangano ndika lyedhina Eye Expendition International, oku shi wo okupandulwa Omahangano ngashi Global Eye Care Incorporated , Lions Club International, Raleigh International naandjoka lyOmushigakano Omutiligane lya Namibia ndjoka lya tumu aaiyambi yalyo opo yee ya kwathele Oondohotola nAapangi mEtando lyatya ngeyi.Ndakolo ta ti kutya Uuministeli wUuhaku wa Namibia onkee tau ka tsikila nokulongekidha po iikonga yatya ngeyi nOondohotola mboka nee ya hala okukutha ombinga miikonga mbika, kutya oyomeni nenge oyopondje yoshilongo, otaya tambiwa ko nomaako gaali ya longe po oshilonga shoka nokugandja ngeyi eyakulo enenenene koshigwana sha Namibia.Ta indile kaagundjuka, ya kwathele aakulupe momagumbo moka noku ya lopota kIipangelo nokuuklinika kutya kaye wete ko oya pumbwa okumonikithwa ko ishewe, opo ya kwathelwe.Dr Dume okwa pandula noonkondo Oondohotola, Aapangi nEwiliko alihe lyoshipangelo sha Nandjokwe sho ye ya taamba ko nawa noye ya longekidhila ayihe nawa noku yi tula pomahala.Te ya indile ye kiitopolele ngaa nawa oshitandelo, opo oonakutandwa komeho mboka ye li 150 ya kale ya pwa okutandwa muule woshiwike shika.Omundohotola Need Kindermann, ngoka gumwe gwomOondohotola dha zi koAmerika, okwa pandula sho ya taambiwa ko nawa kAanandjokwe nokEpangelo lya Namibia.Ta uvaneke kutya otaya ka longa neitulomo, nohole nonesimaneko enene, opo mboka taya ka tandwa kuyo ya vule ishewe okumona ko noya kale sha natango moshigwana.Dr Dume okwa ti kutya etando ndika nuumvo oye li tameka koRundu kOkavango nokuya nee ngeyi kOnandjokwe.Ta ti mu Auguste oye li mOshipangelo shEpangelo sha Shakati moka aanuuvu yomeho yomOshitopolwa sha Shana nosha Musati taya ka tandwa omeho nokumonikithwa ko ishewe, omanga mu Septemba taya ka kala kEngela mOshitopolwa sha Hangwena.Etulomiilonga lyOshikonga shika olya li lya wilikwa kOmusita Julius Mutuleni noku egululwa negalikano kOmudiakoni meme Emilia Nangolo.Ombelewa onene yUuhaku mOshitopolwa sha Shikoto, oya li ya kalelwa po kOmunambelewa gumwe Omukuluntu moka tate Jeremia Nghipundjwa, ngoka a li a etelele omakumbatha ge li 14 gokukwathela aanuuvu yomeho mboka tashi vulika ye ya kaye na omakumbatha koshipangelo hoka.Tate Nghipundjwa ta ti kutya omakumbatha ngoka 14 oye ga pewa omagano kOmbaanga yOtango yOpashigwana (FNB) ya Shomeya.gumwe gwomoonakutandwa komeho Josephina Nghaalukako gwokOneleiwa kOukwanyama, okwa ti kutya okw apandula eyakulo lyatya ngawo nokwiinekela kutya okuza mpaka otaka mona ko ishewe nawa nokulonga iilonga ye nawa.Oondohotola ndhika odhe ya wo pamwe nOoefolo yadho.Gumwe gwomOondohotola oonkuluntu mOshipangelo sha Nandjokwe Omundohotola Petrov Igor oye ta pongolola etando ndika mOshiopangelo moka.Etulomiilonga lyoshikonga shika shokutanda omeho, taku tiwa kutya oshitine okuza sho etando lyomeho lya tamekele mo Namibia lwomomumvo 1996 lwaamoka, Gavena yOshitopowla sha Shikoto, Penda Ndakolo, pashipopiwa she shoka sha leshwa pehala lye ku Kaansela gwoshikandjohogololo sha Niipa tate John Shiindi, okwa pandula Dr Dume nongundu ye yoondohotola dha pyokoka mokutanda nokupanga omeho, unene tuu ndhoka dha zi ko Amerika nodhe ya okukwatha paiyambo okumonekitha ko ishewe oshigwana sha Namibia shoka sha li sha tsika kwali omolu oongala dhayi koomoni dhomeho gasho.Ndakolo ta ti kutya okuza tuu sho oshikonga shetando lyomeho sha tameke momumvgo 1996, moshilongo ashihe, Aanamibia ye li 3,958 oya tandwa omeho nokumonikithwa ko ishewe.”Shika oshinima oshinene nosha simana koshigwana sha Namibia ashihe noshi shi nee okupandulilwa Dr Dume nongundu ye noonkondo,” Ndakolo ta ti popi.Ta ti, kakele kEhangano ndika lyedhina Eye Expendition International, oku shi wo okupandulwa Omahangano ngashi Global Eye Care Incorporated , Lions Club International, Raleigh International naandjoka lyOmushigakano Omutiligane lya Namibia ndjoka lya tumu aaiyambi yalyo opo yee ya kwathele Oondohotola nAapangi mEtando lyatya ngeyi.Ndakolo ta ti kutya Uuministeli wUuhaku wa Namibia onkee tau ka tsikila nokulongekidha po iikonga yatya ngeyi nOondohotola mboka nee ya hala okukutha ombinga miikonga mbika, kutya oyomeni nenge oyopondje yoshilongo, otaya tambiwa ko nomaako gaali ya longe po oshilonga shoka nokugandja ngeyi eyakulo enenenene koshigwana sha Namibia.Ta indile kaagundjuka, ya kwathele aakulupe momagumbo moka noku ya lopota kIipangelo nokuuklinika kutya kaye wete ko oya pumbwa okumonikithwa ko ishewe, opo ya kwathelwe.Dr Dume okwa pandula noonkondo Oondohotola, Aapangi nEwiliko alihe lyoshipangelo sha Nandjokwe sho ye ya taamba ko nawa noye ya longekidhila ayihe nawa noku yi tula pomahala.Te ya indile ye kiitopolele ngaa nawa oshitandelo, opo oonakutandwa komeho mboka ye li 150 ya kale ya pwa okutandwa muule woshiwike shika.Omundohotola Need Kindermann, ngoka gumwe gwomOondohotola dha zi koAmerika, okwa pandula sho ya taambiwa ko nawa kAanandjokwe nokEpangelo lya Namibia.Ta uvaneke kutya otaya ka longa neitulomo, nohole nonesimaneko enene, opo mboka taya ka tandwa kuyo ya vule ishewe okumona ko noya kale sha natango moshigwana.Dr Dume okwa ti kutya etando ndika nuumvo oye li tameka koRundu kOkavango nokuya nee ngeyi kOnandjokwe.Ta ti mu Auguste oye li mOshipangelo shEpangelo sha Shakati moka aanuuvu yomeho yomOshitopolwa sha Shana nosha Musati taya ka tandwa omeho nokumonikithwa ko ishewe, omanga mu Septemba taya ka kala kEngela mOshitopolwa sha Hangwena.Etulomiilonga lyOshikonga shika olya li lya wilikwa kOmusita Julius Mutuleni noku egululwa negalikano kOmudiakoni meme Emilia Nangolo.Ombelewa onene yUuhaku mOshitopolwa sha Shikoto, oya li ya kalelwa po kOmunambelewa gumwe Omukuluntu moka tate Jeremia Nghipundjwa, ngoka a li a etelele omakumbatha ge li 14 gokukwathela aanuuvu yomeho mboka tashi vulika ye ya kaye na omakumbatha koshipangelo hoka.Tate Nghipundjwa ta ti kutya omakumbatha ngoka 14 oye ga pewa omagano kOmbaanga yOtango yOpashigwana (FNB) ya Shomeya.gumwe gwomoonakutandwa komeho Josephina Nghaalukako gwokOneleiwa kOukwanyama, okwa ti kutya okw apandula eyakulo lyatya ngawo nokwiinekela kutya okuza mpaka otaka mona ko ishewe nawa nokulonga iilonga ye nawa.