Ekanka lyaaniilonga po Rosh Pinah lya hula

E KANKA lyomasiku 18 ndyoka lya ningwa kaaniilonga pOmina ya Axarro Rosh Pinah olya hulu mEtitatu lyoshiwike sha zi ko, konima sho Ewilikongundu lyOmina nehangano lyaaniilonga ya adha etsokumweuvathano kombinga yomuniilonga gumwe ngoka a li a tidhwa miilonga.

Ihe Amushanga-Ndjayi gwehangano lyaaniilonga mOomina mu Namibia nenge Mineworkers Union of Namibia (MUN) okwa lombwele The Namibian kutya ehangano lyawo nEwilikongundu lyOmina natango inaya shaina etsokumweuvathano Bro Joseph Hengari okwa ti oopulanda dhEwilikongundu lyOmina okuhenuka etsokumweuvathano lya ningwa mEtiyali, otayi kateke okwaadha euvathano lyothaathaa. “Osheetwapo sha etwa po kaanaveta yawo mboka ye ya moshilongo okuza ko South Afrika, olya yooloka thilu kwaashoka sha uvuthanwa mEtiyali lya zi ko na shika otashi ka piyaganeka onkalo, ngele ina shi opalekwa,” Hengari ta popi ngaaka oshiwike sha zi ko.Hengari okwa ti Ewilikongundu lyOmina okwa li kwa tegelelwa li kale lya kuutumba komatango gEtitatu, konima sho ehangano lyawo lya tindi okushaina oondokumende dhetsokumweuvathano ndyoka lya etwa po kaanaveta yOkompani.Metiyali (mEtiyali lya zi ko), Ewiliko lyOmina na MUN oya tsu kumwe kutya omuniilonga ngoka a tidhwa miilonga mOmina ndjika, Petrus Amakali (e li Omukalelipo gwa MUN) na shunwe miilonga, ihe oku na manga okukala e li pevi sigo omukonakono ga manguluka ngoka taga ningwa miinima mbyoka a lopotelwa, taga pu.MUN okwa li wo a zimine okushunitha mo eindilo lye kutya Menindjela gwa kwalukehe gwOkampani ndjika, Christo Aspeling, na kuthwe miilonga – ihe shika ote shi ningi ngele aaniilonga ayehe mboka ya kutha ombinga mekanka inaya ningilwa sha nosho wo ngele oya futwa oondjambi dhawo dha gwana po.Aaniilonga mbaka oya ningi ekanka iiwike iyali ya piti po, konima sho Amakali a tidhwa miilonga.Ota ku popiwa kutya Amakali okwa tidhwa sho a lopotelwa edhino lyaahona, okutsitsimika aaniilonga ooyakwawo nomolwa sho aniwa a li e na omwele gopamuthigululwakalo pehala lyiilonga.”Osheetwapo sha etwa po kaanaveta yawo mboka ye ya moshilongo okuza ko South Afrika, olya yooloka thilu kwaashoka sha uvuthanwa mEtiyali lya zi ko na shika otashi ka piyaganeka onkalo, ngele ina shi opalekwa,” Hengari ta popi ngaaka oshiwike sha zi ko.Hengari okwa ti Ewilikongundu lyOmina okwa li kwa tegelelwa li kale lya kuutumba komatango gEtitatu, konima sho ehangano lyawo lya tindi okushaina oondokumende dhetsokumweuvathano ndyoka lya etwa po kaanaveta yOkompani.Metiyali (mEtiyali lya zi ko), Ewiliko lyOmina na MUN oya tsu kumwe kutya omuniilonga ngoka a tidhwa miilonga mOmina ndjika, Petrus Amakali (e li Omukalelipo gwa MUN) na shunwe miilonga, ihe oku na manga okukala e li pevi sigo omukonakono ga manguluka ngoka taga ningwa miinima mbyoka a lopotelwa, taga pu.MUN okwa li wo a zimine okushunitha mo eindilo lye kutya Menindjela gwa kwalukehe gwOkampani ndjika, Christo Aspeling, na kuthwe miilonga – ihe shika ote shi ningi ngele aaniilonga ayehe mboka ya kutha ombinga mekanka inaya ningilwa sha nosho wo ngele oya futwa oondjambi dhawo dha gwana po.Aaniilonga mbaka oya ningi ekanka iiwike iyali ya piti po, konima sho Amakali a tidhwa miilonga.Ota ku popiwa kutya Amakali okwa tidhwa sho a lopotelwa edhino lyaahona, okutsitsimika aaniilonga ooyakwawo nomolwa sho aniwa a li e na omwele gopamuthigululwakalo pehala lyiilonga.