Oonakufekelwa edhipago moDorado ya holoka ishewe mOmpangu

A AGUNDJUKA yaheyali yomolukanda lwa Dorado Park mOvenduka mboka taya tamanekelwa edhipago lyomukwiita gwEtanga lyEgameno ngoka pethimbo lyedhipago olye mu Juni nuumvo ka li miilonga, oya holoka ishewe mOmpangu ya Mengestrata noshipotha shawo osha tsilikwa omasiku ga zi ko.

Pethimbo taya ka holoka mOmpangu ndjika otaya ka pulwa ya zimine egolo lyawo moshipotha shoka taya tamanekelwa, osho ya li ya tseyithilwa ngaaka pethimbo ya holoka komeho ga Mengestrata Cosmos Endjala mOmpangu ya Mengestrata mu Katutura mOvenduka. Otaya tamanekelwa oshipotha shedhipago lyoshilyo shEtanga lyEgameno Shipandeni Kanyemba gwomimvo 31 ngoka a adhipagelwa molukanda lwa Dorado Park uusiku weti 15 Juni 2007.Kanyemba nomumwayinamati oya li aniwa taya ende mEpandaanda lya Victoria pethimbo ya ponokelwa kongundu yaakolokoshi mboka.Omumwayinamati gwa Kanyemba okweshi pondola okufadhuka po noku ka hupitha omwenyo gwe.Otaku popiwa kutya okwa dhengwa nomamanya, ta dhengwa wo noshitenda shoka tashi vulika shi na oongenge dha tsa.Kanyemba okwa tetwa momutse nesipa lyomutse olya adhika lya tenda konima yokudhengwa pethimbo lyeponokelo ndika.Okwa si kuuwehame weponokelo ndika.Aniwa oonakumuponokela oye mu yugu oselula ye konima sho ye mu dhenge ngaaka.Yane yomoonakutamanekelwa oshipotha shika, uunona wu li kohi yomimvo omulongo nahetatu (kamwe komuyo oke na nokuli oomvula 14 omanga uukwawo utatu wu na oomvula 17).Aafekelwa yalwe oyo nee omunamimvo 21 Je-Andre Reuxve du Plessis, Quinton Collin Martin gwomimvo 19 na Morne Buys gwomimvo 18.Aafekelwa ayehe mboka ohaya kala nenge tutye aakalimo yomolukanda lwa Dorado Park mOvenduka.Uunona une mboka oomvula dhawo inadhi thika natango pomulongo nahetatu, oya li ya mangululwa nokutulwa metonatelo lyaakuluntu yawo momsiku 29 ga Juni, esiku owala limwe konima sho ya li ya dhitikwa.Yakwawo mbeyaka, oya li ya mangululwa konima sho pewa obooloha yoondola eyovi (N$1 000) mukehe momasiku 3 Juli.Otaya tamanekelwa oshipotha shedhipago lyoshilyo shEtanga lyEgameno Shipandeni Kanyemba gwomimvo 31 ngoka a adhipagelwa molukanda lwa Dorado Park uusiku weti 15 Juni 2007.Kanyemba nomumwayinamati oya li aniwa taya ende mEpandaanda lya Victoria pethimbo ya ponokelwa kongundu yaakolokoshi mboka.Omumwayinamati gwa Kanyemba okweshi pondola okufadhuka po noku ka hupitha omwenyo gwe.Otaku popiwa kutya okwa dhengwa nomamanya, ta dhengwa wo noshitenda shoka tashi vulika shi na oongenge dha tsa.Kanyemba okwa tetwa momutse nesipa lyomutse olya adhika lya tenda konima yokudhengwa pethimbo lyeponokelo ndika.Okwa si kuuwehame weponokelo ndika.Aniwa oonakumuponokela oye mu yugu oselula ye konima sho ye mu dhenge ngaaka.Yane yomoonakutamanekelwa oshipotha shika, uunona wu li kohi yomimvo omulongo nahetatu (kamwe komuyo oke na nokuli oomvula 14 omanga uukwawo utatu wu na oomvula 17).Aafekelwa yalwe oyo nee omunamimvo 21 Je-Andre Reuxve du Plessis, Quinton Collin Martin gwomimvo 19 na Morne Buys gwomimvo 18.Aafekelwa ayehe mboka ohaya kala nenge tutye aakalimo yomolukanda lwa Dorado Park mOvenduka.Uunona une mboka oomvula dhawo inadhi thika natango pomulongo nahetatu, oya li ya mangululwa nokutulwa metonatelo lyaakuluntu yawo momsiku 29 ga Juni, esiku owala limwe konima sho ya li ya dhitikwa.Yakwawo mbeyaka, oya li ya mangululwa konima sho pewa obooloha yoondola eyovi (N$1 000) mukehe momasiku 3 Juli.