Elunduluko monkalo yombepo otali monikila unene momvula ndjoka ihayi loko we nawa

O NKALO yombepo oya lunduluka shili? Osho shili kutya ngashiingeyi onkalo yombepo oya popyala unene yi vule omathimbo ga zi ko.

Pauntshitwe, onkalo yombepo ohayi lunduluka. Ano omolwashike ngashiingeyi uuyuni we yi ikwata? Aanongononi yamwe otaya popi kutya elunduluko monkalo yombepo olya monika nale okupitila momalunduluko ogendji muuntshitwe.Otaku popiwa iikukuta yoomvula odhindji mbyoka ya kala nokudhenga Namibia nengushuluko lyevi, oye etwa kelunduluko monkalo yombepo.Omusamane Michael Heita, e li omupopiliko gwElelo lyopamuthigululwakalo lyUukwanyama, okwa ti ye okwe shi itaala ko kutya elunduluko monkalo yombepo olyoshili.Heita okwa ti oomvula odhindji dha piti po mOnooli, pethimbo lyokufu okwa li haku kala uutalala wa kindja noonkondo, ihe ngashiingeyi ihaku kala we kwa talala unene.”Shika otashi ulike kutya ngashiingeyi mewangandjo omwa popyala shi vulithe oomvula dhonale,” Heita ta popi ngaaka.Nande ongaaka, omusamane Keith Wearne gwehangano li na sha negameno lyomudhingoloko gwokomukulufuto gwa Namibia lyedhina Coastal Environment Trust of Namibia okwa ti ye ina mona natango omalunduluko gasha muuntshitwe, ngoka ta vulu okutya oga etwa kelunduluko monkalo yombepo.Wearne okwa ti ye okwa li a mono kutya uudhila umwe wokomukulufuta owa li wa thigi po ehala mpoka wa li hau kala oundji noonkondo, ihe shika owe shi ningi molwashoka popepi naampoka wa li hau kala opwa tungwa omatungo.Vilho Hamunyela – gumwe gwomaanafaalama yAawambo mboka ya li ya tidhwa moshitopolwa shUukwangali, naye okwa popi kutya onkalo yombepo oya lunduluka.Ta ti, shika otashi monikila momvula ndjoka ya ninga ontshona mu Namibia moomvula dhongashiingeyi.”Oomvula dhonale, omvula oya li hayi loko noonkondo,” Hamunyela ta popi.Hamunyela ota popi wo kutya etetopo lyomiti kaakwashigwana, nasho osha eta omvula yi kale itayi loko we nawa, “molwashoka omiti ohadhi eta omvula,” ta tsikile ko ngaaka.Omusamane Albi Bruckner gwa NamibRand Nature Reserve (shi li kuumbugantu wa Sossusvlei) naye okwa ti ye oshinima shoka ta vulu okutya oshi li omandhindhiliko gelunduluko monkalo yombepo, omvula ndjoka ihayi loko we nawa mu Namibia pethimbo ndika nosho wo moshitopolwa shetu.Ano omolwashike ngashiingeyi uuyuni we yi ikwata? Aanongononi yamwe otaya popi kutya elunduluko monkalo yombepo olya monika nale okupitila momalunduluko ogendji muuntshitwe.Otaku popiwa iikukuta yoomvula odhindji mbyoka ya kala nokudhenga Namibia nengushuluko lyevi, oye etwa kelunduluko monkalo yombepo.Omusamane Michael Heita, e li omupopiliko gwElelo lyopamuthigululwakalo lyUukwanyama, okwa ti ye okwe shi itaala ko kutya elunduluko monkalo yombepo olyoshili.Heita okwa ti oomvula odhindji dha piti po mOnooli, pethimbo lyokufu okwa li haku kala uutalala wa kindja noonkondo, ihe ngashiingeyi ihaku kala we kwa talala unene.”Shika otashi ulike kutya ngashiingeyi mewangandjo omwa popyala shi vulithe oomvula dhonale,” Heita ta popi ngaaka.Nande ongaaka, omusamane Keith Wearne gwehangano li na sha negameno lyomudhingoloko gwokomukulufuto gwa Namibia lyedhina Coastal Environment Trust of Namibia okwa ti ye ina mona natango omalunduluko gasha muuntshitwe, ngoka ta vulu okutya oga etwa kelunduluko monkalo yombepo.Wearne okwa ti ye okwa li a mono kutya uudhila umwe wokomukulufuta owa li wa thigi po ehala mpoka wa li hau kala oundji noonkondo, ihe shika owe shi ningi molwashoka popepi naampoka wa li hau kala opwa tungwa omatungo.Vilho Hamunyela – gumwe gwomaanafaalama yAawambo mboka ya li ya tidhwa moshitopolwa shUukwangali, naye okwa popi kutya onkalo yombepo oya lunduluka.Ta ti, shika otashi monikila momvula ndjoka ya ninga ontshona mu Namibia moomvula dhongashiingeyi.”Oomvula dhonale, omvula oya li hayi loko noonkondo,” Hamunyela ta popi.Hamunyela ota popi wo kutya etetopo lyomiti kaakwashigwana, nasho osha eta omvula yi kale itayi loko we nawa, “molwashoka omiti ohadhi eta omvula,” ta tsikile ko ngaaka.Omusamane Albi Bruckner gwa NamibRand Nature Reserve (shi li kuumbugantu wa Sossusvlei) naye okwa ti ye oshinima shoka ta vulu okutya oshi li omandhindhiliko gelunduluko monkalo yombepo, omvula ndjoka ihayi loko we nawa mu Namibia pethimbo ndika nosho wo moshitopolwa shetu.