Pata Frans Houben a hulithila kOndoishi

P ATA Frans Houben, a tseyika wo nedhina Pata Kafula, okwa manena oondjenda dhe kOndoishi ongula onene yOmaandaha ngaka ga zi ko konima yuuwehame nomepipi lyoomvula dhi vulithe pomilongo hamano.

Etseyitho lyeso lye olya ningwa kOmumbiishofi Omukuluntu gwOngeleka ya Katoolika moNamibia Liborius Ndumbukuti Nashenda ongula yOmaandaha ga zi ko. Nakusa Pata Kafula, ngoka e yi le mo moNamibia petameko lyomimvo dhomilongoheyali okwa kala ethimbo ele ta longele pOkatana.Okwa longela wo ko Anamulenge kOmbalantu noshowo kOmagongalo galwe.Ta kala wo ta longele pOseminari yAamati mboka ya hala okuya kUupata po Pioneerspark mOvenduka.Pokati mpoka okwa li wo a ka longela kOndjiva ko Angola nokugalukila natango pOkatana.Omumbiishofi Omukuluntu gwOtango gwOngeleki ya Katoolika ka Roma moNamibia Bonifatius Haufiku sho a mana oondjenda dhe okwa ulikwa Omumbiishofi Ndumbukuti Nashenda a ninge Omumbiishofi Omukuluntu gwOngeleki ya Katoolika mo Namibia, pehala lya nakusa.Omukuluntumbiishofi Nashenda okwa ulike nakusa Pata Kafula a ninge Omukalelipo gwe kOvenduka.Pata Kafula nokwa yi nee kOvenduka ngawo.Pokati mpoka okwa hakukilwa komukithi ngoka gwa kala tagu mu fala niipangelo, meni nopondje yoshilongo.Sho a hulitha ngeyi, okwa adhika nee a shuna ishewe kOondohotola dhe kOndoishi.Kalunga ine shi pitika we a galukile koNamibia, okwa hulithile kOndoishi hoka.Omudiakoni gwOngeleka ya Katana, ano gwEgongalo lya Katana, tate Mauritius Niipare, okwa tseyitha kutya Pata Kafula ota ningilwa Oshituthidhimbuluko she omutenya gwonena pOkatana.Efumviko lye, ndyoka kwa talika tali ka ningilwa kOndoishi yawo hoka opo ngaa tali tseyithwa.Pata Kafula ye mwene okwa li a hala okusila moNamibia nokufumvikwa wo moNamibia.Oyendji yomAakwangeleka ya Katoolika ka Roma moNamibia nosho tuu, nayo osho ya li ya hala.Oshifo shetu otashi gandja omahekeleko koonakuthigwapo atuheni.Nakusa Pata Kafula, ngoka e yi le mo moNamibia petameko lyomimvo dhomilongoheyali okwa kala ethimbo ele ta longele pOkatana.Okwa longela wo ko Anamulenge kOmbalantu noshowo kOmagongalo galwe.Ta kala wo ta longele pOseminari yAamati mboka ya hala okuya kUupata po Pioneerspark mOvenduka.Pokati mpoka okwa li wo a ka longela kOndjiva ko Angola nokugalukila natango pOkatana.Omumbiishofi Omukuluntu gwOtango gwOngeleki ya Katoolika ka Roma moNamibia Bonifatius Haufiku sho a mana oondjenda dhe okwa ulikwa Omumbiishofi Ndumbukuti Nashenda a ninge Omumbiishofi Omukuluntu gwOngeleki ya Katoolika mo Namibia, pehala lya nakusa.Omukuluntumbiishofi Nashenda okwa ulike nakusa Pata Kafula a ninge Omukalelipo gwe kOvenduka.Pata Kafula nokwa yi nee kOvenduka ngawo.Pokati mpoka okwa hakukilwa komukithi ngoka gwa kala tagu mu fala niipangelo, meni nopondje yoshilongo.Sho a hulitha ngeyi, okwa adhika nee a shuna ishewe kOondohotola dhe kOndoishi.Kalunga ine shi pitika we a galukile koNamibia, okwa hulithile kOndoishi hoka.Omudiakoni gwOngeleka ya Katana, ano gwEgongalo lya Katana, tate Mauritius Niipare, okwa tseyitha kutya Pata Kafula ota ningilwa Oshituthidhimbuluko she omutenya gwonena pOkatana.Efumviko lye, ndyoka kwa talika tali ka ningilwa kOndoishi yawo hoka opo ngaa tali tseyithwa.Pata Kafula ye mwene okwa li a hala okusila moNamibia nokufumvikwa wo moNamibia.Oyendji yomAakwangeleka ya Katoolika ka Roma moNamibia nosho tuu, nayo osho ya li ya hala.Oshifo shetu otashi gandja omahekeleko koonakuthigwapo atuheni.