Oshikunino shOohi pEpalela otashi ka egululwa pambelewa mOlyomakaya; Tsheehama ta ti

O NKUNDANA twe yi pewa ku Amushanga Omukuluntu mUuministeli wOohi nOonzo dhomEfuta tate Frans Tsheehama, otayi ti kutya Oshikunino shOohi pEpalela pooha dhondama onene ya Lushandja mOshitopolwa sha Musati, otashi ka egululwa pambelewa kOministeli Albert Kawana ngoka e na sha nIipambele yOmupresidende, mOlyomakaya ngaka twa thinda geti 10 Novemba 2007, te ke shi ninga pehala lyOmupresidende Hifikepunye Pohamba ngoka ita ka vula okuthika omolwiinakugwanithwa yilwe yOpambelewa.

Omusamane Tsheehama ta ti kutya Oministeli yOohi ya Cuba, ndjoka pethimbo ndyoka tayi ka adhika yi li metalelopo lyayo mu Namibia, nayo opo tayi ka kala pOshituthiegululo shoka. Kakele keegululo pambelewa, omusamane Tsheehama ota ti kutya, esiku ndyoka otaku ka kala wo ekwato nelanditho lyoohi okuza momatale gopOshikunino shoka shOohi pEpalela.Oshigwana otashi hiwa nesimaneko shi holoke koshituthiegululo shika, sho wo tashi etelele oshimaliwa opo shi ye shi ilandele oohi dhasho ndhoka tadhi ka landithwa Oodola dha Namibia omulongo mOkilograma.Kakele keegululo pambelewa, omusamane Tsheehama ota ti kutya, esiku ndyoka otaku ka kala wo ekwato nelanditho lyoohi okuza momatale gopOshikunino shoka shOohi pEpalela.Oshigwana otashi hiwa nesimaneko shi holoke koshituthiegululo shika, sho wo tashi etelele oshimaliwa opo shi ye shi ilandele oohi dhasho ndhoka tadhi ka landithwa Oodola dha Namibia omulongo mOkilograma.