Omahooli ga gwedhelwa ishewe mu Namibia

O MAHOOLI gopetololi oga gwedhelwa nena mEtitano noosenda 12 moliitela, omanga odiisela ya londo noosenda 52 moliitela, Uuministeli wOomina nIikwankondo osho wa tseyitha ngaaka mEtitatu.

Sho nee egwedhelo lya ningwa ongula onene yonena, omahooli mOmbaye otaga ka kotha N$7,03 moliitela yomahooli go 95, omanga ngoka gaana oholo nenge tutye go 93 taga ka kotha N$7,01. Shika otashi ti wo kutya pOmbaye, omahooli godiisela otaga ka kotha oondola/N$7,22 moliitela.Oopomba dhomahooli moshilongo ashihe odha lundululwa shi ikwatelela kegwedhelo ndika okutameka nena.Ndika olyo egwedhelo etiyali okuza sho omahooli ga li owala ga gwedhelwa lwa hugunina mu Juli nuumvo, na itashi halutha naanaa molwashoka Ombaanga ya Namibia nenge Bank of Namibia oya li ya londodha kutya otashi vulika omahooli ga ka gwedhelwe, ngashi sha lopotelwe moThe Namibian oshiwike sha zi ko.Aanamibia oya kala aanelago sho omahooli ga kala inaga gwedhelwa okuza mu Juli nando nee ondando yomahooli oya kala nokugwedhelwa mu South Afrika.Namibia oha kutha omahooli ge ku South Afrika, netokolo kehe konyala hali ningwa moshilongo shoka, ohali gumu wo Namibia moshinima shika.Ominista yOomina nIiwakondo Erkki Nghimtina okwa popi kutya egwedhelo lyondando yomahooli inaga dhindwa, olyo etompelo lya etitha egwedhelo ndika.Muule woomwedhi mbali dha zi ko, omahooli oga kala nokulonda pamaalaka gopaigwana notaga tsikile nokulonda.”Omahooli gondiisela oga kala nokulonda molwefiko lyomahooli moshitopolwa shokuumbangalantu.Oshinima shika inashi tu thiga nando onompito yilwe yaashi yokugandja egwedhelo kookastoma,” ta popi ngaaka.Minista ta ti egwedhelo lyomahooli inaga dhindwa pamaalaka gopaigwana ndyoka lya londa unene sigo poondola/US$90 membalukutu, oshinima wo shimwe shoka sha etitha omahooli ga londe wo nomuNamibia.Konima yegwedhelo lyonena, opetololi yo 95, nosho wo 93 oyi li pevi noopelesenda 3,6 nosho wo oopelesenda 1,9 okuyelekanitha nondando yomahooli ga faathana mu South Afrika.Ashike omahooli godiisela oge li pombanda noopelesenda 2,16 mu Namibia okuyekanitha noondando dhomuSouth Afrika – shika otashi ti nee ngeyi kutya omahooli godiisela oga londa unene mu Namibia okuyekanitha na South Afrika.Nghimtina tati: “Uuministeli otau ka longelakumwe niishiindalongo ngele tashi ya kombinga yegwedhelo lyomahooli opo pwaa kale uupyakadhi moondando dhomahooli.”Shika otashi ti wo kutya pOmbaye, omahooli godiisela otaga ka kotha oondola/N$7,22 moliitela.Oopomba dhomahooli moshilongo ashihe odha lundululwa shi ikwatelela kegwedhelo ndika okutameka nena.Ndika olyo egwedhelo etiyali okuza sho omahooli ga li owala ga gwedhelwa lwa hugunina mu Juli nuumvo, na itashi halutha naanaa molwashoka Ombaanga ya Namibia nenge Bank of Namibia oya li ya londodha kutya otashi vulika omahooli ga ka gwedhelwe, ngashi sha lopotelwe moThe Namibian oshiwike sha zi ko.Aanamibia oya kala aanelago sho omahooli ga kala inaga gwedhelwa okuza mu Juli nando nee ondando yomahooli oya kala nokugwedhelwa mu South Afrika.Namibia oha kutha omahooli ge ku South Afrika, netokolo kehe konyala hali ningwa moshilongo shoka, ohali gumu wo Namibia moshinima shika.Ominista yOomina nIiwakondo Erkki Nghimtina okwa popi kutya egwedhelo lyondando yomahooli inaga dhindwa, olyo etompelo lya etitha egwedhelo ndika.Muule woomwedhi mbali dha zi ko, omahooli oga kala nokulonda pamaalaka gopaigwana notaga tsikile nokulonda.”Omahooli gondiisela oga kala nokulonda molwefiko lyomahooli moshitopolwa shokuumbangalantu.Oshinima shika inashi tu thiga nando onompito yilwe yaashi yokugandja egwedhelo kookastoma,” ta popi ngaaka.Minista ta ti egwedhelo lyomahooli inaga dhindwa pamaalaka gopaigwana ndyoka lya londa unene sigo poondola/US$90 membalukutu, oshinima wo shimwe shoka sha etitha omahooli ga londe wo nomuNamibia.Konima yegwedhelo lyonena, opetololi yo 95, nosho wo 93 oyi li pevi noopelesenda 3,6 nosho wo oopelesenda 1,9 okuyelekanitha nondando yomahooli ga faathana mu South Afrika.Ashike omahooli godiisela oge li pombanda noopelesenda 2,16 mu Namibia okuyekanitha noondando dhomuSouth Afrika – shika otashi ti nee ngeyi kutya omahooli godiisela oga londa unene mu Namibia okuyekanitha na South Afrika.Nghimtina tati: “Uuministeli otau ka longelakumwe niishiindalongo ngele tashi ya kombinga yegwedhelo lyomahooli opo pwaa kale uupyakadhi moondando dhomahooli.”