Omulongisikola ngoka a dhipagelwe mEtitano lya zi ko ota fumvikwa ngula

O MULONGISIKOLA gwopOsikola ya Tshikushashipya nokwa kala kwali momukunda Enkombo mUukwambi moshitopolwa sha Musati, meme Wilhelmina Nangula Shafa Amukwaya (gwoomvula 37) ngoka a dhipagwa nondjembo yomushasho komatango gEtitano lya zi ko, ota fumvikwa ngula mOlyomakaya pOtshikushashipya okuzilila mOngeleka yawo ya Tshikushashipya.

Oshituthidhimbulutho she otashi ningwa komatango gonena pegumbo lyawo poEnkombo popepi nOtshikushashipya tuu mpoka. Meme Nangula okwa yahelwa mohauto ye komatango gEtitano ndjoka lya zi ko, a adhika ta zi kosikola yawo pOtshikushashipya mpoka a thinda kegumbo lyawo koEnkombo popepi nOtshikushashipya.A yahwa nondjembo yomushasho lwomoombati dhokolulyo kohi yegundji lyokolulyo, tayi uka momutima.Kashi shi momutse ngashi twa lopotelele tango.Mohauto okwa adhika mo nokanona ke kokamati, hoka ka tala sho yina nguka ta dhipagwa.Nakumudhipaga okwa fadhuka po nohauto konima sho a hili mo omudhimba gwe noku gu ekela pevi noshowo a hili mo okanona noku ka ekela pomudhimba gwayina mpoka.Yopomudhingoloko mpoka oyiitsu momuntu a sa nokanona ke ke mu kalela, taka lili.Oya yi nokukalopota nziya kOpilisi ya Shikuku noya Shakati.Opolisi sho ya lopotelwa oshiningwanima shika oshiwinayi noshi nyanyaleka, oya yi molukongo nziyanziya okuza tuu mEtitano moka sigo omOlyomakaya, nomOsoondaha oya kwata po omulumentu omugundjuka gwoomvula 26, ye mu kwatela lwopEtunda popepi noRuacana nomweelo gwa Kaluheke mUukulonkadhi mOshitopolwa sha Musati.Omulumentu ngoka otaku tiwa kutya oye Bonifatius Konstantinus (26) a zile komukunda Oshikuku mUukwambi moshitopolwa sha Musati.Okwa holokele mEtitatu mOmpangu ya Mangestrata mOshakati noshipotha shedhipago nosheyugo kwahomatiwa.Okwa adhika nohauto tuu ndjoka ya meme Nangula, yi na oombinzi dhe.Ondjembo ndjoka taku tengenekwa kutya oyo a yahitha nayo meme Nangula, nayo okwa adhika nayo.Okwa itaala kutya oye a dhipaga meme Nangula, ashike ka li a hala aniwa okuyamukula kepulo lyOpolisi ndjoka a pulwa kutya okwe mu yahela noku mu dhipagela shike.Meme Nangula okwa yahelwa mohauto ye komatango gEtitano ndjoka lya zi ko, a adhika ta zi kosikola yawo pOtshikushashipya mpoka a thinda kegumbo lyawo koEnkombo popepi nOtshikushashipya.A yahwa nondjembo yomushasho lwomoombati dhokolulyo kohi yegundji lyokolulyo, tayi uka momutima.Kashi shi momutse ngashi twa lopotelele tango.Mohauto okwa adhika mo nokanona ke kokamati, hoka ka tala sho yina nguka ta dhipagwa.Nakumudhipaga okwa fadhuka po nohauto konima sho a hili mo omudhimba gwe noku gu ekela pevi noshowo a hili mo okanona noku ka ekela pomudhimba gwayina mpoka.Yopomudhingoloko mpoka oyiitsu momuntu a sa nokanona ke ke mu kalela, taka lili.Oya yi nokukalopota nziya kOpilisi ya Shikuku noya Shakati.Opolisi sho ya lopotelwa oshiningwanima shika oshiwinayi noshi nyanyaleka, oya yi molukongo nziyanziya okuza tuu mEtitano moka sigo omOlyomakaya, nomOsoondaha oya kwata po omulumentu omugundjuka gwoomvula 26, ye mu kwatela lwopEtunda popepi noRuacana nomweelo gwa Kaluheke mUukulonkadhi mOshitopolwa sha Musati.Omulumentu ngoka otaku tiwa kutya oye Bonifatius Konstantinus (26) a zile komukunda Oshikuku mUukwambi moshitopolwa sha Musati.Okwa holokele mEtitatu mOmpangu ya Mangestrata mOshakati noshipotha shedhipago nosheyugo kwahomatiwa.Okwa adhika nohauto tuu ndjoka ya meme Nangula, yi na oombinzi dhe.Ondjembo ndjoka taku tengenekwa kutya oyo a yahitha nayo meme Nangula, nayo okwa adhika nayo.Okwa itaala kutya oye a dhipaga meme Nangula, ashike ka li a hala aniwa okuyamukula kepulo lyOpolisi ndjoka a pulwa kutya okwe mu yahela noku mu dhipagela shike.