Nakuyaha pokandingosho aantu okwa hala obooloha

O MUPANGI mOshipangelo shEpangelo sha Katutura ngoka ta tamanekelwa okudhipaga aantu yatatu pokandingosho kamwe pOsiingela omwedhi gwa zi ko, mEtitano lya zi ko okwa indile Mengestara gwa Venduka opo e mu pe obooloha.

Jekonia Dimbulukweni Hamukoto (gwomimvo 36) okwa taalela omatamaneko gatatu gedhipago nosho wo iipotha itatu yonkambadhala yedhipago – sho a yaha aantu pokandingosho kedhina Kondjeni Bottle Store momasiku 2 Febuluali nuumvo. Okandingosho haka oke li pOsiingela mu Katutura mOvenduka.Oshikondo oshigandjimulombo shOpolisi ya Namibia osha li sha tseyitha kutya aniwa Hamukoto okwa li pokandingosho hoka pethimbo a dhimbulula kutya oselula ye oya kana.Sho nee aniwa kapu na ngoka e mu yambidhidha nenge a gandje oselula ndjoka, okwa kutha ombistoli ye yoomilimeta omugoyi (9mm) e tu umbu oshikuti shelondodho shoka sha pitile miipeleki, e ta tameke ta yaha aantu oogumwe noogumwe, Opolisi tayi popi ngaaka.Okwa dhipaga aantu yatatu.Mboka oyo nee: Jonas Erastus gwomimvo 22, Festus Aron gwomimvo 25 na Boni Shuudeni gwomimvo 25.Aalumentu yalwe yatatu oya li ya ehamekwa noonkondo.Pethimbo Opolisi ya manga nokudhitika Hamukoto pehala lyoshiningwanima shoka, oselula ndjoka ta popi oya shika moondjato dhombulukweya ndjoka a li a zala.Hamukoto okwa lombwele Mengestara Tuyenikelao Haikango mEtitano kutya oselula okwa adhika shili nayo, ashike shika itashi ti nee kutya okwa kala nayo ethimbo alihe.Ta ti konima sho a landa okunwa kwe pokandingosho mpoka, okwa dhimbulula kutya oselula ye kayi po we poshitaafula mpoka a li e yi tula.Okwa li a pula aantu mboka ya li po ngele opu na ngoka e yi mona nenge e yi kutha po, ashike kapu na ngoka e mu pe eyamukulo.Oshinima oshe mu ningitha nee a kuthe ombistoli ye e tu umbu oshikuti shelondodho, ta popi ngaaka.Ooholo odhindji odha nuka ko, ta popi, konima okwa mono omulumentu gumwe eya kuye e te mu pe ombili nokumupa oselula ye e ta kambadhala okufadhuka po.Omulumentu nguka naye okwa yahwa wo koholo.Hamukoto okwa lombwele Ompangu kutya ina kala noselula ye ethimbo alihe ngaashi aapolisi nosho wo iikundaneki tayi lopota.”Shoka tandi popi osho shoka kutya kalya li ehalo lyandje,” ta popi ngaaka pethimbo lyokugandja uumbangi we mOmpangu kohi yomunaveta gwe Boris Isaacks.Pethimbo lyokupulwapulwa kOmutamaneki OJ Lino, okwa popi kutya okwa uvithwa nayi koshiningwanima shika na keshi nokuli shoka e na okulombwela aanona ye.”Ngame omuntu,” Hamukoto ta popi.Kandi uvite nawa molwaantu mboka ya kanithila oomwenyo dhawo moshiningwanima shika.Nanyo aantu wo.”Hamukoto okwa ulike ngeyi kutya ita ka zimina nando moshinima shika pethimbo ta ka pangulwa.Ashike konima yomapulo okwa zimine ngeyi kutya oye shili a umbu ooholo ndhoka dha dhipaga nokweehameka aantu pokandingosho hoka momasiku 2 Febuluali.Ta ti kali e na nando elalakano okudhipaga omuntu.Hamukoto okwa lombwele Mengestara kutya oku na aanona yaali mboka ye li na yina gwomimvo 75 ngoka wo ke na uukolele nokwa kala owala i ikwatelela keyambidhidho lye (lya Hamukoto).Ngele okwa kala konima yekumba aantu mboka oyo yotango taya mono iihuna, ta ti po ngaaka.Okwa uvaneke kutya ita ka faula kOmpangu nenge a henuke oshipotha shika, ihe otaka kala ha holoka kOmpangu ngaashi tashi pulwa.Iihokolola yi na sha neindilo lye lyobooloha otali tsikile mOmpangu ya Mengestara ngula mEtitatu.Okandingosho haka oke li pOsiingela mu Katutura mOvenduka.Oshikondo oshigandjimulombo shOpolisi ya Namibia osha li sha tseyitha kutya aniwa Hamukoto okwa li pokandingosho hoka pethimbo a dhimbulula kutya oselula ye oya kana.Sho nee aniwa kapu na ngoka e mu yambidhidha nenge a gandje oselula ndjoka, okwa kutha ombistoli ye yoomilimeta omugoyi (9mm) e tu umbu oshikuti shelondodho shoka sha pitile miipeleki, e ta tameke ta yaha aantu oogumwe noogumwe, Opolisi tayi popi ngaaka.Okwa dhipaga aantu yatatu.Mboka oyo nee: Jonas Erastus gwomimvo 22, Festus Aron gwomimvo 25 na Boni Shuudeni gwomimvo 25.Aalumentu yalwe yatatu oya li ya ehamekwa noonkondo.Pethimbo Opolisi ya manga nokudhitika Hamukoto pehala lyoshiningwanima shoka, oselula ndjoka ta popi oya shika moondjato dhombulukweya ndjoka a li a zala.Hamukoto okwa lombwele Mengestara Tuyenikelao Haikango mEtitano kutya oselula okwa adhika shili nayo, ashike shika itashi ti nee kutya okwa kala nayo ethimbo alihe.Ta ti konima sho a landa okunwa kwe pokandingosho mpoka, okwa dhimbulula kutya oselula ye kayi po we poshitaafula mpoka a li e yi tula.Okwa li a pula aantu mboka ya li po ngele opu na ngoka e yi mona nenge e yi kutha po, ashike kapu na ngoka e mu pe eyamukulo.Oshinima oshe mu ningitha nee a kuthe ombistoli ye e tu umbu oshikuti shelondodho, ta popi ngaaka.Ooholo odhindji odha nuka ko, ta popi, konima okwa mono omulumentu gumwe eya kuye e te mu pe ombili nokumupa oselula ye e ta kambadhala okufadhuka po.Omulumentu nguka naye okwa yahwa wo koholo.Hamukoto okwa lombwele Ompangu kutya ina kala noselula ye ethimbo alihe ngaashi aapolisi nosho wo iikundaneki tayi lopota.”Shoka tandi popi osho shoka kutya kalya li ehalo lyandje,” ta popi ngaaka pethimbo lyokugandja uumbangi we mOmpangu kohi yomunaveta gwe Boris Isaacks.Pethimbo lyokupulwapulwa kOmutamaneki OJ Lino, okwa popi kutya okwa uvithwa nayi koshiningwanima shika na keshi nokuli shoka e na okulombwela aanona ye.”Ngame omuntu,” Hamukoto ta popi.Kandi uvite nawa molwaantu mboka ya kanithila oomwenyo dhawo moshiningwanima shika.Nanyo aantu wo.”Hamukoto okwa ulike ngeyi kutya ita ka zimina nando moshinima shika pethimbo ta ka pangulwa.Ashike konima yomapulo okwa zimine ngeyi kutya oye shili a umbu ooholo ndhoka dha dhipaga nokweehameka aantu pokandingosho hoka momasiku 2 Febuluali.Ta ti kali e na nando elalakano okudhipaga omuntu.Hamukoto okwa lombwele Mengestara kutya oku na aanona yaali mboka ye li na yina gwomimvo 75 ngoka wo ke na uukolele nokwa kala owala i ikwatelela keyambidhidho lye (lya Hamukoto).Ngele okwa kala konima yekumba aantu mboka oyo yotango taya mono iihuna, ta ti po ngaaka.Okwa uvaneke kutya ita ka faula kOmpangu nenge a henuke oshipotha shika, ihe otaka kala ha holoka kOmpangu ngaashi tashi pulwa.Iihokolola yi na sha neindilo lye lyobooloha otali tsikile mOmpangu ya Mengestara ngula mEtitatu.