Ehangano ledina International Monetary Fund (IMF) ola pula opo Namibia a ete omaudafano aeshe kombinga yomahooli oo e li pokati kepangelo nomahangano omahooli poluheela.
Olopota yoHigh-Level Summary Technical Assistance oyo ya dja koIMF, oya ti okweeta ouyelele ou moshiwana otashi kelele oulingilingi moshikondo shomahooli, ngaashi naana hashi ningwa moilongo ikwao.
“Namibia na kelele omaupyakadi oo pakuliufa keendodo dopombada dokulonga nokulela pauyelele. Oshinima eshi otashi nigwa ashike ngee
Ovanamibia ova kala va kwatelwa mo mwaasho sha tokolwa kepangelo kombinga yoikwamahooli,” Olopota osho ya ti ngaho.
Olopota ei okwa li ya pulwa kominista yoimaliwa Iipumbu Shiimi odula ya dja ko.
Epangelo natango ola kunghililwa opo li tote po okakomisi ka ungaunge nokutota nokutula moilonga omilandu di na sha noilonga yomahooli.
Natango, epangelo ola pulwa opo li tote po ongudu yokuninga omakonakono nghee oilonga yomahooli ina okulongwa noilongifo oyo tai dulu okulongifwa moshinima omu.
“Epangelo otali dulu okuya komesho nawa neenghundafana dokuyandja omauyelele kombinga yeeproyeka doshikondo shoikwamahooli,” Olopota osho ya ti ngaho.
Olopota oya ti, nande kapu na omahooli a kolekwa nawa natango, opu na omhito yokuninga oshimaliwa shiwa moule weedula omilongo.
Ashike nee, IMF oya kunghilila opo oiyemo ei iha kwatelwe mo nande manga momutengenekwafaneko, shaashi kakushiivike natango kutya omahooli nohaasa otaa xuulile peni.
“Epangelo inali tula mo natango oshimaliwa sha sha moshinima omu. Eshi mutu oshi li mondjila,” Olopota osho ya ti ngaho.
Oshinima eshi osha kwatela mo okukwashilipaleka omilandu doishoshela da yela, okutunga omikalo da kola dokwoongela oiyemo ei tai dulu okudja moikwamahooli.
Olopota oya holola kutya, oishoshela yaNamibia paife yomahooli nohaasha pokati kepangelo novanangeshefa ovo ve na mo omauwa otai monika i fike pamwe.
Osha kwatela mo oishoshela aishe oyo tai di mo konima kwa hangwa ondodo yonumba yoiyemo.
Ehangano loIMF oli wete kutya omikalo edi tadi longifwa odiwa ashike ola pula opo pa ningwe omalunduluko amwe opo kudule okwaamenwa oiyemo sho shi ete oindjemo iwa.
Eshi osha kwatela mo okutula po eendodo da xuuninwa nokulonga mo nawa omavalulo oishoshela.
“Ongudu ei oya talulula nawa omilandu doishoshela neeveta odo tadi pula notadi yeleke nawa osho shi na okufutwa kovafutu voishoshela, omanga tadi amene okwoongela kwoishoshela.”
Olopota oya ti nande ekufombinga lehangano lomahooli laNamibia ledina National Petroleum Corporation of Namibia (Namcor) ohali eta omauwa oshimaliwa, natango ohashi pula shihapu.
“Luhapu ondado yekufombinga lepangelo ihai pandulwa kovaningi vomatokolo. Eshi osha kwatela mo oilonga yaNamcor yookuwanifa po oshimaliwa osho a pewa nande okudilila momutengenekwafaneko wopashiwana,” Olopota osho ya ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
