Oshilyo shoRDP sha dhengwa nomavi, ohauto yasho tayi dhengwa nomakuma

O POLISI ya Ndangwa otayi konaakona oshipotha moka oshilyo sho RDP Vilho Hamunyela, ‘Kabila’, a tsininwa omavi nokudhengwa nago, yo ohauto ye tayi dhengwa nomakuma nokutsininwa wo omavi, epandela lye lyoRDP tali tuulwa, ye wo ta tukwa nokunyanwa kongundu yaantu, mboka ta ti kutya aayambidhidhi yoSwapo, sha ningwa komatango kwa toka lela Osoondaha ya zi ko.

Oshiningwanima shika, pa Mupopiliko gwOpolisi mOshitopolwa sha Shana Shisaande Jonas Slogan Matheus, osha ningilwa pOluno mOndangwa. Shisaande Matheus okwa koleka kutya Opolisi oya patulula oshipotha shEthiminikotilitho, edhengo, edhengo li li pamwe netilitho neyonagulo lyeliko lyomuntu.Ashike Shisaande Matheus okwa ti kutya sigo oompaka Opolisi inayi kwata po omuntu shi na sha noshiningwanima shika.Mboka ye shi ninga onkee taya ka kongwa kOpolisi, shi ikwatelela komaumbangi ngoka ge li po.Hamunyela ye mwene okwa lombwela The Namibian kutya Osoondaha ndjoka oya yile koshigongi shawo sho RDP kOmuthiya.Oshigongi osha enda nawa nomokuza ko komatango gOsoondaha kwa toka kashona, oya adha iilyo naayambidhidhi yoSwapo yomwaalu gwontumba ye li mondjila onene ya Muthiya nOndangwa nEpandela lyawo enene ye li tula mondjila.Hamunyela, ngoka a li nohauto ye yi na epandela enene lyoRDP, ye a tsilika ookuume ke ye li yane, ota ti kutya okwa thikama, nashi a thikama mboka, Aakwaswapo, oye ya ponokele, taye ya file omavi yo taya dhenge ohauto ye nomakuma e tayi tende ekende lyokomeho, ano lya ninga omusa.Taya togonyona Epangelo lye lyo RDP ndyoka lya li kohauto ye.”Oya fila ndje omavi olutu aluhe nomomeho nokudhenga ndje wo nomake.Mba nda li nayo nayo wo oya filwa omavi.Taya dhenge ohauto yandje nomakuma e tayi ningi oodeika, lyo ekende tali tende omusa nokutuula wo epandela lyandje.Taya tameke taye tu tuku.Unene tuu ngame oya tameke taya tuku ndje nokupula ndje kutya omolwashike nda za ko koSwapo nda ya kongundu yoRDP,” Hamunyela ta popi.Ta ti kutya sho a mono kutya otaya pula komeho noku ya piyaganeka, okwa kutha ondjembo ye yomushasho, ta tula ko oshikuti nokuumbu mombanda, e ya tilithe.Shilishili, oya fadhuka po.Opolisi oye ya nokuninga omakonakono.Moosoodaha ya zi ko, RDP okwa li e na oshigongi she pOmuthiya omanga Swapo a li noshe kOngwediva.Otaku tiwa nee kutya oshigongi sho RDP sho sha pu, mboka yo RDP ya zile kOndangwa, ano yOoHamunyela, oya galukile kOndangwa naamboka yoSwapo ya zile kOndangwa nokuya kOngwediva, sho oshigongi shawo sha pu, oya galukile kOndangwa.Kongulohi ndjoka, sho iigongi mbika iyali ya zi mo, otaku tiwa kutya mboka yoSwapo, okuza kOngwediva oya kala taya maashinga mOngwediva, mOshakati nomOndangwa.Sho Hamunyela e ya muyo ngawo pOndangwa, otaku tiwa kutya oya adhika aniwa taya maashinga.Ashike omapopyo gamwe ge li po otaga ti kutya oya adhika ya gongalela iihauto yawo iyali yi idhenge mumwe mpoka.Yamwe yomaakwashigwana, otaya nyenyetele aawiliki yOpolotika, unene tuu mboka yoSwapo kutya otaya hongaitha nayi iilyo naayambidhidhi yawo piigongi na aniwa opo haya zi ya kaninge omauhwapindi ngawo.Pethimbo ta popitha Oshigongi shoSwapo pOmuthiyagwiipundi mpoka mOlyomakya ga zi ko, Omupresidende gwoSwapo Hifikepunye Pohamba ye oye wo Omupresidende gwoshilongo, okwa lombwele Aakwaswapo mpoka kutya aawiliki yo RDP otaya elekwa na Judas, ngoka a gwaaleke Jesus Kristus, molwashoka nayo aniwa oya gwaaleka oshigwana sha Namibia, unene tuu mboka ya tilahi ombinzi yawo omolu ekondjelomanguluko lyoshilongo shika Namibia.Aakalimo yamwe mbaka otaya ti kutya aawiliki naya kale haya takamitha iitya nomatumbulo ngoka taya popi mokati koshigwana shi na omauvoko inaga faathana, oshoka otashi vulika shi ka ete omaipumomumwe omawinayi monakuyiwa.”Omolwashike ano Aakwaswapo kaye uvite ko oshinima shika, yo oyo ngaa ya tunga po Ekotampango ndika? Ngele inaye shi hala nani, Ekotampango naye li kuthe po, nUudemokoli naye wu ekelehi pambelewa,” Hamunyela ngoka a li omukwaSwapo ta ti.”Tse ngashi tu li ngeyi, momagumbo getu omu na iilyo yongundu yoSwapo, nosho wo tu li mo yOongeleka dha yooloka, ashike katu ininga nayi.Swapo ano omolwashike ina hala okwiidhidhimikila yakwawo yoongundu dhilwe? Hamunyela ta ti ngaaka.Shisaande Matheus okwa koleka kutya Opolisi oya patulula oshipotha shEthiminikotilitho, edhengo, edhengo li li pamwe netilitho neyonagulo lyeliko lyomuntu.Ashike Shisaande Matheus okwa ti kutya sigo oompaka Opolisi inayi kwata po omuntu shi na sha noshiningwanima shika.Mboka ye shi ninga onkee taya ka kongwa kOpolisi, shi ikwatelela komaumbangi ngoka ge li po.Hamunyela ye mwene okwa lombwela The Namibian kutya Osoondaha ndjoka oya yile koshigongi shawo sho RDP kOmuthiya.Oshigongi osha enda nawa nomokuza ko komatango gOsoondaha kwa toka kashona, oya adha iilyo naayambidhidhi yoSwapo yomwaalu gwontumba ye li mondjila onene ya Muthiya nOndangwa nEpandela lyawo enene ye li tula mondjila.Hamunyela, ngoka a li nohauto ye yi na epandela enene lyoRDP, ye a tsilika ookuume ke ye li yane, ota ti kutya okwa thikama, nashi a thikama mboka, Aakwaswapo, oye ya ponokele, taye ya file omavi yo taya dhenge ohauto ye nomakuma e tayi tende ekende lyokomeho, ano lya ninga omusa.Taya togonyona Epangelo lye lyo RDP ndyoka lya li kohauto ye.”Oya fila ndje omavi olutu aluhe nomomeho nokudhenga ndje wo nomake.Mba nda li nayo nayo wo oya filwa omavi.Taya dhenge ohauto yandje nomakuma e tayi ningi oodeika, lyo ekende tali tende omusa nokutuula wo epandela lyandje.Taya tameke taye tu tuku.Unene tuu ngame oya tameke taya tuku ndje nokupula ndje kutya omolwashike nda za ko koSwapo nda ya kongundu yoRDP,” Hamunyela ta popi.Ta ti kutya sho a mono kutya otaya pula komeho noku ya piyaganeka, okwa kutha ondjembo ye yomushasho, ta tula ko oshikuti nokuumbu mombanda, e ya tilithe.Shilishili, oya fadhuka po.Opolisi oye ya nokuninga omakonakono.Moosoodaha ya zi ko, RDP okwa li e na oshigongi she pOmuthiya omanga Swapo a li noshe kOngwediva.Otaku tiwa nee kutya oshigongi sho RDP sho sha pu, mboka yo RDP ya zile kOndangwa, ano yOoHamunyela, oya galukile kOndangwa naamboka yoSwapo ya zile kOndangwa nokuya kOngwediva, sho oshigongi shawo sha pu, oya galukile kOndangwa.Kongulohi ndjoka, sho iigongi mbika iyali ya zi mo, otaku tiwa kutya mboka yoSwapo, okuza kOngwediva oya kala taya maashinga mOngwediva, mOshakati nomOndangwa.Sho Hamunyela e ya muyo ngawo pOndangwa, otaku tiwa kutya oya adhika aniwa taya maashinga.Ashike omapopyo gamwe ge li po otaga ti kutya oya adhika ya gongalela iihauto yawo iyali yi idhenge mumwe mpoka.Yamwe yomaakwashigwana, otaya nyenyetele aawiliki yOpolotika, unene tuu mboka yoSwapo kutya otaya hongaitha nayi iilyo naayambidhidhi yawo piigongi na aniwa opo haya zi ya kaninge omauhwapindi ngawo.Pethimbo ta popitha Oshigongi shoSwapo pOmuthiyagwiipundi mpoka mOlyomakya ga zi ko, Omupresidende gwoSwapo Hifikepunye Pohamba ye oye wo Omupresidende gwoshilongo, okwa lombwele Aakwaswapo mpoka kutya aawiliki yo RDP otaya elekwa na Judas, ngoka a gwaaleke Jesus Kristus, molwashoka nayo aniwa oya gwaaleka oshigwana sha Namibia, unene tuu mboka ya tilahi ombinzi yawo omolu ekondjelomanguluko lyoshilongo shika Namibia.Aakalimo yamwe mbaka otaya ti kutya aawiliki naya kale haya takamitha iitya nomatumbulo ngoka taya popi mokati koshigwana shi na omauvoko inaga faathana, oshoka otashi vulika shi ka ete omaipumomumwe omawinayi monakuyiwa.”Omolwashike ano Aakwaswapo kaye uvite ko oshinima shika, yo oyo ngaa ya tunga po Ekotampango ndika? Ngele inaye shi hala nani, Ekotampango naye li kuthe po, nUudemokoli naye wu ekelehi pambelewa,” Hamunyela ngoka a li omukwaSwapo ta ti.”Tse ngashi tu li ngeyi, momagumbo getu omu na iilyo yongundu yoSwapo, nosho wo tu li mo yOongeleka dha yooloka, ashike katu ininga nayi.Swapo ano omolwashike ina hala okwiidhidhimikila yakwawo yoongundu dhilwe? Hamunyela ta ti ngaaka.