Nujoma a nyenyetela ompilameno

M OSOONDAHA, Swapo okwa nyenyetele ongundu yompilameno kombinga yomayambulepo ngoka inage shi enditha nawa muule woomvula omulongo nahetatu (18) dha zi ko moshikandjohogololo sha Tobias Hainyeko mu Katutura mOvenduka.

Omukokolipresidende Sam Nujoma okwa lombwele engungo lyaantu oyendji mboka ya li ya gongala molukanda lwa Okuryangava mu Katutura mOvenduka kutya Erasmus ‘Kaptein’ Hendjala ngashiingeyi e li oshilyo shongundu yompilameno ke na nando osho a ninga tashi nyanyudha kombinga yomayambulepo moshikandjohogololo shoka. Ta ti Hendjala okwa kala kansela gwoshikandjohogololo shoka uule woomvula omulongo nahamano (16), ashike ina ninga mo sha shomupondo muule wethimbo ndyoka.Nujoma ta ti Hendjala okwa kala owala ta piyaganeke omayambulepo molwashoka ina kala omukwaswapo gwohili.Hendjala okwa li a tidhwa mo moSwapo kuyele nuumvo, ashike konima owala yiiwike yontumba, okwa li a tseyitha kutya okwa ndjoina ongundu yoRDP nokwa tumbulwa nokuli kutya oye okandidaate yomahogololo ngoka taga ka kala ko mEtitano lyoshiwike shika moshikandjohogololo sha Tobias Hainyeko.”Inamu taamba nakondemwe.Keshi okwiinekelwa, Ina mu etha e li lele.Mu tuleni mpoka i ilongela – momandoloma gopandjokonona.Omuntu nguka ina ninga nando osha shi na sha nomayambulepo goshikandjohogololo,” Nujoma ta lombwele ngaaka aayambidhidhi yoSwapo pethimbo lyoshigongi oshinene shiikonga yomahogololo moshikandjohogololo sha Tobias Hainyeko mOsoondaha.Nujoma okwa nyenyetele wo ongundu yompilameno kombinga yomakuyunguto ngoka ga ningwa omasiku ga zi ko molukanda lwedhina One Nation Oshitenda mu Katutura tuu moka.”Oongundu dhompilameno odhi inyika nodha tameka omikalo dhokuhinda,” Nujoma ta popi ngaaka.”Otuna okuningeni iikonga yopambili ongaantu ya koka.Inamu kwatwa komikalo ndhoka.Tuya taaleleni owala pakuhogolola e ta tuya dhengamo mpoka.”Nujoma okwa popi ngeyi kutya okwa uvithwanayi komapopyo goongundu dhompilameno ndhoka tadhi popi kutya dho ‘oochampion dhuundemokoli”.Ta ti oongundu ndhoka otadhi tukana nokunyana aawiliki yongundu yoSwapo miinima ayihe mbyoka taya ningi.Okwa indile Aanamibia ya kuthe nokutula omayambulepo momake gawo yene ngaashi ya ninga pethimbo lyokweeta emangulo lyoshilongo.Kapu na nando iikumithalonga tayi ka longwa kiimaliwa mbyoka tayi zi kiilongi yopondje.Otuna omukumo nowino okushi ninga,” Nujoma ta popi ngaaka.Okwa indile omapangelo gopaikandjo nosho wo gopaitopolwa opo ga longelekumwe nEpangelo lyopondingandinga nelalakano lyokweeta omayambulepo koshigwana.Ta ti oonzo dhopauntshitwe nadhi longelwe megumbo opo oshilongo shi mone ko wo sha kiilongomwa yasho.Oshigongi shika osho owala oshinene sha li sha shigako mokati kiigongi yiikonga yomoshikandjohogololo sha Tobias Hainyeko mbyoka ya tamekele oomwedhi ndatu lwaampoka dha zi ko.Ondumba yaantu oya li ya gongala mengungo enene sigo opondje yOsenda yOomeme pOkuryangava ye ya okupulakena ku tatekulu Nujoma.Ta ti Hendjala okwa kala kansela gwoshikandjohogololo shoka uule woomvula omulongo nahamano (16), ashike ina ninga mo sha shomupondo muule wethimbo ndyoka.Nujoma ta ti Hendjala okwa kala owala ta piyaganeke omayambulepo molwashoka ina kala omukwaswapo gwohili.Hendjala okwa li a tidhwa mo moSwapo kuyele nuumvo, ashike konima owala yiiwike yontumba, okwa li a tseyitha kutya okwa ndjoina ongundu yoRDP nokwa tumbulwa nokuli kutya oye okandidaate yomahogololo ngoka taga ka kala ko mEtitano lyoshiwike shika moshikandjohogololo sha Tobias Hainyeko.”Inamu taamba nakondemwe.Keshi okwiinekelwa, Ina mu etha e li lele.Mu tuleni mpoka i ilongela – momandoloma gopandjokonona.Omuntu nguka ina ninga nando osha shi na sha nomayambulepo goshikandjohogololo,” Nujoma ta lombwele ngaaka aayambidhidhi yoSwapo pethimbo lyoshigongi oshinene shiikonga yomahogololo moshikandjohogololo sha Tobias Hainyeko mOsoondaha.Nujoma okwa nyenyetele wo ongundu yompilameno kombinga yomakuyunguto ngoka ga ningwa omasiku ga zi ko molukanda lwedhina One Nation Oshitenda mu Katutura tuu moka.”Oongundu dhompilameno odhi inyika nodha tameka omikalo dhokuhinda,” Nujoma ta popi ngaaka.”Otuna okuningeni iikonga yopambili ongaantu ya koka.Inamu kwatwa komikalo ndhoka.Tuya taaleleni owala pakuhogolola e ta tuya dhengamo mpoka.”Nujoma okwa popi ngeyi kutya okwa uvithwanayi komapopyo goongundu dhompilameno ndhoka tadhi popi kutya dho ‘oochampion dhuundemokoli”.Ta ti oongundu ndhoka otadhi tukana nokunyana aawiliki yongundu yoSwapo miinima ayihe mbyoka taya ningi.Okwa indile Aanamibia ya kuthe nokutula omayambulepo momake gawo yene ngaashi ya ninga pethimbo lyokweeta emangulo lyoshilongo.Kapu na nando iikumithalonga tayi ka longwa kiimaliwa mbyoka tayi zi kiilongi yopondje.Otuna omukumo nowino okushi ninga,” Nujoma ta popi ngaaka.Okwa indile omapangelo gopaikandjo nosho wo gopaitopolwa opo ga longelekumwe nEpangelo lyopondingandinga nelalakano lyokweeta omayambulepo koshigwana.Ta ti oonzo dhopauntshitwe nadhi longelwe megumbo opo oshilongo shi mone ko wo sha kiilongomwa yasho.Oshigongi shika osho owala oshinene sha li sha shigako mokati kiigongi yiikonga yomoshikandjohogololo sha Tobias Hainyeko mbyoka ya tamekele oomwedhi ndatu lwaampoka dha zi ko.Ondumba yaantu oya li ya gongala mengungo enene sigo opondje yOsenda yOomeme pOkuryangava ye ya okupulakena ku tatekulu Nujoma.