Oongundu dhopapolitika dha nyana etungo lyombelewa ompe ya Nujoma

E TOKOLO lyEpangelo okutunga oombelewa oompe dhOmupresidende omukulu tatekulu Sam Nujoma koshimaliwa shoomiliyuna 21,6 (N$21,6 million) ehepitho lyoshimaliwa notashi ulike okwaasimaneka Aanamibia oohepele, oongundu dhompilameno osho dha popi ngaaka.

Otashi eta wo omaipulo omanene ngele Nujoma okwi ilongekidha okuya pankalo yopashigwana, ongundu yoRally for Democracy and Progress (RDP) tayi popi ngaaka mEtitano lya zi ko. Pethimbo ndika sho Aanamibia taya nana nondatu kombinga yoondando dhiikulya nosho wo iinia yilwe ndhoka dha londa, etokolo ndyoka kali shi owala lyuuhwenge, itali ulike nawa, ashike oli li enkawa enene moshipala shAanamibia oyendji mboka taya hupu nuudhigu, ongundu ndjika tayi popi ngaaka pamushangwa mEtitano lya zi ko.Inashi simana nando okutungila Nujoma oombelewa oompe, omushangwa tagu popi ngaaka.”Onkatu ye oyi ni yopaigwana nenge oproyeka yini po yopaigwana ha longo nayo? Nujoma ina indilwa nando okashona a kwatelekomeho oonkundathana momakuyunguto nando olimwe nenge a kuthe ombinga pauyemwene miinima ya simana muuyuni ngaashi aaleli aakulu yooNelson Mandela, Katumile Masire nenge Thabo Mbeki,” RDP ta popi ngaaka.”Nando ongaaka, aawiliki mboka aakulu ya simana inaya tungilwa wo oombelewa oompe.””Otwa hala wo okutseya kutya omolwashike ombelewa ndjoka ya li nale yOmbudsman moka ngashiingeyi mu Nujoma inayi gwana.Omolwashike a pulwa ehala enene?” RDP ta pula ngaaka.Epangelo oli na omatungo omanene pomahala omawanawa mOvenduka mpoka tashi vulika limwe lyomugo tali vulu okuningwa nawa etali longithwa kOmupresidende omukulu, ongundu yompilameno tayi thaneke ngaaka.”Oshinima shika oshi li ehepitho lyoshimaliwa shoshigwana molwashoka Nujoma ke li we omunambelewa gwoshigwana.Etokolo ndika lyoku mu tungila ombelewa otali ningwa nelalakano lyoku mu galulila nuunambelewa woshigwana?” RDP ta pula ngaaka.Epangelo olya puka mokutula kumwe iilalakanenwa yalyo, ongundu ndjika yoRDP tayi popi ngaaka.”Oonkalo dhIipangelo yetu otadhi ende tadhi gu pevi, omeya gokunwa ga yela inaga thika natango koshigwana ashihe, oosikola unene tuu komahala gokomikunda kadhi na natango iilongitho.Oosikola odha pumbwa aalongisikola nomambo.Otatu indile kEpangelo li kale lya ningulula etokolo ndika meendelelo,” opaati ndjika tayi pula ngaaka.Ongundu yilwe yedhina Namibia Democratic Movement for Change (NDMC) oya popi sha faathana kutya oya limbililwa kutya ewiliko lyoSwapo olya hala naanaa okuningina opo li tameke okulanda omahupilo gopapolitika mokati komaupyakadhi ngoka taga thiminike ngaashi okuheniilonga noluhepo.Pahokololo lyomugandjimulombo gwongundu ndjika Joseph Kauandenge, etokolo lyOkabinete okulongitha oshimaliwa shoomiliyuna 21,6 momuntu gumwe otashi ulike “uuhasha nesimaneko lyokutula omuntu gwontumba muukengeli” pehala lyoohepele.”Otatu indile kEpangelo li talulule etokolo ndika molwashoka oproyeka ndjika kayi li miilalakenenwa yotango,” Kauandenge ta popi.”Omupresidende omukuluntu Nujoma ota vulu wo okutinda oshinima shika molwashoka okutunga kwoSwapo kombanda yevi itaku vulu okulanda okatekete komEgulu.”Pethimbo ndika sho Aanamibia taya nana nondatu kombinga yoondando dhiikulya nosho wo iinia yilwe ndhoka dha londa, etokolo ndyoka kali shi owala lyuuhwenge, itali ulike nawa, ashike oli li enkawa enene moshipala shAanamibia oyendji mboka taya hupu nuudhigu, ongundu ndjika tayi popi ngaaka pamushangwa mEtitano lya zi ko.Inashi simana nando okutungila Nujoma oombelewa oompe, omushangwa tagu popi ngaaka.”Onkatu ye oyi ni yopaigwana nenge oproyeka yini po yopaigwana ha longo nayo? Nujoma ina indilwa nando okashona a kwatelekomeho oonkundathana momakuyunguto nando olimwe nenge a kuthe ombinga pauyemwene miinima ya simana muuyuni ngaashi aaleli aakulu yooNelson Mandela, Katumile Masire nenge Thabo Mbeki,” RDP ta popi ngaaka.”Nando ongaaka, aawiliki mboka aakulu ya simana inaya tungilwa wo oombelewa oompe.””Otwa hala wo okutseya kutya omolwashike ombelewa ndjoka ya li nale yOmbudsman moka ngashiingeyi mu Nujoma inayi gwana.Omolwashike a pulwa ehala enene?” RDP ta pula ngaaka.Epangelo oli na omatungo omanene pomahala omawanawa mOvenduka mpoka tashi vulika limwe lyomugo tali vulu okuningwa nawa etali longithwa kOmupresidende omukulu, ongundu yompilameno tayi thaneke ngaaka.”Oshinima shika oshi li ehepitho lyoshimaliwa shoshigwana molwashoka Nujoma ke li we omunambelewa gwoshigwana.Etokolo ndika lyoku mu tungila ombelewa otali ningwa nelalakano lyoku mu galulila nuunambelewa woshigwana?” RDP ta pula ngaaka.Epangelo olya puka mokutula kumwe iilalakanenwa yalyo, ongundu ndjika yoRDP tayi popi ngaaka.”Oonkalo dhIipangelo yetu otadhi ende tadhi gu pevi, omeya gokunwa ga yela inaga thika natango koshigwana ashihe, oosikola unene tuu komahala gokomikunda kadhi na natango iilongitho.Oosikola odha pumbwa aalongisikola nomambo.Otatu indile kEpangelo li kale lya ningulula etokolo ndika meendelelo,” opaati ndjika tayi pula ngaaka.Ongundu yilwe yedhina Namibia Democratic Movement for Change (NDMC) oya popi sha faathana kutya oya limbililwa kutya ewiliko lyoSwapo olya hala naanaa okuningina opo li tameke okulanda omahupilo gopapolitika mokati komaupyakadhi ngoka taga thiminike ngaashi okuheniilonga noluhepo.Pahokololo lyomugandjimulombo gwongundu ndjika Joseph Kauandenge, etokolo lyOkabinete okulongitha oshimaliwa shoomiliyuna 21,6 momuntu gumwe otashi ulike “uuhasha nesimaneko lyokutula omuntu gwontumba muukengeli” pehala lyoohepele.”Otatu indile kEpangelo li talulule etokolo ndika molwashoka oproyeka ndjika kayi li miilalakenenwa yotango,” Kauandenge ta popi.”Omupresidende omukuluntu Nujoma ota vulu wo okutinda oshinima shika molwashoka okutunga kwoSwapo kombanda yevi itaku vulu okulanda okatekete komEgulu.”