Gumwe a kwatwa po shi na sha nefiko lyuutekulu momakana

O POLISI yomOshitopolwa sha Hangwena oya lopota kutya oya kwata po omukulukadhi gwoomvula 55 shi na sha nefiko lyuutekulu we uyali momakana sho wa lya mo aniwa ombelela yondjuhwa mokambiga.

Omupopiliko gwOpolisi mOshitopolwa sha Hangwena Konstabela Abner Kaume Iitumba ta ti kutya meme gwedhina Ndateelela Lukas gwomomukunda Onamafila mUukwanyama mOshikandjohogololo sha Kongo, mOsoondaha ndjika ya zi ko okwa dhipaga ondjuhwa ye noku yi tula po (peziko). Ta lombwele uutekulu we wuukadhona uyali, kamwe koomvula hamano (6) nakakwawo koomvula heyali (7) wu tale po pokambiga ke mpoka manga tayi lwopuushiinda.Meme Ndateelela hoka a yi ina za ko we mbala.Uunona owa si ondjala nowa kutha ko kondjuhwa hoka nokulya, molwashoka meme Ndateelela ite ya a teleke, wu lye.Meme Ndateelela sho e ya okwa adha uunona kombelela yondjuhwa wa kutha ko walya.Oshinima shoka oshe mu geyitha noonkondo, nokwe wu dhenge.Ta kutha aniwa omulilo noku wu wawa komilungu.Ta kutha omakala gomulilo noku ga thindila momakana gawo moka, noku wu lombwela kutya inau lya we oonyama moombiga.Uunona owa puhuka nayi nokuninga iilalo iinene komilungu nomomakana.Uunona owa falwa koshipangelo sha Kongo hoka wu li tau mono epango pethimbo ndika.Oshiningwanima shika shi nyanyaleka osha lopotwa kOpolisi ndjoka ye ya mEtiyali lyoshiwika shika nokukwatwa po meme Ndateelela e tayi mu ningile oshipotha shokweehameka nayi omuntu nenge aantu.Okwa holoka nee ohela mOmpangu ya Mengestrata pEenhana.Ina pulwa manga a hokolole oshindji noshipotha she osha tsilikwa manga omolu ekonaakono lyOpolisi.Konstabela Iitumba ota ti wo kutya Opolisi yawo ya Hangwena oya kwata po omulumentu gwoomvula 45, a adhika niipakete yomakende gomapunyaapunya noshowo yuulehita, taku fekelwa kutya okwe yi yaka pokuma.Ongushu yomakende nuulehita mboka, Konsatabela Iitumba ota ti kutya, oyi li poN$6180.00.Omulumentu nguka taku tiwa kutya oye Simion Shipeta okwa holokele meti 22 Oktoba 2008 mOmpangu ya Mengestrata mOshakati noshipotha shokwaadhika niinima tayi fekelwa ya yakwa.Ina pulwa a hokolole oshindji manga noshipotha she osha tsilikwa omolu omakonaakono gOpolisi.Ta lombwele uutekulu we wuukadhona uyali, kamwe koomvula hamano (6) nakakwawo koomvula heyali (7) wu tale po pokambiga ke mpoka manga tayi lwopuushiinda.Meme Ndateelela hoka a yi ina za ko we mbala.Uunona owa si ondjala nowa kutha ko kondjuhwa hoka nokulya, molwashoka meme Ndateelela ite ya a teleke, wu lye.Meme Ndateelela sho e ya okwa adha uunona kombelela yondjuhwa wa kutha ko walya.Oshinima shoka oshe mu geyitha noonkondo, nokwe wu dhenge.Ta kutha aniwa omulilo noku wu wawa komilungu.Ta kutha omakala gomulilo noku ga thindila momakana gawo moka, noku wu lombwela kutya inau lya we oonyama moombiga.Uunona owa puhuka nayi nokuninga iilalo iinene komilungu nomomakana.Uunona owa falwa koshipangelo sha Kongo hoka wu li tau mono epango pethimbo ndika.Oshiningwanima shika shi nyanyaleka osha lopotwa kOpolisi ndjoka ye ya mEtiyali lyoshiwika shika nokukwatwa po meme Ndateelela e tayi mu ningile oshipotha shokweehameka nayi omuntu nenge aantu.Okwa holoka nee ohela mOmpangu ya Mengestrata pEenhana.Ina pulwa manga a hokolole oshindji noshipotha she osha tsilikwa manga omolu ekonaakono lyOpolisi.Konstabela Iitumba ota ti wo kutya Opolisi yawo ya Hangwena oya kwata po omulumentu gwoomvula 45, a adhika niipakete yomakende gomapunyaapunya noshowo yuulehita, taku fekelwa kutya okwe yi yaka pokuma.Ongushu yomakende nuulehita mboka, Konsatabela Iitumba ota ti kutya, oyi li poN$6180.00.Omulumentu nguka taku tiwa kutya oye Simion Shipeta okwa holokele meti 22 Oktoba 2008 mOmpangu ya Mengestrata mOshakati noshipotha shokwaadhika niinima tayi fekelwa ya yakwa.Ina pulwa a hokolole oshindji manga noshipotha she osha tsilikwa omolu omakonaakono gOpolisi.