Swapo ina yelithila nawa oshigwana kombinga ya MCAO

NGUNDU tayi pangele yo Swapo inayi shi koleka nenge yi shi pataneke kutya oya tokola kutya ondokumende ya kilikita yi na sha nOakaunda yoshimaliwa shi na sha nomapendulepo mu Namibia (sha gandjwa ku Amerika) yedhina Millennium Challenge Account (MCA) itayi ka kundathanwa we mOmutumba gwOpashigwana.

Amushanga-Ndjayi gwo Swapo Pendukeni Iivula-Ithana okwa ti kutya oshigongi shOkangundu okaningimatokola omanene mOpaati (Politburo) shoka sha li ko mEtitano, osha li sha tokola kutya Omutumba gwOpashigwana (ogu na okuungaunga netsokumweuvathano lyo Millenium Challenge. “Ondokumende oyi li komeho gOparlaimende na otayi ka kundathanwa.Natu gandje ompito kOparliamende yi yi tale,” Iivula-Ithana ta popi ngaaka.Iivula-Ithana shika okwa li e shi popi poshigongi shiikundaneki okugandja koshigwana shoka sha tokolwa po pOshigongi shoPolitburo, mpoka pwa li wo iilyo yEwawa lyAakuluntu mOpaati noyehangano lyOmahangano gAaniilonga mu Namibia/National Union of Namibian Workers (NUNW).Ihe sho Oshifo shika she mu undula a popye shayela mo ngele opaati oya kutha mo shili ondokumende ndjika mOmutumba gwOpashigwana nenge aawe, Iivula-Ithana ina yamukula epulo ndika e li ukilila.”Oparliamende otayi ka tokola kutya ondokumende oyi na okuningwa ngiini,” Iivula-Ithana ta popi.Oonzo dhomauyelele moSwapo odha popi kutya okangundu okaningimatokolo omanene gopapolitika moSwapo, oka li ka tokola okukutha mo ondokumende ndjika mOmutumba gwOpashigwana opo natango yi konakonwe kOkabinete.Nande ongaaka, Iivula-Ithana okwe shi koleke kutya Opaati oya tota po Okakomitiye ka thikama po momitse ominene, ke li mewiliko lyOminista yOohi Abraham Iyambo.Oonzo dhomauyelele odha popi kutya Okakomitiye haka otaka ka konakona omapopyo gEwawa lyAagundjuka moSwapo na konima yomakonakono gako, otaka ka gandja oshizemo sholopota yako kopaati na omatokolo ngoka taga ka ningwa po kopaati kombinga yondokumende ndjika, otaga ka kala nee gi ikwatelela kolopota ndjoka.Omuprimaminista Nahas Angula okwa tegelelwa a ka konge po omukalo gokulombwela Omutumba gwOpashigwana kutya ondokumende oya kuthwa mo manga mOparliamende, pwaa na okweeta uupyakadhi.Mehuliloshiwike, kasha li sha yela ngele oshi li tuu pamulandu gOparliamende okuninga ngaaka, molwashoka Ominista yIilonga nOmakwatathano Helmut Angula okwa tula nale ondokumende ndjika poshitaafula.Ewawa lyAagundjuka mo Swapo nenge Swapo Party Youth League (SPYL) oli ikwata iinima yimwe metsokumweuvathano ndika, taya ti kutya Aamerika oya hala okumona ko wo uuwanawa.SPYL okwa ti Amerika – okupitila maapunguli yopaumwene yokoshilongo shoka – okwa hala okukutha po Ookamba dhaatalelipo mbali moshikukunino shiiyamakuti sha Etosha nosho wo dhilwe mbali moopaarka dhiiyamakuti kOnooli.Ewawa lyAagandjuka olya li wo lya ningi nokuli eindilo kutya Minista Angula, ngoka oye shaina etsokumweuvathano ndika na tidhwe molwashoka aniwa okwa li a holeke Okabinete uuyelele umwe manga ina shaina.Yimwe yomoondokumende ndhoka dha monika kOshifo shika omathimbo ga zi ko otayi ti kutya Uuministeli wOmundhingoloko nOmatalelopo otau ka gandja Ookamba mbali dhaatalelipo nenge epitiko kAamerika ya tunge mEtosha nosho wo Ookamba mbali dhaatalelipo moopaarka dhiiyamakuti mOnooli ya Namibia, uule woomvula ngele odhindji dha konda pumolungo, ndhoka tadhi ka kala aniwa dhi na omatsokumweuvathano nomagamenwahala ngoka ge li uushiinda noopaarka ndhoka.Ewawa lyAagundjuka oli wete nee kutya oshinima shika osho ashike osha eta nale omalimbililo kutya nani Aamerika otaya gandja oshimaliwa shika molwashoka oya hala okuya oonyala meliko lya Namibia.Nande ongaaka, Okomisi yi na sha nomayambulopo gopashigwana/National Planning Commission nOmbelewa yOmukalelipo gwAamerika mu Namibia, oya ekelehi omapopyo ngaka.”Ondokumende oyi li komeho gOparlaimende na otayi ka kundathanwa.Natu gandje ompito kOparliamende yi yi tale,” Iivula-Ithana ta popi ngaaka.Iivula-Ithana shika okwa li e shi popi poshigongi shiikundaneki okugandja koshigwana shoka sha tokolwa po pOshigongi shoPolitburo, mpoka pwa li wo iilyo yEwawa lyAakuluntu mOpaati noyehangano lyOmahangano gAaniilonga mu Namibia/National Union of Namibian Workers (NUNW).Ihe sho Oshifo shika she mu undula a popye shayela mo ngele opaati oya kutha mo shili ondokumende ndjika mOmutumba gwOpashigwana nenge aawe, Iivula-Ithana ina yamukula epulo ndika e li ukilila.”Oparliamende otayi ka tokola kutya ondokumende oyi na okuningwa ngiini,” Iivula-Ithana ta popi.Oonzo dhomauyelele moSwapo odha popi kutya okangundu okaningimatokolo omanene gopapolitika moSwapo, oka li ka tokola okukutha mo ondokumende ndjika mOmutumba gwOpashigwana opo natango yi konakonwe kOkabinete.Nande ongaaka, Iivula-Ithana okwe shi koleke kutya Opaati oya tota po Okakomitiye ka thikama po momitse ominene, ke li mewiliko lyOminista yOohi Abraham Iyambo.Oonzo dhomauyelele odha popi kutya Okakomitiye haka otaka ka konakona omapopyo gEwawa lyAagundjuka moSwapo na konima yomakonakono gako, otaka ka gandja oshizemo sholopota yako kopaati na omatokolo ngoka taga ka ningwa po kopaati kombinga yondokumende ndjika, otaga ka kala nee gi ikwatelela kolopota ndjoka.Omuprimaminista Nahas Angula okwa tegelelwa a ka konge po omukalo gokulombwela Omutumba gwOpashigwana kutya ondokumende oya kuthwa mo manga mOparliamende, pwaa na okweeta uupyakadhi.Mehuliloshiwike, kasha li sha yela ngele oshi li tuu pamulandu gOparliamende okuninga ngaaka, molwashoka Ominista yIilonga nOmakwatathano Helmut Angula okwa tula nale ondokumende ndjika poshitaafula.Ewawa lyAagundjuka mo Swapo nenge Swapo Party Youth League (SPYL) oli ikwata iinima yimwe metsokumweuvathano ndika, taya ti kutya Aamerika oya hala okumona ko wo uuwanawa.SPYL okwa ti Amerika – okupitila maapunguli yopaumwene yokoshilongo shoka – okwa hala okukutha po Ookamba dhaatalelipo mbali moshikukunino shiiyamakuti sha Etosha nosho wo dhilwe mbali moopaarka dhiiyamakuti kOnooli.Ewawa lyAagandjuka olya li wo lya ningi nokuli eindilo kutya Minista Angula, ngoka oye shaina etsokumweuvathano ndika na tidhwe molwashoka aniwa okwa li a holeke Okabinete uuyelele umwe manga ina shaina.Yimwe yomoondokumende ndhoka dha monika kOshifo shika omathimbo ga zi ko otayi ti kutya Uuministeli wOmundhingoloko nOmatalelopo otau ka gandja Ookamba mbali dhaatalelipo nenge epitiko kAamerika ya tunge mEtosha nosho wo Ookamba mbali dhaatalelipo moopaarka dhiiyamakuti mOnooli ya Namibia, uule woomvula ngele odhindji dha konda pumolungo, ndhoka tadhi ka kala aniwa dhi na omatsokumweuvathano nomagamenwahala ngoka ge li uushiinda noopaarka ndhoka.Ewawa lyAagundjuka oli wete nee kutya oshinima shika osho ashike osha eta nale omalimbililo kutya nani Aamerika otaya gandja oshimaliwa shika molwashoka oya hala okuya oonyala meliko lya Namibia.Nande ongaaka, Okomisi yi na sha nomayambulopo gopashigwana/National Planning Commission nOmbelewa yOmukalelipo gwAamerika mu Namibia, oya ekelehi omapopyo ngaka.