Oomeme yaali yomOshakati ya hulitha miiponga yiihauto

O OMEME aagundjuka yaali yomOshakati mOshitopolwa sha Shana nomulongisikola pOseko ya Eengendjo pOmungwelume mOshitopolwa sha Hangwena oya si omaso gombaadhilila sho iihauto moka ya li aafaalelwa ya kandoma nokugalangata.

Omuniilonga mOmbaanga yOtango yOpashigwana Blandina Dala gwoomvula 20 okwa si eso lyombaadhilila sho ohauto yokaVenture moka a li ya gu ko kopate pokati kOshivelo nOshomeya ndele taka galangata ko. Nakusa Blandina omonakadhona gwa tate Zii Dala nokwa kala pegumbo lyaakuluntu ye mEvululuko mOshakati.Okwa fumvikilwe mOsoondaha ya zi ko kOntananga mOndonga moshitopolwa sha Shikoto, hoka kwa kala meme gwe.Mokambesa hoka kalya Blandina Dala, omwa hulithila wo omulongisikola a tseyika nawa gwomOngwediva, ha longele kOseko yokEengendjo kOmungwelume, tate Petrus Kashilula gwoomvula 45 lwaampoka..Nakusa tate Kashilula, ngoka a fumvikwa mOlyomakaya ga zi ko mOngwediva, okuzilila mOngeleka yawo ya Gloria Dei, okwa thiga ko uunona we.Pokati mpoka, meme gwomunangeshefa omugundjuka gwomOshakati gwedhina Lordes (Tita) Mathias Moshe gwoomvula 42 lwaampoka, okwa mana oondjenda dhe ombaadhilila shom ohauto moka a li ya kandomene mondjila onene yopokati kOshakati nOndangwa ongula onene yEtitano lya zi.Nakusa Tita, omonakadhona gwomunangeshefa a tseyika nawa gwomOneshila mOshakati tate Mathias Moshe, nedhina lya tseyika nawa tate Shitenyabar.Nakusa Tita, okwa thiga ko nee tate gwe Mathias Moshe na meme gwe Julieta Moshe, aanona ye ye li yane, aamati yaali naakadhona yaali, aamwayina aamati omugoyi (9) naakadhona yatano (5).Omumwayinamati Zezijo Moshe, okwa lombwela The Namibian kutya mumwayina nakusa Tita, ota fumvikwa mOlyomakaya mOshakati okuzilila mOngeleka yawo ya Katoolika ka Roma mOshakati.Oshituthidhimbuluko she otashi ka kala ko mEtitano komatango pegumbo lyaakuluntu ye pootate Shitenyabar mOneshila mOshakati.Nakusa Blandina omonakadhona gwa tate Zii Dala nokwa kala pegumbo lyaakuluntu ye mEvululuko mOshakati.Okwa fumvikilwe mOsoondaha ya zi ko kOntananga mOndonga moshitopolwa sha Shikoto, hoka kwa kala meme gwe.Mokambesa hoka kalya Blandina Dala, omwa hulithila wo omulongisikola a tseyika nawa gwomOngwediva, ha longele kOseko yokEengendjo kOmungwelume, tate Petrus Kashilula gwoomvula 45 lwaampoka..Nakusa tate Kashilula, ngoka a fumvikwa mOlyomakaya ga zi ko mOngwediva, okuzilila mOngeleka yawo ya Gloria Dei, okwa thiga ko uunona we.Pokati mpoka, meme gwomunangeshefa omugundjuka gwomOshakati gwedhina Lordes (Tita) Mathias Moshe gwoomvula 42 lwaampoka, okwa mana oondjenda dhe ombaadhilila shom ohauto moka a li ya kandomene mondjila onene yopokati kOshakati nOndangwa ongula onene yEtitano lya zi.Nakusa Tita, omonakadhona gwomunangeshefa a tseyika nawa gwomOneshila mOshakati tate Mathias Moshe, nedhina lya tseyika nawa tate Shitenyabar.Nakusa Tita, okwa thiga ko nee tate gwe Mathias Moshe na meme gwe Julieta Moshe, aanona ye ye li yane, aamati yaali naakadhona yaali, aamwayina aamati omugoyi (9) naakadhona yatano (5).Omumwayinamati Zezijo Moshe, okwa lombwela The Namibian kutya mumwayina nakusa Tita, ota fumvikwa mOlyomakaya mOshakati okuzilila mOngeleka yawo ya Katoolika ka Roma mOshakati.Oshituthidhimbuluko she otashi ka kala ko mEtitano komatango pegumbo lyaakuluntu ye pootate Shitenyabar mOneshila mOshakati.