Iingangamithi yi itsuwa ishewe mohauto poKeetmanshoop

O POLISI oya li ya dhitike nokukwata ko ohauto yimwe konima sho kwa monika iingangamithi hayi ithanwa Cocane yookilongarama omugoyi oshinkwanu ne (9,4 kg) konima sho ya adhika mohauto ndjoka.

Otaku popiwa nee ngeyi kutya iingangamithi mbika oyi na ongushu yoondola oomiliyuna ne oshinkwanu heyali (N$4,7 million) pandando yomomapandaanda. Aakwashigwana ya Angola yaali mboka ya li ya dhitikilwa poKeetmanshoop mu Desemba omumvo gwa zi ko, oya li ishewe ya holoka mOmpangu ya Mengestrata poKeetmanshoop noshipotha shilwe oshitalala shokulonga niingangamithi.Mbaka yaali oyo nee Daniel Joao Paulo gwoomvula 40 na Josue Manuel Antonio gwoomvula 42.Oya kala konima yekumba okuza mu Desemba 2007, sho iingangamithi yoCocane yongushu yoondola oomiliyuna omulongo nahamano (N$16 million) ya adhika mohauto yawo ndjoka ya li taya hingi.Iingangamithi mbika oya li ya monika konima sho Opolisi ya li ya sitopa ohauto yaalumentu mbaka pobloka yimwe omanga owala ku na ookilometa mbali lwaampoka okuthika moKeetmanshoop.Pahokololo lyOpolisi, oya li ya yakelwako kutya mohauto yaakwashigwana ya Angola ndjoka ya kwatwa ko kOpolisi, omu na natango iingangamithi yilwe ya holekwa.Aniwa aalumentu mbaka yaali oya li taya kambadhala okukonga omuntu gwontumba ngoka ta vulu okuteya nokuyaka mo iingangamithi yilwe mbyoka ya thigala mohauto yawo ndjoka.Paulo na Antonio otaya ka galukila ishewe kOmpangu momasiku 3 Desemba nuumvo.Aakwashigwana ya Angola yaali mboka ya li ya dhitikilwa poKeetmanshoop mu Desemba omumvo gwa zi ko, oya li ishewe ya holoka mOmpangu ya Mengestrata poKeetmanshoop noshipotha shilwe oshitalala shokulonga niingangamithi.Mbaka yaali oyo nee Daniel Joao Paulo gwoomvula 40 na Josue Manuel Antonio gwoomvula 42.Oya kala konima yekumba okuza mu Desemba 2007, sho iingangamithi yoCocane yongushu yoondola oomiliyuna omulongo nahamano (N$16 million) ya adhika mohauto yawo ndjoka ya li taya hingi.Iingangamithi mbika oya li ya monika konima sho Opolisi ya li ya sitopa ohauto yaalumentu mbaka pobloka yimwe omanga owala ku na ookilometa mbali lwaampoka okuthika moKeetmanshoop.Pahokololo lyOpolisi, oya li ya yakelwako kutya mohauto yaakwashigwana ya Angola ndjoka ya kwatwa ko kOpolisi, omu na natango iingangamithi yilwe ya holekwa.Aniwa aalumentu mbaka yaali oya li taya kambadhala okukonga omuntu gwontumba ngoka ta vulu okuteya nokuyaka mo iingangamithi yilwe mbyoka ya thigala mohauto yawo ndjoka.Paulo na Antonio otaya ka galukila ishewe kOmpangu momasiku 3 Desemba nuumvo.