Aamuthiya taya indile Elelo lyawo li tameke iilonga nondjungu

A AKALIMO yomOmuthiya oye uvite nawa sho ya hogolola Elelo lyawo nOokansela dhawo, ashike nee otaya ti kutya oya hala okweetelwa ehumokomeho mondoolopa yawo ndjoka.

Aakalimo taya ti kutya iikonga yomahogololo mbyoka ya kala moka, naanapolotika ya kala nokutukatha, ya hula nee ngiika konima yomahogololo, noye uvite nee kutya Ookansela ndhoka dha hogololwa, ano ngashiSamwel Shivute, Selma Nakaziko, Katrina Uusiku, Moses Amukoto, Heskiel Nanyeni, Hishekwa Mwetuhanga na Toivo Nghilalulwa, otaya ka longelakumwe nokulonga moluuwanawa woshigwana shoka she ya hogolola. Yamwe yo RDP otaya ti kutya ngoka a kala ta ulwa kutya “Osingusingu”, nena oku li mEpangelo lyElelo lya Muthiya nosha yela kutya mboka haya ti kutya, yomOmuthiya mboka kaye shi yOswapo inaya pewa omeya, hasho tashi ka kala mElelo lya Muthiya.Taya ti kutya osha yela kutya mElelo lya Muthiya Ookaansela mboka ye li mo, itaye kiipa ashike omeya, ihe nootee wo kumwe nookoofi.”Tala nkene shoopala omuntu namumwayina ye li pamwe nombili”, taya ti ngawo nokugandja euvonawa lyawo sho Kalunga aniwa e shi enditha ngawo, Moses Amukoto naye a mone oshipundi mElelo lya Muthiya, ngashi e shi kondjela ethimbo ele.”Sho nee twa hogolola ngeyi, otwa hala Omuthiya gu kale ondoolopa lela.Twa hala Aapunguli, ano Aanangeshefa aanene yee ya tunge oongeshefa dhawo oonene mOmuthiya.MOmuthiya mu tungwe Oofaabulika oonene opo oshigwana shomOmuthiya, unene tuu shoka oshigundjuka shi mone iilonga.Otwa hala Omuthiya gu kale ondoolopa yopashinanena, ya tungwa nawa palandulathano noya yela nawa.”Twa hala mwa tungwa Iipangelo, Uuklinika, Oosikola, Ookinde, Osasiona yOpolisi yopashinanena, Oongaashe dhokunwethele omahooli, oondjila oombwanawa, mwa tulwa omalusheno, mu na omeya ga yela noshowo oondama nominino dhohanya ngashi moondoolopa oonkwawo.Twa hala mOmuthiya mwa tungwa Oobaanga dhi ili nodhi ili nosho wo Oombelewa dhEpangelo dhi ili nodhi ili opo oshigwana shi yakulwe nawa mOmuthgiya muka paendondo adhihe dhonkalamwenyo yomuntu,” Nangolo Auala, osho wo Taimi Nashikaku, Ambrosius Haufiku, Martha Armandu, Frieda Nekwaya nosho wo tatekulu Matheus Kalume ngoka e li mwene gwomukunda Omadhiya moshitopolwa sha Muthiya, taya ti ngawo pethimbo ya li moonkundathana noThe Namibian pOmuthiya mpoka konima yokuhogolola.Ayehe oya hogololela mOngeleka ya Elcin pOmuthiya mpoka.Oyendji wo yalwe ya popiwa nayo kOshifo shika, nayo osho taya popi ngawo.Ashike yamwe oye na omaipulo kutya Elelo lya Muthiya, ngele tali ka tembudha aantu pomahala gawo,ya yapukile ehumokomeho, otali ke ya futa tuu nawa, nenge otali ka eta po ashike oontamanana pokati kalyo naakalimo.Meme gumwe ota ti kutya ye itaka pitika nande a kuthwe pehala lye ina futwa nawa, omanga Kuku gumwe a ti kutya ye itaka pitika nande a kuthwe pehala lye.Oyendji yomaagundjuka, ngashi Hendrick Jason na Seleste mboka ye li ngashiingeyui aakalimo yomOkashana kIingo mOmuthiya, otaya ti kutya sho ya hogolola ngeyi oya pumbwa iilonga.Taya ti kutya otaya indile kElelo lyawo ndyoka ya hogolola yoyene, li itule mo mokukonga aapunguli aanene yee ya ninge oongeshefa mOmuthiya opo oshigwana shomOmuthiya, unene tuu shoka oshigundjuka shi mone iilonga.Taya ti kutya Elelo nali tunge Oosenda dhaagundjuka moka aagundjuka taya vulu okuya nokwiiyunganeka nawa.Omugundjuka gwedhina Matheus Shipanga, ngoka ta ende kokatemba, ota ti kutya yo mboka yomaulema gi ili nogi ili yomOmuthiya otaya indile kElelo lyawo li ya tungile Oosenda dhAanuulema moka taya vulu okukala taya kundathana omaudhigu niinima yilwe ye ya pamba.Shipanga ta indile wo kElelo lyawo epe, li uvithe ko aatungi yomatungo mOmuthiya nooyene yago, ya kale taye ga tungu ge na uuyendelo kaanuulema, unene tuu mboka yokuutemba.Ookansela yEelo lya Muthiya ayehe yaheyali ngashi ya tumbulwa metetekelo, otaya ganithilwa miilonga yawo omutenya gwonena pOmuthiya.Tashi ningilwa moombelewa dhawo oompe mOmuthiya moka.Kakele ka Kansela Moses Amukoto gwoRDP, Ookansela ayehe oyoSwapo.Ethano tala kepandja eti 19.Yamwe yo RDP otaya ti kutya ngoka a kala ta ulwa kutya “Osingusingu”, nena oku li mEpangelo lyElelo lya Muthiya nosha yela kutya mboka haya ti kutya, yomOmuthiya mboka kaye shi yOswapo inaya pewa omeya, hasho tashi ka kala mElelo lya Muthiya.Taya ti kutya osha yela kutya mElelo lya Muthiya Ookaansela mboka ye li mo, itaye kiipa ashike omeya, ihe nootee wo kumwe nookoofi.”Tala nkene shoopala omuntu namumwayina ye li pamwe nombili”, taya ti ngawo nokugandja euvonawa lyawo sho Kalunga aniwa e shi enditha ngawo, Moses Amukoto naye a mone oshipundi mElelo lya Muthiya, ngashi e shi kondjela ethimbo ele.”Sho nee twa hogolola ngeyi, otwa hala Omuthiya gu kale ondoolopa lela.Twa hala Aapunguli, ano Aanangeshefa aanene yee ya tunge oongeshefa dhawo oonene mOmuthiya.MOmuthiya mu tungwe Oofaabulika oonene opo oshigwana shomOmuthiya, unene tuu shoka oshigundjuka shi mone iilonga.Otwa hala Omuthiya gu kale ondoolopa yopashinanena, ya tungwa nawa palandulathano noya yela nawa.”Twa hala mwa tungwa Iipangelo, Uuklinika, Oosikola, Ookinde, Osasiona yOpolisi yopashinanena, Oongaashe dhokunwethele omahooli, oondjila oombwanawa, mwa tulwa omalusheno, mu na omeya ga yela noshowo oondama nominino dhohanya ngashi moondoolopa oonkwawo.Twa hala mOmuthiya mwa tungwa Oobaanga dhi ili nodhi ili nosho wo Oombelewa dhEpangelo dhi ili nodhi ili opo oshigwana shi yakulwe nawa mOmuthgiya muka paendondo adhihe dhonkalamwenyo yomuntu,” Nangolo Auala, osho wo Taimi Nashikaku, Ambrosius Haufiku, Martha Armandu, Frieda Nekwaya nosho wo tatekulu Matheus Kalume ngoka e li mwene gwomukunda Omadhiya moshitopolwa sha Muthiya, taya ti ngawo pethimbo ya li moonkundathana noThe Namibian pOmuthiya mpoka konima yokuhogolola.Ayehe oya hogololela mOngeleka ya Elcin pOmuthiya mpoka.Oyendji wo yalwe ya popiwa nayo kOshifo shika, nayo osho taya popi ngawo.Ashike yamwe oye na omaipulo kutya Elelo lya Muthiya, ngele tali ka tembudha aantu pomahala gawo,ya yapukile ehumokomeho, otali ke ya futa tuu nawa, nenge otali ka eta po ashike oontamanana pokati kalyo naakalimo.Meme gumwe ota ti kutya ye itaka pitika nande a kuthwe pehala lye ina futwa nawa, omanga Kuku gumwe a ti kutya ye itaka pitika nande a kuthwe pehala lye.Oyendji yomaagundjuka, ngashi Hendrick Jason na Seleste mboka ye li ngashiingeyui aakalimo yomOkashana kIingo mOmuthiya, otaya ti kutya sho ya hogolola ngeyi oya pumbwa iilonga.Taya ti kutya otaya indile kElelo lyawo ndyoka ya hogolola yoyene, li itule mo mokukonga aapunguli aanene yee ya ninge oongeshefa mOmuthiya opo oshigwana shomOmuthiya, unene tuu shoka oshigundjuka shi mone iilonga.Taya ti kutya Elelo nali tunge Oosenda dhaagundjuka moka aagundjuka taya vulu okuya nokwiiyunganeka nawa.Omugundjuka gwedhina Matheus Shipanga, ngoka ta ende kokatemba, ota ti kutya yo mboka yomaulema gi ili nogi ili yomOmuthiya otaya indile kElelo lyawo li ya tungile Oosenda dhAanuulema moka taya vulu okukala taya kundathana omaudhigu niinima yilwe ye ya pamba.Shipanga ta indile wo kElelo lyawo epe, li uvithe ko aatungi yomatungo mOmuthiya nooyene yago, ya kale taye ga tungu ge na uuyendelo kaanuulema, unene tuu mboka yokuutemba.Ookansela yEelo lya Muthiya ayehe yaheyali ngashi ya tumbulwa metetekelo, otaya ganithilwa miilonga yawo omutenya gwonena pOmuthiya.Tashi ningilwa moombelewa dhawo oompe mOmuthiya moka.Kakele ka Kansela Moses Amukoto gwoRDP, Ookansela ayehe oyoSwapo.Ethano tala kepandja eti 19.