TransNamib a pewa oomiliyuna kEpangelo

E PANGELO olya zimina okugandja oshimaliwa shoomiliyuna omulongo nane (N$14 million) kehangano lya TransNamib konima sho ekanka lyaa li paveta lya thigi ehangano ndika otali vulu we okufuta oondjambi dhaaniilonga.

Omukuluntuwiliki gwopakathimbo mu TransNamib Mike Kavekotora okwa koleke mOmaandaha goshiwike shike kutya ehangano lyondalasipota olya li lya ningi eindilo kEpangelo opo li pewe oshimaliwa shoomiliyuna 52 (N$52 million). Kavekotora okwa lombwele The Namibian mOmaandaha kutya Epangelo olya zimina okugandja oomiliyuna 14,2 ku TransNam ib nolya thaneke kutya TransNamib naye kombaanga yomayambulepo nenge tutye Development Bank of Namibia oko a ka indile oshimaliwa shoka sha hupako.TransNamib okwa kala konyala uule woshiwike ita longo nando osha konima sho aaniilonga ya egeke iilongo noku ya mekanka ndyoka lya li lya kwatelwa komeho kehangano lyOmahangano gAaniilonga nenge tutye Namibia National Workers’ Union (NUNW) pamwe nehangano lyaaniilonga lya Namibia Transport Workers’ Union (Natau) mboka ya li ya hala Omukuluntuwiliki gwa TransNamib Titus Haimbili a shunwe miilonga.Titus Haimbili okwa li a kuthwa miilonga pakathimbo kOlaata ya TransNamib omwedhi gwa zi ko.Paendokumende ndhoka dha pewa Ompangu, TransNamib okwa li a popi ngeyi kutya ekanka ndyoka olye mu kanithitha oshimaliwa shoondola oomiliyuna ntano mesiku (N$ 5 million).Ekanka ndika olya gumu wo nayi oondjambi dhaaniilonga.Tango ehangano ndika olya li lya tseyitha ngeyi kutya itali ka futa aaniilonga omasiku ngoka ya kala mekanka.Oshinima shilwe shoka sha li sha kumitha aaniilonga osho shoka kutya inaya mona oondjambi dhawo mEtitano lya hugunina lyokomwedhi ngaashi haye dhi mono shito.”Omupya omunene onkalo yetu yopashimaliwa oya yi kuuwinayo konima yekanka.Molwashoka ohatu yakula iimaliwa yetu okuza kookastoma pokati komasiku 25 nomasiku 30, otwa ningi nee etokolo lyokutegelela manga tu mone oshimaliwa sha gwana moakaunta yetu omanga inatu shi futa po ishewe,” Kavekotora ta popi ngaaka.Okwa popi wo ngeyi kutya okwi inekela kutya eindilo lyawo kOmbaanga yOmayambulepo otali ka enda nawa – nokwa kambadhala okudhima po omapopyo kutya oombaanga dhilwe odha li momalimbililo kombinga yokutanutha oloona dhadho ku TransNamib konima sho Omukuluntuwiliki gwa TransNamib Titus Haimbili a kuthwa miilonga pakathimbo kOlaata.Ta ti nando nee Oomenindjela dhimwe moombaanga moka odha li dha ulike omalimbililo gadho kombinga yoshinima shika paumwene, oombaanga dhodhene “odha thikama pauprofesore ethimbo alihe”.Pamushangwa ngoka gwa li gwa pitithwa ku TransNamib kombinga yomapulo kombinga yoombaanga, omugandjimulombo gwa TransNamib Aily Hangula-Paulino okwa li a popi ta ti: “Konima sho Omukuluntuwiliki a tulwa okafudho kowina, ….iikondo yontumba mwakwatelwa niikondo yiimaliwa oya li ya ulike eikwato lyawo kombinga yiilonga netsikilo lyomayakulo mu TransNamib.”Oonzo odha li nee dha popi ngeyi kutya oombaanga odhi ikwata dhoka taku popiwa kutya okwaana ewiliko li li nawa mu TransNamib opo oombaanga dhi vule okugandja oshimaliwa shoka hashi ithanwa ‘overdraft’.Haimbili okwa li a tulwa mokafudho kowina” sigo opehulilo lya Kotoba, omanga ehangano ndika tali ningi omakonakono kombinga yiilonga ya korapta mbyoka ta popilwa.Metitano lya zi ko, Haimbili okwa li a yi kOmpangu yAaniilonga opo a ka kondjithe ekutho lye miilonga pakathimbo, ashike oshipotha shika osha li sha ekelwahi mo mOmpangu molwashoka otayi popi kutya kayi na naanaa oonkondo oku shi pangula.Kepulo kutya omakonakono noshipotha shomeni lyokampani ndjika otashi ende ngiini kombinga yomapopyo ngoka taga popilwa Omukuluntuwiliki, Hangula-Paulino okwa popi kutya ina ningilwa natango omatamaneko nenge a holoke komeho gokakomitiye komazulo sigo omehuliloshiwike lya zi ko.Ashike omakononakono otaga tsikile, ta popi ngaaka.Aaniilonga oya li ya uvithwa nayi kOlaata sho ya kutha Haimbili miilonga omwedhi gwa zi ko, ashike ina ningilwa kwa li omatamaneko gaashoka she mu kuthitha miilonga.Ehangano lyomahangano gaaniilonga olya li lya yi mo olunyala moshinima nosho wo Ewawa lyAagundjuka moSwapo mboka ya li taya yambidhidha NUNW.Kavekotora okwa lombwele The Namibian mOmaandaha kutya Epangelo olya zimina okugandja oomiliyuna 14,2 ku TransNam ib nolya thaneke kutya TransNamib naye kombaanga yomayambulepo nenge tutye Development Bank of Namibia oko a ka indile oshimaliwa shoka sha hupako.TransNamib okwa kala konyala uule woshiwike ita longo nando osha konima sho aaniilonga ya egeke iilongo noku ya mekanka ndyoka lya li lya kwatelwa komeho kehangano lyOmahangano gAaniilonga nenge tutye Namibia National Workers’ Union (NUNW) pamwe nehangano lyaaniilonga lya Namibia Transport Workers’ Union (Natau) mboka ya li ya hala Omukuluntuwiliki gwa TransNamib Titus Haimbili a shunwe miilonga.Titus Haimbili okwa li a kuthwa miilonga pakathimbo kOlaata ya TransNamib omwedhi gwa zi ko.Paendokumende ndhoka dha pewa Ompangu, TransNamib okwa li a popi ngeyi kutya ekanka ndyoka olye mu kanithitha oshimaliwa shoondola oomiliyuna ntano mesiku (N$ 5 million).Ekanka ndika olya gumu wo nayi oondjambi dhaaniilonga.Tango ehangano ndika olya li lya tseyitha ngeyi kutya itali ka futa aaniilonga omasiku ngoka ya kala mekanka.Oshinima shilwe shoka sha li sha kumitha aaniilonga osho shoka kutya inaya mona oondjambi dhawo mEtitano lya hugunina lyokomwedhi ngaashi haye dhi mono shito.”Omupya omunene onkalo yetu yopashimaliwa oya yi kuuwinayo konima yekanka.Molwashoka ohatu yakula iimaliwa yetu okuza kookastoma pokati komasiku 25 nomasiku 30, otwa ningi nee etokolo lyokutegelela manga tu mone oshimaliwa sha gwana moakaunta yetu omanga inatu shi futa po ishewe,” Kavekotora ta popi ngaaka.Okwa popi wo ngeyi kutya okwi inekela kutya eindilo lyawo kOmbaanga yOmayambulepo otali ka enda nawa – nokwa kambadhala okudhima po omapopyo kutya oombaanga dhilwe odha li momalimbililo kombinga yokutanutha oloona dhadho ku TransNamib konima sho Omukuluntuwiliki gwa TransNamib Titus Haimbili a kuthwa miilonga pakathimbo kOlaata.Ta ti nando nee Oomenindjela dhimwe moombaanga moka odha li dha ulike omalimbililo gadho kombinga yoshinima shika paumwene, oombaanga dhodhene “odha thikama pauprofesore ethimbo alihe”.Pamushangwa ngoka gwa li gwa pitithwa ku TransNamib kombinga yomapulo kombinga yoombaanga, omugandjimulombo gwa TransNamib Aily Hangula-Paulino okwa li a popi ta ti: “Konima sho Omukuluntuwiliki a tulwa okafudho kowina, ….iikondo yontumba mwakwatelwa niikondo yiimaliwa oya li ya ulike eikwato lyawo kombinga yiilonga netsikilo lyomayakulo mu TransNamib.”Oonzo odha li nee dha popi ngeyi kutya oombaanga odhi ikwata dhoka taku popiwa kutya okwaana ewiliko li li nawa mu TransNamib opo oombaanga dhi vule okugandja oshimaliwa shoka hashi ithanwa ‘overdraft’.Haimbili okwa li a tulwa mokafudho kowina” sigo opehulilo lya Kotoba, omanga ehangano ndika tali ningi omakonakono kombinga yiilonga ya korapta mbyoka ta popilwa.Metitano lya zi ko, Haimbili okwa li a yi kOmpangu yAaniilonga opo a ka kondjithe ekutho lye miilonga pakathimbo, ashike oshipotha shika osha li sha ekelwahi mo mOmpangu molwashoka otayi popi kutya kayi na naanaa oonkondo oku shi pangula.Kepulo kutya omakonakono noshipotha shomeni lyokampani ndjika otashi ende ngiini kombinga yomapopyo ngoka taga popilwa Omukuluntuwiliki, Hangula-Paulino okwa popi kutya ina ningilwa natango omatamaneko nenge a holoke komeho gokakomitiye komazulo sigo omehuliloshiwike lya zi ko.Ashike omakononakono otaga tsikile, ta popi ngaaka.Aaniilonga oya li ya uvithwa nayi kOlaata sho ya kutha Haimbili miilonga omwedhi gwa zi ko, ashike ina ningilwa kwa li omatamaneko gaashoka she mu kuthitha miilonga.Ehangano lyomahangano gaaniilonga olya li lya yi mo olunyala moshinima nosho wo Ewawa lyAagundjuka moSwapo mboka ya li taya yambidhidha NUNW.