Okampani yaTransNamib otayi futithwa

OKAMPANI ya TransNamib oya lombwelwa yi fute oshimaliwa sha konda etata lyOmiliona komuniilonga gwalyo gumwe, ngoka ya li ya tidha miilongo papuko konyala omvula ntano dha piti.

TransNamib ehangano lyopapangelo olya lombwelwa kuMangestarata, Mikka Namweya kutya nali fute Bonifatius Bonny Shikalepo imaliwa mbyoka Olya lombwelwa wo kutya Shikalepo ngoka a longela TransNamib oomvula 26 na shunwe miilonga.Shikalepo okwa li a tidhwa miilonga sho a simonona okuyelwa komuniilonga omukwawo gumwe. Elombwelo okushuna miilonga olya gandjwa ku Namweya oshiwike sha ziko mompangu yaniilonga pOndangwa. Shikalepo ngoka a li Omutonateli gwOpakathimbo okulipo gwOdepota ya TransNamib okwa tu lilwe pevi muNovomba 2004 ta futwa ondjambi ye yi ihwapo, ndele nee shika oshaka lundululwa mu Januali 2005 sho ondjambi ye ya mwenekwa. Shikalepo okwa tulilwe pevi shoka anuwa anikaanika omulandu ngoka gwa landulwa oku yela Petrus Erkana a ye pehala lye.Shikalepo oye a li Omuwiliki gwa Erkana. Namweya shono a pulakene ehokololo okwa uvu kutya, Kin Tjiho, ngoka a konakonene noku gandja iilonga ku Erkana, okwa kuthilepo Shikalepo molwaashoka a ulike inaa panda oshinima shoka nkene sha ende.Tjiho ota ku tiwa oye a ningi ekonakono li nasha nokuuva nayi kwa Shikalepo, ta ngongopo omatamaneko , ye oye a li omunashipundi gwokangundu hoka ka pangula Shikalepo. Mangesitarata Namweya okwa ti osha yela mehokololo kutya Tjiho okwa mono Shikalepo ondjo noshongeyi okwe mu
tidha miilonga.Na Shikalepo shono a li inaa panda ekalepo lya, Tjiho pethimbo lyiihokolola, Tjiho okwa tindi oku mu pulakena.Shikalepo okwa indile egeelo lye li ta lululwe na Jack
Dempsey Omenindjela gwakwalukehe gwIilonga mu TransNamib , ngoka e na mo sha moshinima shekutho miilonga lya Shikalepo okwa ulikwa omunashipundi shokangundu hoka ka li taka talulula egeelo lya Shikalepo. Namweya okwa ti TransNamib okwa li e na okupulakena ekemo lya Shikalepo pehala lyokumuningila oshipotha. Nomalundilo ka ga li ga kolekwa kutya oge na oshili, ta gwe dha po ta ti Shikalepo okwa li woo a ningilwa oshipotha sha puka sho kwa ti wa okwa li a hala okutsa aaniilonga yakwawo omaminimi,shono anuwa a li e ya ithana e ya lombwele kutya ye ha ye we omuhona gwawo.Namweya a tsikile ta ti konima shono Shikalepo a shunwa pevi, ina pewa we oshilonga oshipe okwa kala ashike a kuutumba mombelewa. Okwa ti ehangano olyali li na okulandula omilandu dhalyo ndho ta dhi ti, molwondhino, Shikalepo okwa li e na oku pewa elondodho lyashangwa, omanga egeelo lyokwaahavulika okwa li e na oku pewa elondodho nomagandambadhi. Namweya okwa ti ka pwa li etompelo kutya omolwashike Tjiho na Dempsey inaa landula oompango dhehangano.Okwa ti Dempsey na Tjiho oya li ya gama ombinga miilonga yawo.Namweya okwa lombwele TransNamib a shune Shikalepo miilonga noshowo ye mu fute ondjambi ye okuza muFebuluwali 2005.Shikalepo okwa li a kalelwapo ku Jeff Tjitemisa. Tjitemisa oye a li omukalelipo gwopampango gwomeningela omukulu, Bernhardt!Gaeb ngoka a futilwe oodola dha Namibia 440 000, Erenfried Tjivi Ndjoonduezu, a pelwe oodola 640 000, Godhard !Howaeb a mwene oodola 470 000 noshowo Moses Mbai ngoka ehangano lya shunithile miilonga konima sho lye mu tidha shaa li pampango.