Okunyola omushangwa nguka okwa penduthwa koshipopiwa sha holokele moThe Namibian yeti: 20 Juli 2009 pepandja eti 25 kohi yoshipalanyolo:Inamu landa we moostola dhaanangeshefa yoongundu dhilwe. Ota ku tiwa elombwelo ndika olya gandjwa komusamane Armas Amukwiyu.
Mpaka otandi dhimbulutha aakriste ayehe kutya melongo lyuukriste ka tu na omulandu gwokuhalela yakwetu uuwinayi. Moshipango oshitiheyali sigo oshitimulongo shomiipango omulongo yaKalunga otwa lombwelwa nkene tu na okukala nayakwetu.Aakriste aantu yelandulathano haya landula ompango ndjoka yaziminwa noya kolekwa. Onkene ongaakriste ina mu landula iipango yopombambo. Ndele landuleni Ekotampango lyoshilongo ndyoka lyagandja uuthemba kukehe gumwe a tote ongundu yopolitika noshowo okukala mongundu ndjoka wa hala.Okuya mongundu ndjoka wahala kashishi ondjo sigo uuna ndoka ekotampango tali kapopya shilwe.Elombwelo ndyoka lya gandjwa komupopi kalili mondjila, oshigwana ina li shi landula. Ondi inekela omupopi ngele okuna omaiyuvo genomwenyo ota kongo ekwatho.Tse kombinga yetu aakriste natu mu dhiminepo tse twaa landule shoka a popi oshoka kali eshi shoka tati. Aakriste Ombimbeli ota yi tu longeni twaa halele yakwetu uuwinayi. MoMbiimbeli Jesus otati ‘Oongoka tati kumukwawo shintu ngoye’ oye okwa yona. Ano uuna tu li piigongi yopapolitika tatu igidha viva ntumba tse tatu ti down ngandi otatu yono. Aakriste ooyakwetu tu kaleni mopolitika ihe inatu etha tu yonithwe kopolitika oshoka nena otu li muuyuni muka ongula otwe wu thigapo. Aanapolitika amuhe yoongundu dhopolitika moshilongo opolitika inayi muyonitha. Popyeni opolotika ombwanawa noyoshili.Wilikweni kombepo yOmuwa hakombepo yomutondadhi opo mu wape okutunga oshilongo shika. Aanapolitika aasimanekwa kaleni wo hamu taamba omapukululo taga zi moshigwana shoka mwa kwatela komeho.Aakriste oyakwetu ina tu etha iipopiwa yaanapolitika yi tu etele etondathano.Oongundu adhihe dhopapolitika odhi thike pamwe pakotampango lyoshilongo onkene AaNamibia tu mangulukeni okulyoina ongundu ndjoka twa hala ngashi twa pewa uuthemba kekotampango. Kapu na ondjo ya sha ngoka ta yono oye ngoka ta kondjitha ekotampango. Oongundu dhopolitika ota dhi eta po woo oompito dhiilonga moombelewa dha dho miitopolwa hogololo.Kombinga yeyigidho lyomupopi pOnethindi otandi ti, oongeshefa uuna tadhi pata otadhi eta ekanitho lyiilonga, sho ishewe aanangeshefa ayehe ohaya futu iifendela kepangelo opo livule okwaadha omathaneko galyo. Omukalimo oshikandjohogololo Uukwiyu, Oshitopolwa Oshana. NAMBILI
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
