Omakishi mu Uganda oga ohala okukalelwapo mOparliamende

KAMPALA – Omakishi mu Uganda, ga geya komadhipago ogendji giilyo yehangano lyawo mwAafrika lyUuzilo,oga hala okupewa iipundi mOparliamende opo ga ka popile uuthemba wawo.

Shika osha popiwa kOhangano lyOmakishi mu Uganda nenge Uganda Albino Association (UAA) mOsoondaha. gAantu oyendji oye tu tala ko twa fa aantu yomupya, h Faith Bwanika, ngoka e li Amushanga gwehangano ndika osho a popi ngaaka – konima yoshigongi shawo shomasiku gaali sha li mu Kampala, sha li tashi popi kombinga yomaudhigi ngoka ga taalelwa komakishi.Inaya hala okutaamba ko oshipa shetu. Otwa pumbwa omuntu mOparliemende, ngoka oshinakugwanithwa she oshinene tasi ka kala okukondjela uuthemba womakishi, h Bwanika ta popi ngaaka.Oomvula mbali dha piti po, omwaalu omunene gwomakishi ogwa dhipagwa mu Tanzania na Burundi. Moparlaimende ya Uganda omu na nale iipumdi itano yaantu ya kalela po aanuulema.Omakishi gomwaalu gwa konda po 50 – mwa kwatelwa uunona, oga dhipagwa nokutetwa miintimbu kaantu mboka haya landitha po oombati dhago (dhomakishi) koonganga dhoshiluudhe mu Tanzania.Oonganga dhika odhi na eitaalo ndika kutua iitopolwa yetu ootashi vulika yi na oshilongo okulongitha miituthi yawo, ihe paushili – mbaka aadhipagi ashike, h Bwanika ta tsikile ko ngaaka.- Nampa-Sapa