Yali ya monika ekulu mu Namibia

OMINISTA yUundjolowele nOnkalathano, Omundohotola Richard Kamwi, okwa tseyitha kutya mu Namibia omwa monika aantu yaali ye na omukithi gwEkulu, ngoka gu li gwa kwata aantu oyendji muuyuni.

Nande ongaaka, Kamwi okwa ningi eindilo kushigwana kashi vuluke mo omwenyo , ta ti kutya onkalo oyi li mekondololo. Ayehe yaali oya li ya pangwa sho ya galukile kegumbo.Okamatyona koomvula 13 kokoRehoboth – ka zi kuudhano wo Rugby ko South Afrika nomkiintu omgundjuka a gulukile kegumbo okuza ku Eurpa oshiwike sha zi ko, oyo ya monika ekulu ndika.Kamwi okamatyona hakla oka li nuumatyona uukwawo u li 20 naantu aakuluntu yaali mOmbesa ndjoka ya li ye ya fala nokuya galula ko South Afrika na ayehe oya li ya mono epango.Okwa ti aanambelewa yElongo, Opolisi, Ookansela mElelo lyondoolopa nIipangelo yOpaumwene po Rehoboth, oya li ya ningi oshigongi omutenya gwOmaandhaa, omanga Okilinika yokupanga ekulu ndika tayi ka egululwa okupanga mboka ye na omadhidhiliko gekulu ndika.Omukiintu nguka a monika ekulu ndika okwa li a lombwele aanambelewa yuuhaku kutya oku na omadhilddhiliko agehe galyo, konima sho a lesha okafo ke na omauyelele kombinga yomukithi nguka – hoka a li pewa pOkapale ka Hosea Kutako.Okwa li nee a falwa kOshipangelo sha Windhoek Central meendelelo, hoka a li a ka mona epango e ta pitikwa okuya kegumbo.