OMINISTA yOmagumbo nOmapangelo gOpaitopolwa, Jerry Ekandjo, mEtitano lya zi ko okwa li a egulula pambelewa Oombelewa oompe dhElelo lyokandoolopamukunda ka Tses moshitopolwa sha Karas.
Ekandjo okwa ningi eindilo kOokansela mElelo lya Tses nokaaniilonga mOombelewa dhika ya eta po omayakulo gaakalimo ge li nawa. ‘Omatungo ngaka omawanawa oga eta po onkalo yi li nawa, moka tamu vulu okupitila omayakulo ge li nawa,’ Ekandjo ta ti ngaaka.Eegululo lyOombelewa dhika olya endele wo pamwe neegululo lyEgumbo lyOmunambelewapititho gwa Tses nOkapale komaudhano. Ekandjo okwa ningi eindilo koshigwana sha Tses, shi kale sha tala kutya iinima mbika oya kwatwa nawa. ‘Onda hala oku shi popya nomuthindo mpaka, kutya omaliko ngoka ga dhikwa mu Tses ogondilo na oge na okukwatwa nawa nokugamena ethimbo elihe,’ Ekandjo ta popi ngaaka.Gavena gwoshitopolwa sha Karas, Dawid Boois, okwa ti opu na okukatukwa oonkatu dha kindja mekondjo lyomukithi gwo HIV-AIDS, oluhepo, iikololitha nelongitho lyiingangamithi, ta ti kutya iinima mbika oyi li tayi piyganeke oonkambadhala dhi na sha nehumithokomeho moshitopolwa shawo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
