NORED a gandja N$6000 kOsikola ya Valombola

OKAMPANI ndjoka hayi gandja olusheno koshigwana shomoNooli, yedhina Nored, mEtitatu lyoshiwike shika oya gandja omagano gOondolaN$6000 kOsikola yUungomba ya Valombola mOngwediva opo yi kiikwathe nasho pethimbo lyOshituthi shegandjo lyOonzapo shoka kwa thanekwa tashi ka kala ko pOsikola mpoka nuumvo.

Otjeke ndjika yOondola/N$6000 oya pewa Omukuluntusikola gwa Valombola tate Titus Malangu kOmunambelewa Omukuluntupitithi gwa Nored tate Gotlieb Amanyanga, sha ningilwa pOsikola yUungomba ya Valombola mpoka ongula yEtitatu lyoshiwike shika, omanga aalongwa mpoka naalongi yawo ya tala ko nenyanyu.Pethimbo ta gandja Otjeke ndjika Amanyanga okwa ti kutya pokati ka Nored nOsikola yUungomba ya Valombola ito yi po oshoka, omathimbo agehe ngoka ga zi ko Nored oya kala taya longele kumwe na Valombola miinima yi ili noyi ili, unene ha kutha po aailongimOvalombola noku ke ya pa iilonga pomathimbo gomafudho, unene tuu mboka tayi ilongele Iikwamalusheno. Omukuluntusikola gwa Valombola tate Malangu, okwa pandula Nored sho aluhe te ya kwathele ngeyi, unene tuu pashimaliwa noshowo okugandja oompito dhiilonga kaalongwa yawo. Omusamane Malangu ta ti kutya oshimaliwa shika ya pewa ngeyi, otaye ke shi longitha mOshituthi shEgandjo lyonzapo kOonakupita mOsikola yawo, shoka tashi ka dhanenwa mumwe nOshituthi shevalo lyOsikola yawo ndjika sho tayi ka gwanitha oomvula omilongondatu (30) mu Kotoba nuumvo. Tate Malangu ta ti esiku, kutya uunake taku ka kala Iituthi mbika iyali oshita, opo tali ka tseyithwa komeho. Ashike oya than eka ngaa yi ka kale ko mu Oktoba nuumvo.