Aakiintu ya dhengwa sho ya zala ombulukweya

KHARTOUM – Onkundana okuzilila ku Khartoum sha Sudan otayo ti kutya aanapolitika aakuluntu mu Sudan oya hala pu ningwe omakonakono kombinya yomapopyo kutya aakiintu aanyasha ya za koshitopolwa hoka ku na na Aakriste oyendji, oya dhengwa sho aniwa ya tindi oveta yAamuslima – sho ya zala ombulukweya mu Khartoum.

Opolisi oya li ya kwata po aakiintu ye li 13 petameko lyomwedhi nguka, molwashoka aniwa oya li ya zala iikutu kayi li nawa mOkefe yimwe mu Khartoum na omulongo yomuyo oya ka dhengwa.Shika osha lombwelwa aanankundan ku gumwe gwomaakiintu mbaka. Lubn Hussein, ngok h longo ong’Omugandjimulombo gwIigwanahangano mu Khartoum, okwa ti yamwe yomaakiintu mbaka a li a kwatwa po nawa, oya za koshitopolwa shokuumbugantu sha Sudan, hoka ku na Aakriste oyendji.Mu Khartoum nomiitopolwa yilwe yokuumbangalantu ya Sudan, ohamu longithwa Oveta yOshIslama yo Sharia Law. Sudan oku ngene okukala a tala kutya aakalimo yomoshitopolwa shokuumbugantu inaya gumwa kOveta ndjika patsokumweuvathano ndyoka lya li lya shainwa momumvo 2005, ndyoka li lya hulitha po iita pokati kaakalimo yomoshitopolwa shokuumbugantu naamboka yokuumbangalantu.Yasir Armain, e li Omunambelewa omukuluntu mongundu yo Sudan People’s Liberation Army (SPLM) okwa lombwele oshitumikundaneki sha Reuters kutya ota ka ninga eindilo pu ningwe omakonakono kombinga yoshinima shika, kutya omolwashike aakiintu mbaka inaya gamenwa.Otwa kondema oshinima shika noonkondo adhihe. Oshi li eyono lyuuthemba waakiintu naagundjuka. Ondi na einekelo kutya Okomisi yUuthemba wAantu kaye shi Aamuslima moshilandopangelo, otayi ka tala oshinima shika,’ Arman ta popi ngaaka.Arman okwa ti aakiintu oyendji yokoshitopolwa shokuumbugantu, ohaya kala nokudhengwa ngele ya dhungu omalovu mu Khartoum. ‘Otaya geelelwa oshinima shu uthwa muumbugantu,’ ts tsikile ko ngaaka.Aakalimo yomoshitopolwa shokuumbugantu mu Sudan oya li yu uvanekwa kutya otaku ka ningwa oreferenduma, kutya oya hala okuza ko kuSudan-umbanagalantu momumvo 2011 nenge aawe. – Nampa-Reuters