Oontauki dha za mo mOsire

Ooontauki naakongi yuuholameno kumwe ayehe ye li 41 odha dhigi po Namibia oshiwike sha zi ko, taya nyenyeta aniwa kutya otaya ningilwa omatilitho.

Ngashiingeyi oye li aniwa pehala limwe ‘Kali na mwene’li li poongamba dha Namibia na Botswana. Mokati kaatu mbaka omu na aanona ye li 23 ye li mepipi lyoomvula okuza puyimwe sigo 17), ya za kiilongo ngashi DRC na oya li nee mOkamba yoontauki pOsire – yi ili ookilo 220 kuumbangalatu-zilo wa Venduka.Ehangano Egameni lyUuthemba wOmuntu mu Namibia/National Society for Human Rights (NSHR) olya ti oontauki dhika odha li aniwa dhe ya lombwele kutya oye li taya ningilwa omatilitho ogendji.Shika osho nee aniwa sha eta oontauki dhika kadhi itula megameno lyEpangelo lya Namibia, dha tilwa okuningwa nayi molwashoka odhi iilyo yehangano lyontumba nosho wo molwashoka ye na omadhiladho gopapoliyika ga yooloka.NSHR okwa ti odhindji dhomoontauki dhika odhi li iilyo yehangano lyedhina Association of the Voiceless, ndyoka lili ehangano lyuuthemba womuntu pOsire.Ehangano ndika olya li lya totwa po nelalakano okugamena uuthemba woontauki naakongi yuuholameno pOsire, moka mu na oontaiku dhi li 7 000 lwaampoka.